اپنی 34سالہ سروس کے دوران واٹر بورڈ میں اپنے پیشہ وارانہ فرائض محنت لگن اور فرض شناسی سے انجام دیئے ہیں، قطب الدین شیخ
تمام افسران ،صوبائی حکومت ، سماجی حلقوں کی مشاورت اور تعاون حاصل رہا ، جس کی وجہ سے میں اپنی ذمہ داریوں کو پایہ تکمیل تک پہنچا کرسبکدوش ہورہا ہوں
جمعرات 30 اپریل 2015 22:10
کراچی (اُردو پوائنٹ اخبار تازہ ترین۔ 30اپریل۔2015ء) منیجنگ ڈائریکٹر کراچی واٹراینڈ سیوریج بورڈ قطب الدین شیخ نے کہا ہے کہ میں نے اپنی 34سالہ سروس کے دوران واٹر بورڈ میں اپنے پیشہ وارانہ فرائض محنت لگن اور فرض شناسی سے انجام دیئے ہیں اور مجھے اپنے تمام افسران ،صوبائی حکومت ، سماجی حلقوں کی مشاورت اور تعاون حاصل رہا ، جس کی وجہ سے میں اپنی ذمہ داریوں کو پایہ تکمیل تک پہنچا کرسبکدوش ہورہا ہوں جس کے لئے میں اﷲ تعالیٰ کا شکر گزار ہوں ، ان خیالات کا اظہار انہوں نے جمعرات کے دن اپنے ریٹائرمنٹ کے موقع پر واٹربورڈ کے افسران سے الوداعی ملاقات کے دوران کیا ،انہوں نے کہا کہ بہتر خدمات ہی سے ہم ادارے کا امیج بہتر سے بہتر بناسکتے ہیں ،لہٰذا میری خواہش ہے کہ واٹربورڈ کے تمام افسرا ن اور ملازمین اپنی پیشہ وارانہ تجربہ اور صلاحیتوں کو بروئے کار لاتے ہوئے خدمات انجام دیں اس لئے کہ واٹربورڈ ایک خدمتی ادارہ ہے شہریوں کو پانی پہنچانا ہماری ذمہ داری ہے انہوں نے کہا کہ اگر ہم اپنی ذمہ داریوں کا احساس کریں اور دستیاب پانی کو بہتر منصوبہ بندی سے فراہم کریں تو شہر کے ہر حصے میں پانی پہنچایا جاسکتا ہے انہوں نے کہا کہ ہمیں اﷲ تعالیٰ کی خوشنودی اور رضا مندی کیلئے کام کرنا چاہئے میں نے دیکھا ہے کہ پانی کی تقسیم میں والو آپریشن پر کڑی نگرانی اور مانیٹیرنگ کی ضرورت ہے ،لہٰذا تمام چیف انجینئرز اپنے افسران اور اسٹاف کے کنٹرول ، مانیٹرنگ اور نگرانی کا ویژن اپنائیں تو صورتحال میں نمایاں تبدیلی آسکتی ہے ، انہوں نے کہا کہ انجینئرنگ اور ریونیو کے محکموں کا واٹربورڈ کو مضبوط اور مستحکم بنانے میں اہم اور کلیدی کردار ہے جبکہ بلک ، ڈسڑی بیوشن، الیکٹریکل و مکینیکل خاص طور پر ریونیو ڈپارٹمنٹ کانہایت اہم اور نمایاں کردار ہے اور مجھے خوشی ہے کہ ریونیو ڈپارٹمنٹ نے واٹربورڈ کے ریونیو میں اضافے کو یقینی بنایا تاہم اس میں مناسب اصلاح اور موثر اقدامات کی ضرورت ہے اس لئے کہ واٹربورڈ اپنے مالی وسائل سے ہی ادارے کو چلارہا ہے انہوں نے تمام افسران کا شکریہ ادا کیا اور توقع ظاہر کی کہ افسران واٹربورڈ کو ایک مثالی مضبوط اور مستحکم ادارہ بنانے میں اپنا موثر کردار ادا کریں گے ،دریں اثنا ڈی ایم ڈی ریونیو محمد اسلم خان اور پرسنل اسٹاف آفیسر وقار ہاشمی نے اسٹاف کی جانب سے سبکدوش ہونے والے ایم ڈی قطب الدین شیخ کو خراج تحسین پیش کیا اور ان کی خدمات کو سراہا اور اسٹاف کے ساتھ مثبت رویہ پر ان کا شکریہ ادا کیا ۔
مزید اہم خبریں
-
یورپ: وباء اور بچوں میں موٹاپے کے درمیان تعلق پر رپورٹ
-
تارکین وطن کی کشتی الٹنے سے ہلاکتوں پر یو این اداروں کا اظہار افسوس
-
میانمار میں غلط معلومات اور نفرت انگیزی پر یو این کو تشویش
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.