برطانیہ، پناہ گزینوں کیخلاف آپریشن آئندہ ہفتے شروع ہوگا

توقع سے کچھ ہفتے پہلے ہی سیاسی پناہ گزینوں کی ملک بدری کی تیاریاں ہیں،رپورٹ

پیر 29 اپریل 2024 12:28

برطانیہ، پناہ گزینوں کیخلاف آپریشن آئندہ ہفتے شروع ہوگا

لندن(اُردو پوائنٹ اخبارتازہ ترین - این این آئی۔ 29 اپریل2024ء) برطانوی حکومت پناہ گزینوں کو حراست میں لینے کے لیے رواں ہفتے سے خصوصی آپریشن شروع کرے گی۔برطانوی میڈیا رپورٹس کے مطابق توقع سے کچھ ہفتے پہلے ہی سیاسی پناہ گزینوں کی ملک بدری کی تیاریاں ہیں۔

(جاری ہے)

حکام کا منصوبہ ہے کہ امیگریشن سروس کے دفاتر آنے والے پناہ گزینوں کو وہیں سے حراست میں لے لیا جائے اور انہیں فوری طور پر حراستی مراکز میں منتقل کر دیا جائے گا۔واضح رہے کہ برطانوی وزیراعظم نے کہا تھا کہ رواں سال موسم گرما میں پناہ گزینوں کی پہلی پرواز روانڈا کے لیے روانہ ہوگی۔