پاک چائنہ اکنامک کوریڈور سے نہ صرف پاکستان بلکہ پورے خطے کو اس سے فائدہ حاصل ہو گا‘رانا محمد اقبال خاں
تمام صوبے اس سے یکساں طور پر مستفید ہونگے ، ملک میں اقتصادی اور معاشی خوشحالی آئے گی‘سپیکرپنجاب اسمبلی کا تقریب سے خطاب
جمعرات 11 جون 2015 20:55
لاہور (اُردو پوائنٹ اخبار تازہ ترین۔ 11 جون۔2015ء ) سپیکر پنجاب اسمبلی رانا محمد اقبال خاں نے کہا ہے کہ پاکستانی قوم تمام چیلنجز کا مقابلہ کرنے کی صلاحیت رکھتی ہے ، اگر ہم بانی ٔ پاکستان قائد اعظم محمد علی جناح کے سنہری اصولوں پر عمل پیرا ہوں تو دنیا کی کوئی طاقت ہمیں ترقی سے نہیں روک سکتی،بین الاقوامی معیار کی تعلیم کی فراہمی کے خواب کو میاں محمد شہبازشریف عملی جامہ پہنا رہے ہیں، حکومت نے صحت اور تعلیم کے میدان میں انقلابی اقدام اٹھائے ہیں، تعلیم مستحکم جمہوریت کے لیے لازم ہے ۔
ان خیالات کا اظہار سپیکر پنجاب اسمبلی رانا محمد اقبال خاں نے پنجاب گروپ آف کالجز کی تقریب تقسیم انعامات سے خطاب کرتے ہوئے کیا ۔ سپیکر نے کہا کہ تعلیم کسی بھی معاشرے کیلئے روح کی حیثیت رکھتی ہے۔(جاری ہے)
آج ترقی یافتہ قومیں تعلیم کی بدولت ہی جانی پہچانی جاتی ہیں۔ارشاد نبوی ہے کہ ’’علم کا حصول ہر مسلمان پر فرض ہے ۔ ‘‘رانا محمد اقبال خاں نے کہا کہ پاک چائنہ اکنامک کوریڈور سے نہ صرف پاکستان بلکہ پورے خطے کو اس سے فائدہ حاصل ہو گا۔
تمام صوبے اس سے یکساں طور پر مستفید ہونگے اور ملک میں اقتصادی اور معاشی خوشحالی آئے گی۔ انہوں نے کہا کہ حکومت توانائی کے بحران سے نمٹنے کے لیے دن رات کوشاں ہے اور اس سلسلہ میں تمام تر وسائل بروئے کار لا رہی ہے۔حکومت پنجاب وظائف اور نقد انعامات سے طلباء کی حوصلہ افزائی کر رہی ہے۔رانا محمد اقبال خاں نے کہا کہ حکومت دہشت گردی‘ بدعنوانی اور بے روزگاری کے خاتمہ کے لیے کوشاں ہے۔بامقصد زندگی گزارنے کیلئے نوجوانوں کو تعلیم کے ساتھ ہنر بھی سیکھنا چاہیے۔ سپیکر نے اس امر پر زور دیا کہ بنیادی سطح پر سب کو تعلیم دی جائے۔انہوں نے کہاکہ ملک کو درپیش چیلنجز سے نمٹنے کے لیے ہمیں اس وقت اتقاق و اتحاد اور یگانگت سے کام لینا ہو گا۔ سپیکر نے کہا کہ پاکستان کو ایک مضبوط جمہوری ریاست بنانے کے لیے ، بچوں کو بنیادی سہولیات فراہم کرنا ہمارا اخلاقی اور قومی فرض ہے۔ بعدازں سپیکر نے پوزیشن ہولڈر کو گاڑی کی چابی بطور انعام دی۔مزید اہم خبریں
-
پاکستان میں غیر معیاری ادویات کا مسئلہ
-
ہمارے مسالے مضر صحت نہیں، بھارتی کمپنی ایم ڈی ایچ
-
کیا انتظامی عہدے کیلئے حکمران خاندان سے ہونا ہی واحد شرط ہے؟
-
غزہ میں جنگ بندی کی کوششوں میں تیزی
-
مولانا فضل الرحمان نے آئندہ لائحہ عمل کے اعلان کی تاریخ دیدی
-
وزیراعظم محمد شہبازشریف سے آئی ایم ایف کی منیجنگ ڈائریکٹر کرسٹالینا جارجیوا کی ملاقات ، گزشتہ سال اسٹینڈ بائے ارینجمینٹ کے حوالے سے وزیراعظم کے قائدانہ کردار کی تعریف
-
وزیراعظم کی سعودی حکام سے ملاقاتوں میں پاکستان میں مزید سرمایہ کاری پر اتفاق
-
پاکستان اورنیوزی لینڈکی ٹی ٹونٹی سیریزمیں شاہین شاہ آفریدی کامیاب ترین بائولر رہے
-
اذلان شاہ ٹورنامنٹ کے ٹرائلز ختم ، 18 رکنی پاکستان ہاکی ٹیم کا اعلان
-
میری تنہائی
-
سیاسی معاملات کو درست کرنے تک مسائل حل نہیں ہوسکتے، شاہد خاقان عباسی
-
یورپی یونین کے بیس سے زیادہ رکن ممالک بجٹ خسارے کا شکار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.