ایف بی آئی کا چینی ہیکرز سے متعلق انتباہ،سیکورٹی کمپنیوں کے ایک اتحاد کا "ہڈن لنکس " نامی گروہ کی طرف سے ہیکنگ کی کوششوں کو روکنے کے لیے مربوط کوششوں پر اتفاق
جمعرات 16 اکتوبر 2014 23:05
واشنگٹن(اُردو پوائنٹ اخبار تازہ ترین۔16اکتوبر 2014ء) امریکہ نے چینی حکومت کی طرف سے مبینہ طور پر امریکی کمپنیوں کے خلاف ہیکنگ کی کوششوں سے متعلق تازہ تنبیہ جاری کی ہے۔امریکی نشریاتی ادارے کے مطابق گزشتہ روز جاری ہونے والے ایک انتباہ میں امریکہ کے وفاقی تحقیقاتی ادارے (ایف بی آئی) نے کاروباری حلقوں کو 'سرکاری سرپرستی میں کام کرنے والے ہیکرز کے ایک گروپ' کے بارے میں خبردار کرتے ہوئے شبہ ظاہر کیا کہ یہ جاسوسی کے ذریعے اہم قیمتی معلومات چوری کر رہا ہے۔
کمپنیوں کو غیر سرکاری طور پر جاری کی گئی نو صفحات پر مشتمل رپورٹ میں دوسری سیکورٹی کمپنیوں نے بھی مذکورہ گروہ کی طرف سے بھی ہیکنگ کی کوششوں کی نشاندہی کی گئی تھی۔سیکورٹی کمپنیوں کے ایک اتحاد نے "ہڈن لنکس " نامی گروہ کی طرف سے ہیکنگ کی کوششوں کو روکنے کے لیے مربوط کوششوں پر اتفاق کیا۔(جاری ہے)
خیال ظاہر کیا جا رہا ہے کہ 2009 میں ہونے والی " آپریشن ارورا " نامی کوشش کے پیچھے بھی یہ گروہ ملوث تھا جس میں گوگل سمیت کئی بڑی امریکی کمپنیوں کو نشانہ بنایا گیا تھا۔
واشنگٹن بہت پہلے سے کہہ چکا ہے کہ مبینہ طور پر سائیبر معلومات کی چینی چوری کی وجہ سے امریکی دفاعی رازوں کو خطرات لاحق ہوئے جبکہ عالمی سطح پر امریکی کمپنیوں کی مسابقتی اہلیت کو بھی متاثر کرنے کے ساتھ ساتھ امریکی کارکنوں کی نوکریاں بھی ختم ہوئیں۔لیکن حالیہ مہینوں میں امریکی عہدیدار چینی فوج کی ہیکنگ میں مبینہ طور پر ملوث ہونے پر براہ راست الزام عائد کرنے سے گریز کر رہے ہیں۔مئی میں امریکہ نے چینی فوج کے پانچ ارکان پر ہیکنگ کے الزامات کی فرد جرم عائد کی تھی۔ ان پر کئی بڑی امریکی جوہری، دھاتی اور شمسی کمپنیوں کے کمپیوٹروں سے معلومات چرانے کا الزام تھا۔چین ان الزامات کو سختی سے مسترد کرتا ہے اور اس کا کہنا ہے کہ وہ امریکی جاسوسی کا شکار ہوا ہے۔متعلقہ عنوان :
مزید بین الاقوامی خبریں
-
ٹورنٹو میں یوم خالصہ کی تقریب ،کینیڈین وزیر اعظم جسٹن ٹروڈو نے بھی شرکت کی
-
وائٹ ہائوس کی میڈیا نمائندگان کیلئے تقریب کے دوران فلسطینیوں کے حق میں مظاہرہ
-
دبئی، 35 ارب ڈالر کی لاگت سے آل مکتوم انٹرنیشنل ایئرپورٹ کی توسیع کا آغاز
-
کیٹ مڈلٹن کی بہن کو جلد ہی رائل ٹائٹل ملنے کا امکان
-
شہزادہ ہیری کے دورہ برطانیہ کی تصدیق
-
دبئی میں بھکاریوں کیخلاف آپریشن، عید پر 396 بھکاری گرفتار
-
ٹک ٹاک کاایک بار پھر امریکا میں اپنی ایپ بیچنے سے انکار
-
برطانیہ، پناہ گزینوں کیخلاف آپریشن آئندہ ہفتے شروع ہوگا
-
رفح پر امکانی اسرائیلی حملہ ، اسرائیل امریکہ کو اعتماد میں لے گا ، جان کربی
-
امیت شاہ کی ویڈیو وائرل ہونے کے بعد دہلی پولیس کی جانب سے ایف آئی آر درج
-
بنگلادیش کو تاریخ کے شدید ترین ہیٹ ویو کا سامنا
-
طیارے کے ٹوائلٹ میں لڑکی کی ویڈیو بنانے پرفلائٹ اٹینڈنٹ برطرف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.