پاکستان مسلم لیگ(ن) بلدیاتی انتخابات میں کلین سویپ کرے گی،ڈاکٹر طارق فضل چودھری
عوام پاکستان کی قوت اور روشن مستقبل ہیں عوام نے دھرنا سیاست کو مسترد کردیا،رکن قومی اسمبلی
اتوار 6 ستمبر 2015 17:52
اسلام آباد(اُردو پوائنٹ اخبار تازہ ترین۔ 06 ستمبر۔2015ء) پاکستان مسلم لیگ(ن)فیڈرل کپیٹل اسلام آباد کے صدر و رکن قومی اسمبلی ڈاکٹر طارق فضل چو دھری نے کہاہے کہ ملکی سلامتی کے تحفظ اور امن دشمن کے خلاف پاکستانی عوام پرعزم ہیں،حکومت اور عسکری قیادت پاکستان سے دہشت گردی کے ناسور کوختم کرنے کاعزم کئے ہوئے ہیں،دہشتگردی کے خلاف جنگ آخری دہشت گرد کے خاتمہ تک جاری رہے گی-انہوں نے کہاکہ دہشتگردانہ کاروائیاں ہمارے حوصلے پست نہیں کرسکتیں،اسلام دہشت گردی اورنفرت کا نہیں بلکہ امن ،محبت ،رواداری اورسلامتی کا دین ہے-رکن قومی اسمبلی نے کہاکہ پاکستان کو کمزور کرنے کی سازشیں کرنے والے اپنے عزائم میں ناکام ہونگے کیونکہ پوری قوم دہشت گردی کے خلاف متحد ہوچکی ہے ، پاکستانی عوام امن کی بحالی اور دہشتگردی کے خاتمہ کیلئے حکومت او رافواج پاکستان کی کوششوں کو قدر کی نگاہ سے دیکھتی ہے-جاری اپنے بیان میں مزید ڈاکٹر طارق فضل چودھری نے کہاکہ پاکستان مسلم لیگ(ن) بلدیاتی انتخابات میں بھی کلین سویپ کرے گی،مسلم لیگ(ن) کے نظریاتی کارکن اپنی تمام ترتوجہ بلدیاتی انتخابات میں کامیابی پر مرکوزکر دیں،پاکستان مسلم لیگ(ن)کی سیاست کا محور غریب عوام ہیں،عوام پاکستان کی قوت اور روشن مستقبل ہیں،غریب اور کمزور لوگوں کی بحالی حکومت کی اولین ترجیح ہے-مسلم لیگی رہنما نے کہاکہ تحریک انصاف کے غبارے سے ہوا نکل چکی ہے عوام نے دھرنا اوریوٹرن کی سیاست کو بُری طرح مسترد کردیا ہے اب تک چھ حلقوں میں ہونے والے ضمنی الیکشن کے نتائج اس کا واضح ثبوت ہیں- انہوں نے کہاکہ تحریک انصاف کی عوامی مقبولیت کاتاثر دینے والے غورکریں ،تحریک انصاف پر عملا"پیپلزپارٹی اور ق لیگ کے لوگ قابض ہوچکے ہیں تبدیلی کے نعروں کی حقیقت عوام کے سامنے آ چکی ہے،عوام بلدیاتی انتخابات میں مزید دھوکہ میں نہیں آئیں گے -ڈاکٹر طارق فضل چودھری نے کہاکہ پاکستان مسلم لیگ(ن) کی حکومت نے ملک و قوم کو مسائل اور بحرانوں کی دلدل سے نکال کر ترقی و خوشحالی کی راہ پر گامزن کردیا ہے۔
متعلقہ عنوان :
مزید اہم خبریں
-
عراق نے ہم جنس پرستی کو قابل سزا جرم قرار دے دیا
-
سٹیٹ بینک کا نئی مانیٹری پالیسی کا اعلان، موجودہ شرح سود برقرار رہے گی
-
علی امین گنڈاپور کیلئے نئی مشکل کھڑی ہوگئی
-
علی امین گنڈا پور، عمر ایوب اور شبلی فراز کو اسٹیبلشمنٹ سے مذاکرات کا اختیار دیا ہے، عمران خان
-
اسٹیبلشمنٹ اور عمرا ن خان ڈیل کا علم نہیں ہے، کالے شیشوں کے تمام پرمٹ منسوخ کررہے ہیں ، محسن نقوی
-
'اسلام پسند' ریلی کے بعد جرمن وزیر کا سخت کارروائی پر زور
-
اے ایس پی شہر بانو شادی کے بندھن میں بندھ گئیں‘ ویڈیو اور تصاویر وائرل
-
کمزور ، کھوکھلی بنیاد والی حکومت کی مدت پوری ہوتے ہوئے دکھائی نہیں دے رہی ‘ شاہد خاقان عباسی
-
پاکستان اور سعودی عرب کے معاشی تعلقات نئے دور میں داخل ہو چکے، وزیراعظم
-
ای خدمت مرکز گوجرانوالہ میں عوام کی سہولت کیلئے نادرا کی خدمات بھی میسر ہو گئیںٌ
-
190 ملین پاؤنڈ کیس، عمران خان اور بشریٰ بی بی کے علاوہ 8 نام ای سی ایل سے خارج
-
آئین کے تحت سینیٹ کا رکن وزیراعظم نہیں بن سکتا تو ایک سینیٹر ڈپٹی وزیر اعظم کیسے بن سکتا ہے؟.ماہرین آئینی امور کاسوال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.