بھارت نے پاکستان کے سوا سب سے ملاقاتیں کیں اور پاکستان بھی انڈیا کے سوا سب سے ملا ہے ، سرتاج عزیز
بدھ 26 نومبر 2014 20:37
کھٹمنڈو (اُردو پوائنٹ تاز ترین اخبار۔ 26نومبر 2014ء) وزیراعظم کے مشیر خارجہ سرتاج عزیز نے کہا ہے کہ بھارت نے پاکستان کے سوا سب سے ملاقاتیں کیں اور پاکستان بھی انڈیا کے سوا سب سے ملا ہے بھارت نے یکطرفہ طور پر مذاکرات ختم نہ کئے ہوتے تو نیویارک کے بعد سارک میں دوسری ملاقات ہوتی۔وزیراعظم کی ملاقاتوں کے حوالے سے میڈیا کے نمائندوں کو بریفنگ کے دوران مشیر خارجہ سرتاج عزیز نے کہاکہ بھارتی وزیراعظم نریندرمودی سے ملاقات کے امکانات کم ہیں۔
بھارت نے 25 اگست کو یکطرفہ طور پر مذاکرات کا سلسلہ معطل کیا تھا اگر ملاقاتوں کا سلسلہ جاری رہتا تو یہ دونوں ملکوں معاشی ترقی میں معاون ہوتا۔ سرتاج عزیز نے کہاکہ پاکستان چین کی سارک رکنیت کا حامی ہے تناہم بھارت کے اس پر تحفظات ہیں جبکہ ترکی سارک میں آبزرور کا امیدوار ہے۔(جاری ہے)
مشیر خارجہ سے بنگلہ دیشی وزیراعظم حسینہ واجد سے ملاقات کے بارے میں جب یہ سوال کیا گیا کہ دونوں رہنماؤں کی ملاقات میں جماعت اسلامی کے رہنماؤں کی پھانسیوں پر کیا بات چیت ہوئی ہے؟ تو سرتاج عزیز نے کہا کہ ایسا کوئی معاملہ زیر غور نہیں آیا۔
سارک کانفرنس میں پاکستان نے ریلوے ٹرانسپورٹ اور انرجی کے حوالے کئی معاہدے بھی کئے۔ ریلوے اور ٹرانسپورٹ کی سطح پر ہونیوالے بعد میں وزرا کی سطح پر بھی ہوں گے۔ ۔ انہوں نے کہا کہ مغربی اور سارک ممالک پاک بھارت مذاکرات کے خواہا ں ہیں جس پر پاکستان بھارت سے مذاکرات کے لیے تیار ہے تاہم اس کے لیے پہل بھارت کو ہی کرنا ہوگی سرتاج عزیز کا کہنا تھا کہ سارک کانفرنس میں وزیراعظم نوازشریف نے نیپال، سری لنکا، مالدیپ اور بنگلا دیش کے سربراہوں سے ملاقاتیں کیں جن میں باہمی تجارت اور روابط کو موٴثر بنانے پر گفتگو ہوئی جب کہ سارک فورم میں ریلوے، ٹرانسپورٹ اور توانائی کے معاہدے زیر بحث آئے اور توانائی معاہدے پر دستخط کا بھی امکان ہے۔ انہوں نے کہا کہ سارک فورم میں کانفرنس کو ہر سال کرنے کی بھی تجویز زیر غور آئی ہے جب کہ پاکستان چین کو سارک کا رکن اور ترکی کے مبصر ہونے کی حمایت کرتا ہے۔متعلقہ عنوان :
مزید اہم خبریں
-
ویوو Y100 کی برانڈ ایمبیسیڈر کے طور پر دُرفشاں سلیم کو متعارف کردیا گیا
-
امریکہ: فائرنگ میں تین پولیس افسران ہلاک، پانچ زخمی
-
غزہ: فائر بندی اور یرغمالیوں کی رہائی کے لیے مذاکرات
-
اگر میرے کام میں مداخلت ہو اور میں روک نہ سکوں تو مجھے گھر چلے جانا چاہیے.جسٹس قاضی فیض عیسی‘سب کو معلوم ہے کہ سچ کیا ہے لیکن بولنے کی ہمت کوئی نہیں کررہا.جسٹس اطہر من اللہ
-
خصوصی اقتصادی زونز میں سستی بجلی کی فراہمی کو یقینی بنانے کے لئے اقدامات کی ضرور ت ہے،وفاقی وزیراحسن اقبال
-
عمران خان کی عدت نکاح کیس میں سزا کیخلاف اپیل: خاور مانیکا کی عدم اعتماد کی درخواست پر فیصلہ محفوظ
-
9 مئی جلا ئوگھیرائو کیس میں اسد عمر کی بریت کی درخواست پر فیصلہ محفوظ
-
نیب نے شاہد خاقان عباسی کے خلاف ایل این جی ریفرنس واپس لے لیا
-
عدت نکاح کیس میں جج پر اعتراض اور کیس منتقلی کی استدعا مسترد
-
افغان صوبے ہرات میں مسجد پر حملہ، چھ افراد ہلاک
-
پاکستانی سفیر کی امریکی کانگریس مین سے ملاقات، عالمی اور علاقائی سلامتی پر تبادلہ خیال
-
الیکشن کمیشن کی پی ٹی آئی کے انٹراپارٹی انتخابات پر اعتراضات کی تفصیلات فراہم کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.