فلپائن میں شدید مون سون بارشوں سے 8 افراد ہلاک

پیر 13 جولائی 2015 13:15

منیلا ۔ 13 جولائی (اُردو پوائنٹ اخبار تازہ ترین۔ 13 جولائی۔2015ء) فلپائن کے شمالی جزیرے ”ٹوژون“ میں شدید مون سون بارشوں کے باعث کم ازکم 8 افراد ہلاک ہو گئے۔

(جاری ہے)

ملک کے ادارہ برائے ڈیزاسٹر ریلیف کی جانب سے جاری بیان کے مطابق علاقے میں کئی روز سے جاری بارشوں کے باعث سیلاب کی صورتحال ہے جس کی وجہ سے دارالحکومت منیلا میں دفاتر اور سکول بند کر دیئے گئے ہیں جبکہ نواحی علاقوں میں لینڈ سلائیڈنگ بھی جاری ہے۔ انہوں نے کہا کہ 40 ہزار سے زیادہ افراد متاثر ہوئے جبکہ صرف 4 ہزار کو عارضی گھر فراہم کئے جا سکے ہیں۔ ان کا کہنا تھا کہ 4 مچھیرے اور 6 چھوٹی کشتیاں لاپتہ ہیں جبکہ 9 مچھیروں کو قریب سے گزرنے والے جہاز نے ڈوبنے سے بچا لیا تھا۔

Facebook Twitter Google + Share on Whatsapp

فلپائن میں شدید مون سون بارشوں سے 8 افراد ہلاک

مزید بین الاقوامی خبریں