خیبر پختونخوا پولیس کا صوبہ بھر میں واقع تمام تعلیمی اداروں کیلئے خصوصی سکیورٹی پلان
تمام تعلیمی اداروں کی انتظامیہ کو عمارتوں کی دیواریں اونچی کرنے ، خاردار تاریں لگانے اور سی سی ٹی وی کیمرے نصب کرنے کے احکامات جاری
اتوار 28 دسمبر 2014 18:13
پشاور(اُردو پوائنٹ اخبارتاز ترین۔ 28دسمبر 2014ء) خیبر پختونخوا پولیس نے صوبہ بھر میں واقع تمام تعلیمی اداروں کیلئے خصوصی سکیورٹی پلان تشکیل دے دیا گیا ہے جس کے تحت تمام تعلیمی اداروں کی انتظامیہ کو عمارتوں کی دیواریں اونچی کرنے ، دیواروں کے اوپر خاردار تاریں لگانے اور سی سی ٹی وی کیمرے نصب کرنے کے احکامات جاری کردیئے گئے ہیں اس کے علاوہ پولیس کی جانب سے سکول عملے کے کچھ افراد کے موبائل فون میں ایک سافٹ ویئر (ایس اوایس) اگلے ہفتہ سے انسٹال کیا جا رہا ہے جس کے ذریعہ موبائل فون سے ایک مخصوص کوڈ والابٹن دبانے سے دس مقامات کوپیغام موصول ہوجائے گاجس پر پولیس فورس فوری طور پر ایکشن لینے کیلئے جائے وقوعہ پر پہنچ جائے گی جبکہ سکول چھٹی کے اوقات میں سادہ کپڑوں میں ملبوس پولیس اہلکار بھی ڈیوٹی دیں گے ،سکول کے ہاسٹلوں میں غیر متعلقہ افراد کی رہائش پر پابندی اور سکولوں کے قریب قائم کردہ نجی کار پارکنگ کو فوری طور پر ختم کرنے کے احکامات جاری کردیئے گئے ایسے تمام افراد اورسکولوں کے خلاف کاروائی عمل میں لائی جائے گی جو نئے تشکیل دیئے جانے والے سکیورٹی پلان اورقوانین پر عمل درآمد نہیں کریں گے اس سلسلہ میں صوبے بھر کے ڈی پی اوز اور آر پی اوز کواحکامات جاری کردیئے گئے ہیں موصول ہونے والے سکیورٹی پلان کے مطابق آرمی پبلک سکول اینڈ کالج ورسک روڈ پر ہونے والے حملہ کے بعد اور مستقبل میں ایسے واقعات کی روک تھام کیلئے محکمہ پولیس خیبر پختونخوا نے صوبہ بھر میں قائم تعلیمی اداروں کیلئے نیا سکیورٹی پلان مکمل کرلیا ہے سکیورٹی پلان کے مطابق پہلے مرحلے کے دوران ضلع پشاور کے سکولوں کی سکیورٹی کو یقینی بنایا جارہا ہے پولیس کے اعلیٰ افسران نے ضلع پشاور کے تمام تھانوں کے ایس ایچ او اور ایس ڈی پی اوز کو ہدایت دی ہے کہ وہ اپنے علاقوں کے اندر واقع سکولوں کے چوکیدار وں اور سکیورٹی گارڈ کا اپنے تھانوں میں اندراج کرکے ان سے باقاعدہ طور پر رابطے میں رہے ،پرائیویٹ گاڑیوں کی مکمل طور پر تلاشی لینے کے بعد سکول کے اندر چھوڑ ا جائے گااور سکول کے اطراف میں پرائیویٹ گاڑیوں کی پارکنگ کو فوری طور پر ختم کرنے کے احکامات جاری کردیئے گئے ہیں سکیورٹی پلان کے مطابق غیر متعلقہ افراد کا سکول کے اند ر اور ہاسٹل میں داخلے اور رہائش پر سختی سے پابندی لگا دی گئی ہے تما م ایس ایچ اوز اور ڈی پی اوز کو یہ ہدایت دی گئی ہے کہ وہ متعلقہ سکول پرنسپل سے مشاورت کے بعد رات کے اوقات میں سکیورٹی کا معائینہ لینے کیلئے رات کے اوقات میں اچانک سکول کا دورہ کرینگے تا کہ چوکیدار اور گارڈز کی ڈیوٹی کا اندازہ لگایا جا سکے سکول عملے کی حاضری اور شناخت کے ساتھ ساتھ وزیٹرز کی نقل و حرکت پر بھی کڑی نظر رکھی جائے گی سکول کے اطراف میں کسی بھی مشکوک شخص یا کاروائی کی صورت میں سکول انتظامیہ بر وقت ایس ایچ اوز اور ڈی پی اوز کومطلع کریں اس ضمن میں میونسپل حکام کو ہدایت دی گئی ہے کہ وہ سکول کے اطراف سے کوڑا کرٹ اور گندگی کے ڈھیر کی صفائی فورا یقینی بنائے اس کے علاوہ سکول سے متصل علاقوں میں رہائش پذیر افراد کا ڈیٹا حاصل کیا جائے گا جبکہ ہفتہ میں ایک بار سرچ آپریشن بھی منعقد کیا جائے گا۔
متعلقہ عنوان :
مزید اہم خبریں
-
آن لائن ٹیکسی کمپنی اوبر نے پاکستان میں اپنی سروس بند کردی
-
محنت کش طبقے کے حالات کو بہتر بنانے کےلئے مناسب اجرت، محفوظ ماحول، صحت کی سہولیات اور بچوں کی تعلیم بارے اقدامات کی ضرورت ہے، صدرمملکت کا مزدوروں کے عالمی دن کے موقع پر پیغام
-
فیصل آباد،گھر میں آتشزدگی سے 3 بچے جھلس کر جاں بحق
-
پنجاب ،بیوروکریسی میں اکھاڑ پچھاڑ ،کمشنر لاہور سمیت 49افسران کے تبادلے
-
پاکستان نازک دور سے گزر رہا ہے، پائیدار اقتصادی ترقی اولین ترجیح ہے، وزیراعظم
-
بہاولپور، فائرنگ کے تبادلہ میں زیر حراست 2 دہشتگرداپنے ساتھیوں کی فائرنگ سے ہلاک
-
تونسہ شریف میں پولیس چیک پوسٹ پر دہشتگردوں کا حملہ، 7 اہلکار زخمی
-
پاکستان کا پہلا سیٹلائٹ مشن چاند پر بھیجنے کی تیاری کرلی گئی
-
پاک برطانیہ علاقائی استحکام کانفرنس، دو طرفہ دفاعی تعلقات کے فروغ پرتبادلہ خیال
-
علاقائی سلامتی کو درپیش خطرات سے نمٹنا امریکہ اور پاکستان کے مشترکہ مفاد میں ہے.امریکی محکمہ خارجہ
-
سائفر کیس میں اہم پیش رفت:ایف آئی اے ثابت کرنے میں ناکام ہوگیا ہے کہ خفیہ کیبلز یا سائفر عمران خان کے قبضے میں تھا .اسلام آباد ہائی کورٹ
-
جنرل باجوہ کو ایکسٹینشن دینا غلطی تھی، جب شخصیات مضبوط ہوں تو ادارے کمزور ہوتے ہیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.