مسلم لیگ(ن) کراچی کو لاہور کی طرح سرسبز اور پھولوں کا شہر بنائے گی․علی اکبر گجر،
وزیر اعظم پاکستان ملک کو تجاوزات اور ناجائز قبضوں سے ہمیشہ کے لئے چھٹکارہ دلانے کا عزم رکھتے ہیں،رہنما مسلم لیگ (ن)
منگل 24 مارچ 2015 18:46
کراچی(اردو پوائنٹ تازہ ترین اخبار. 24 مارچ 2015ء) کراچی کی خوبصورتی بحال ہوگی، شہر کی سڑکیں کشادہ اور سیلابی پانی کی نکاسی کے نالے کو شہر کی سجاوٹ اور عوام کی تفریح کا ذریعہ بنایا جائے گا․ پاکستان مسلم لیگ(ن) کراچی کو لاہور کی طرح سرسبز اور پھولوں کا شہر بنائے گی․ وزیر اعظم پاکستان ملک کو تجاوزات اور ناجائز قبضوں سے ہمیشہ کے لئے چھٹکارہ دلانے کا عزم رکھتے ہیں․ کراچی کے نالوں کو ناجائز تجاوزات کی بجائے لاہور شہر کی طرح خوبصورت کراچی کینال کے نام سے سجایا جائے گا․حکمران جماعت پاکستان مسلم لیگ(ن) کے صوبائی نائب صدر علی اکبر گجرنے کراچی کے سیلابی نالوں پر غیر قانونی تجاوزات کی وجہ سے پیدا ہونے والے ٹریفک و امان و امان کے مسائل کو تشویشناک قرار دیتے ہوئے کہا ہے کہ شہر قائد کے مکین جاننا چاہتے ہیں کہ امن و امان کے بعد کیا صوبے کے بلدیاتی نظام کو پٹڑی پر لانے کی لیئے بھی رینجرز کی خدمات طلب کی جائیں گی؟․کراچی کے تمام اضلاع میں سرکاری نالوں ، سڑکوں اور بڑی شاہراہوں پر تجاوزات شہریوں کے لئے عذاب بن چکی ہیں․ پاکستان مسلم لیگ(ن) سندھ کے نائب صدر علی اکبر گجر نے پاکستان مسلم لیگ(ن) کراچی کے چاروں اضلاع کے رہنماؤں حاجی نظر آفریدی، چوہدری محمد نواز ، رانا عبد الجبار، احمد علی خان، چوہدری اعجاز باجوہ، فیاض لاشاری، کی طرف سے موصولہ شکایات کی تفصیل جاننے کے بعد کہا کہ کراچی کے سیلابی نالوں پر عملا سو فیصد تجاوزات قائم ہوچکی ہیں․ صوبائی محکمہ بلدیات کے اعلی حکام کی بھرپور معاونت کے ساتھ شہر کے سیلابی نالوں پر کئی کئی منزلہ عمارتیں، کاروباری سنٹر، ورکشاپس اور پتھارے کراچی کے دو کروڑ شہریوں کی بے بسی کا مذاق اڑا رہے ہیں․ صوبائی محکمہ بلدیات اور سندھ کی حکومت کی لاتعلقی کسی بھی وقت کراچی میں بشری زیدی کی شہادت کے بعد کے واقعات جیسی سنگین صورتحال کا باعث بن سکتی ہے․ شہر کے لمبے چوڑے سیلابی نالے غیر قانونی تجاوزات کے بعد دو دو فٹ کی نالیاں بن چکے ہیں جس کی وجہ سے ٹریفک کے ساتھ ساتھ نکاسی آب اور ممکنہ بارشوں کی صورت میں اہل کراچی بڑی تباہی سے دوچار ہو سکتے ہیں․ نکاسی آب کے نالوں پر حکومتی منشا کے ساتھ غیر قانونی تعمیرات کسی بھی وقت خوفناک امن و امان کی صورتحال کا باعث بن سکتی ہیں․ پاکستان مسلم لیگ(ن) واحد ایسی جماعت ہے جو کراچی سمیت سندھ کے ہرشہر اور قصبے کی تقدیر سنوارنے میں سنجیدہ ہے․ کراچی میں سیکڑوں غیر قانونی گھروں کے ڈوبنے اور شہر میں وبائی امراض پھیلنے کا خطرہ ہے۔
(جاری ہے)
متعلقہ عنوان :
مزید مقامی خبریں
-
رہنما مسلم لیگ ق خواجہ رمیض حسن کی والدہ انتقال کر گئی
-
نجکاری سے گردشی قرضوں سے نجات مل سکتی ہے، سی ای او کے۔ الیکٹرک
-
جہلم پولیس کا ڈکیت گینگ کے ملزمان کے خلاف بھر پور کریک ڈاؤن جاری،02ملزمان گرفتار وارداتوں میں استعمال ہونے والا ناجائز اسلحہ اور موٹر سائیکل برآمد
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.