سانحہ پشاور کے بعد پاکستانی قوم دہشتگردی کی لعنت کے خاتمے کیلئے پرعزم ہے ، وزیر خزانہ اسحاق ڈار ،
قیمتی انسانی جانوں کے ضیاع کے علاوہ معاشی نقصانات 100 ارب ڈالر سے بھی زائد ہیں ،دہشتگردی کے خلاف جنگ کے نتیجے میں قبائلی علاقوں میں بڑی آبادی بے گھر ہوئی ہے، حکومت کو نقل مکانی کرنے والے افراد کی آباد کاری کیلئے وسائل کی ضرورت ہے ، آئی ایف سی کے ایگزیکٹو سے گفتگو
پیر 19 جنوری 2015 23:02
اسلام آباد (اُردو پوائنٹ تازہ ترین اخبار۔ 19 جنوری 2015ء) وفاقی وزیر خزانہ سینیٹر اسحاق ڈار نے کہا ہے کہ سانحہ پشاور کے بعد پاکستانی قوم دہشتگردی کی لعنت کے خاتمے کیلئے پرعزم ہے قیمتی انسانی جانوں کے ضیاع کے علاوہ معاشی نقصانات 100 ارب ڈالر سے بھی زائد ہیں دہشتگردی کے خلاف جنگ کے نتیجے میں قبائلی علاقوں میں بڑی آبادی بے گھر ہوئی ہے، حکومت کو نقل مکانی کرنے والے افراد کی آباد کاری کیلئے وسائل کی ضرورت ہے جبکہ انٹرنیشنل فنانس کارپوریشن (آئی ایف سی) کے ایگزیکٹو وائس پریذیڈنٹ اور چیف ایگزیکٹو آفیسر جن یانگ چئی نے کہا ہے کہ آئی ایف سی پاکستان میں انفراسٹرکچر اور توانائی کے منصوبوں کی فنانسنگ جاری رکھے گا ۔
پیر کو انٹرنیشنل فنانس کارپوریشن (آئی ایف سی) کے ایگزیکٹو وائس پریذیڈنٹ اور چیف ایگزیکٹو آفیسر جن یانگ چئی کی سربراہی میں وفد نے ملاقات کی آئی ایف سی کے وفد نے آرمی پبلک سکول پشاور کے سانحہ پر افسوس اور دلی تعزیت کا بھی اظہار کیا۔(جاری ہے)
چیئرمین نجکاری کمیشن محمد زبیر نے حکومت کی جانب سے جاری نجکاری پروگرام کے بارے میں وفد کو بریفنگ دی۔
انہوں نے کہا کہ اس ضمن میں آئی ایف سی کے مشاورتی تعاون کا خیرمقدم کیا جائیگا۔ وفاقی وزیر خزانہ اسحاق ڈار نے کہا کہ سانحہ پشاور نے پاکستانی قوم کے دہشتگردی کی لعنت کو ختم کرنے کے عزم کو مضبوط کیا ہے۔ انہوں نے کہا کہ پاکستان نے دہشتگردی کے خلاف جنگ میں بھاری جانی اور مالی نقصان برداشت کیا ہے، قیمتی انسانی جانوں کے ضیاع کے علاوہ معاشی نقصانات 100 ارب ڈالر سے بھی زائد ہیں۔دہشتگردی کے خلاف جنگ کے نتیجے میں قبائلی علاقوں میں بڑی آبادی بے گھر ہوئی ہے، حکومت کو نقل مکانی کرنے والے افراد کی آباد کاری کیلئے وسائل کی ضرورت ہے۔ انہوں نے کہا کہ 2013ء میں آئی ایف سی کے اجلاس میں پاکستانی گلوبل روپیہ فنڈ کے اجراء کا معاملہ بھی زیر غور آیا تھا، اس معاملے پر کام کی رفتار تیز کی جانی چاہیے۔ انہوں نے حال ہی میں قائم کئے گئے پاکستان ڈویلپمنٹ فنڈ میں بھی آئی ایف سی کو حصہ ڈالنے کی دعوت دی۔ انہوں نے وفد کو اپنے حالیہ دورہ جاپان کے بارے میں بھی بریفنگ دی اور جاپان کی طرف سے پاکستان میں سرمایہ کاری بڑھانے کی یقین دہانیوں سے آگاہ کیا۔مزید اہم خبریں
-
بھارت اور پاکستان ایک دن آزاد ہوئے آج وہ سپرپاور بننے کے خواب دیکھ رہا ہے اور ہم دیوالیہ پن کا شکار ہیں
-
گرمیوں میں سردی والا موسم، کئی سیاحتی مقامات پر برفباری سے سردی لوٹ آئی
-
خیبرپختونخواہ میں بلدیاتی ضمنی الیکشن، تحریک انصاف کلین سوئپ کرنے میں کامیاب
-
مرغی کے گوشت کی قیمت 1200 روپے کی ہوشربا سطح تک پہنچ گئی
-
نوازشریف کے پارٹی صدر بننے کا مطلب مزاحمتی بیانیہ نہیں ہے
-
موبائل ایپ پاک حج سے تمام انتظامات پیپر لیس کر دیے ، رہنمائی اور شکایات مکمل آٹومیٹ ہونگی
-
آرمی چیف سے ترک کمانڈر جنرل کی ملاقات، دفاعی تعلقات مضبوط بنانے کا عزم
-
آرمی چیف جنرل سید عاصم منیر سے ترک بری افواج کے کمانڈر جنرل سیلکوک بیریکتر اوغلو کی ملاقا ت، باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال
-
آرامکو نے گو پٹرولیم کے 40 فیصد حصص کا حصول کر لیا
-
صدر آصف علی زرداری نی ترک بری افواج کے کمانڈر ،جنرل سیلکوک بایراکتار اوغلو کو نشان پاکستان (ملٹری) سے نوازا
-
غزہ میں مستقل امن قائم کیے بغیر دنیا میں امن قائم نہیں ہو سکتا ، شہبازشریف
-
آئی ایم ایف نے پاکستان کیلئے 1.1 ارب ڈالر قسط کی منظوری دے دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.