چشتیاں، آندھی اور چارگھنٹے تک طوفانی بارش، سینکڑوں ایکڑرقبہ پرکاشت کی گئی کپاس کی تیار فصل تباہی سے دوچار ،

زمینداروں ،کاشتکاروں کو کروڑوں روپے کا نقصان اٹھانا پڑے گا

جمعرات 28 اگست 2014 19:49

چشتیاں(اُردو پوائنٹ اخبار تازہ ترین۔28اگست۔2014ء) چشتیاں کے نواحی متعدد دیہات میں آندھی اور چارگھنٹے تک طوفانی بارش کی وجہ سے سینکڑوں ایکڑرقبہ پرکاشت کی گئی کپاس کی تیار فصل تباہی سے دوچار ہوگئی۔جس کے نتیجہ میں زمینداروں ،کاشتکاروں کو کروڑوں روپے کا نقصان اٹھانا پڑے گا۔

(جاری ہے)

نواحی چک 116مراد ،چک نمبر117مراد،چک نمبر118مراد کے زمینداروں ،کاشتکاروں میا ں شہزاد وٹو،حاجی زاہد سلیم آرائیں ،چوہدری سیف الرحمن چیمہ ،ڈاکٹر محمدایوب گورایہ ،چوہدری اللہ رکھا گورایہ ،میاں عبدالرحمن وٹو،چوہدری فضل دین آرائیں ،بشیراحمد ،چوہدری محمد اشرف نے میڈیا نمائندوں کو بتایا کہ قدرتی آفت کے موقع پر حکومت کو چاہیے کہ وہ آفت زدہ دیہات کے زمینداروں ،کاشتکاروں کو آبیانہ و دیگر زرعی ٹیکس معاف کرے ۔

انہوں نے کہاکہ کسانوں کی سالانہ آمدن کادارومدارکپاس کی فصل پر ہوتاہے۔ مگر اس بار بارش کی وجہ سے ہونے والے نقصان نے کسانوں کی کمر توڑ دی ہے۔