بھارت میں نشے کے عادی نوجوان پر سڑک تعمیر کر دی گئی، نوجوان ہلاک

سمیرا فقیرحسین منگل 22 ستمبر 2015 16:44

بھارت(اُردو پوائنٹ تازہ ترین اخبار. 22 ستمبر 2015 ء) : بھارتی ریاست مدھیہ پردیش میں گڑھے میں گرے نشئی شخص کے اُوپر ہی سڑک کی تعمیر شروع کردی، معلوم ہونے پر اس شخص کو باہر نکالاتو وہ جان کی بازی ہار چکا تھا. بھارتی ریاست مدھیہ پردیش میں یہ عجیب و غریب واقعہ اس وقت پیش آیا ،جب 45 سالہ شخص پاؤں پھسلنے پر گڑھے میں جا گرا،جس کے بعد گڑھے کی بھرائی کر کے مزدوروں نے وہاں سڑک بنانا شروع کردی۔

(جاری ہے)

مقامی افراد نے سڑک کی اوپری سطح پر شرٹ نظر آنے پر پولیس کو اطلاع دی ، جس کے بعد کھدائی کی گئی لیکن 45 سالہ شخص کو نکالنے پر معلوم ہوا کہ وہ مر چکا تھا۔ واقعہ کے بعد پولیس نے سڑک کی تعمیر میں ملوث مزدوروں کو حراست میں لے لیا ہے.