اے ایس پی شہر بانو شادی کے بندھن میں بندھ گئیں‘ ویڈیو اور تصاویر وائرل

 

بتایا گیا ہے کہ خاتون پولیس افسر شہربانو نقوی کی شادی اشتر نقوی نامی شخص سے ہوئی ہے جن کے پیشے یا خاندانی پس منظر سے متعلق معلومات تاحال سامنے نہیں آسکیں۔

(جاری ہے)

خیال رہے کہ خاتون پولیس افسر شہربانو نقوی کی بہادری نے عربی خطاطی والا لباس پہنے خاتون کو مشتعل ہجوم سے بچایا تھا، یہ واقعہ رواں برس 25فروری کو لاہور کےعلاقے اچھرہ میں پیش آیا جہاں عربی خطاطی والا لباس پہن کر آنے والی خاتون کو مشتعل ہجوم نے گھرلیا تاہم اس کی اطلاع ملنے پر ایس ڈی پی او گلبرگ لاہور اے ایس پی شہربانو نقوی نے موقع پر پہنچ کر خاتون کو ہجوم سے بحفاظت نکال لیا۔

اس حوالے سے سوشل میڈیا پر وائرل ایک ویڈیو میں خاتون کو خوف کے عالم میں اپنا چہرہ چھپائے ہوئے دیکھا گیا، اس دوران خاتون پولیس افسر کی مشتعل ہجوم سے بات کرتے ہوئے ویڈیو بھی سوشل میڈیا پر زیر گردش ہوئی، جس میں خاتون پولیس افسر کی جانب سے مشتعل ہجوم کو یقین دلایا تھا کہ ’اگر خاتون نے توہین مذہب کا ارتکاب کیا ہے تو وہ اس کے خلاف قانون کے تحت کارروائی کی جائے گی‘ بعد ازاں اے ایس پی شہربانو نقوی اپنی جان خطرے میں ڈال کر خاتون کو مشتعل ہجوم سے بحفاظت بچانے میں کامیاب ہوگئیں۔