بلوچستان نیشنل پارٹی کا ضلعی کنونشن
کابینہ کے انتخابات سمیت موجودہ ملکی و بین الاقوامی سیاسی صورتحال پر بحث مباحثہ کیا گیا
اتوار 15 نومبر 2015 17:54
سبی( اُردو پوائنٹ اخبارتازہ ترین - این این آئی۔15 نومبر۔2015ء ) بلوچستان نیشنل پارٹی کا ضلعی کنونشن زیر صدارت ضلعی صدر حمیداﷲ بلوچ منعقد ہوا،کنونشن میں مرکزی کونسلران کے علاوہ تحصیل سبی کی کابینہ کے انتخابات سمیت موجودہ ملکی و بین الاقوامی سیاسی صورتحال پر بحث مباحثہ کیا گیا،ضلعی کنونشن سے خطاب کرتے ہوئے بلوچستان نیشنل ارٹی کے مرکزی رہنما واجہ یعقوب بلوچ،ضلع صدر حمیداﷲ بلوچ،سابق ضلعی صدر ملک سلطان دہپال،ضلعی جنرل سیکرٹری درمحمد بلوچ،ملک رفیق شاہوانی،میر غلام رسول مگسی،پنھل بلوچ،ثنااﷲ مری،ضیاء اﷲ بنگلزئی،ملک اسداﷲ بنگلزئی و دیگر نے کہا کہ بلوچستان نیشنل پارٹی صوبے کے ساحل و وسائل پر بلوچ قوم کی دسترس چاہتی ہے،صوبے میں غیر بلوچستانیوں کو آباد کرکے مقامی لوگوں کو اقلیت میں تبدیل کرنے کی گھناؤنی سازش کی جارہی ہے،جس بلوچ قوم اتحاد و اتفاق کے ساتھ ناکام بنا دئے گی انہوں نے کہا کہایک سازش کے تحت افغان مہاجرین کو شناختی کارڈ تھوک کے حساب سے بناکر دئے جارہے ہیں جس کی بی این پی شدید الفاظ میں مذمت کرتی ہے جبکہ گوادر سمیت صوبے کے دیگر شہروں میں غیر بلوچستانیوں کو شہریت کا درجہ دئے کر یہاں کے مقامی لوگوں کا معاشی استحصال کرنے کی ناکام کوشش کی جارہی ہے،انہوں نے کہا کہ 28-29نومبر کو پارٹی کے ہونے والے مرکزی قومی کنونشن بلوچ قومی تحریک میں سنگ میل ثابت ہو گا اور مرکزی کونسل سیشن کے انعقاد سے بلوچستان کی سیاست پر گہرئے مثبت اثرات مرتب ہوں گے،انہوں نے کہا کہ بی این پی صوبے کے عوام کے حقوق کے حصول کے لیے جدوجہد جاری رکھے ہوئے ہے اور اس سلسلے میں بلوچستان میں رہنے والی تمام برادر اقوام کے جذبات اور ان کے وجود کا احترام کرتی ہے اور بلا رنگ و نسل صوبے کے عوام کی ترقی و خوشحالی کے لیے اپنی جدوجہد میں مصروف عمل ہے اور سردار اختر جان مینگل کی قیادت میں کارکنان متحد ہیں ،قبل ازیں ضلعی کنونشن میں مرکزی کونسل کے کونسلران کے انتخابات بھی عمل میں لائے گے اور پارٹی کے سینئر رہنماء ملک رفیق شاہوانی ،ملک اسداﷲ بنگلزئی،میر امجد بلوچ کی نگرانی میں مرکزی کونسلران کا انتخاب ہوا،جبکہ تحصیل سبی کی بھی کابینہ تشکیل دی گئی جس میں تحصیل صدر کے لیے میر عبدالغفار لہڑی جبکہ جنرل سیکرٹری سیف اﷲ بلوچ سمیت دیگر کابینہ کو منتخب کیا گیا۔
متعلقہ عنوان :
مزید قومی خبریں
-
مریم نواز کیخلاف پولیس یونیفارم پہننے کے کیس کی سماعت پھر ملتوی
-
9 مئی کیس،فواد چودھری کی ویڈیو لنک کے ذریعے حاضری کی درخواست پر سماعت ملتوی
-
ملک بھر میں فائر فائٹرز کا عالمی دن 4 مئی کو منایا جائے گا
-
واپڈا کی دریاؤں اورآبی ذخائرمیں پانی کی صورتحال بارے رپورٹ جاری
-
غلطی نگراں حکومت کی ہے اور سزا کسانوں کو مل رہی ہے‘ یاسمین راشد
-
ملتان،موٹروے ایم۔ 5 پرآئل ٹینکر میں آگ بھڑک اٹھی
-
گورنرسندھ کامران خان ٹیسوری سے انڈونیشیا کے قونصل جنرل کی ملاقات
-
گورنرسندھ کامران خان ٹیسوری سے وفاقی وزیر داخلہ محسن نقوی کی ملاقات
-
گورنر پنجاپ سے پاکستان یوتھ پارلیمنٹ کی25رکنی وفد کی ملاقات
-
وزیراعلیٰ مریم نوازشریف کی تونسہ کے نواحی جھنگی چیک پوسٹ پر دہشتگردوں کے حملے کی شدید مذمت،حملہ ناکام بنانے پر پولیس کو شاباش
-
ظلم کے خلاف اور عادلانہ نظام کے لیے جدوجہد جھاد ہے،سراج الحق
-
گورنرسندھ کامران خان ٹیسوری سے انڈونیشیا کے قونصل جنرل کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.