سندھ ہائی کورٹ نے ڈاکٹر عاصم کے ریمانڈ میں پانچ دن کی توسیع کردی‘ ڈاکٹر عاصم عدالت میں پھٹ پڑے
جھگڑا کسی اور سے ہے پکڑا مجھے گیا‘ میرے ساتھ زیادتی ہورہی ہے‘ مجھے ہتھکڑی لگا کر میرے ہی ہسپتال لے جایا گیا‘ مجھے قتل کرنا ہے تو مار دیں ‘ اس طرح ذلیل مت کریں، ڈاکٹر عاصم حسین
پیر 7 دسمبر 2015 16:30
کراچی (اُردو پوائنٹ اخبارتازہ ترین - آئی این پی۔07 دسمبر۔2015ء) سندھ ہائی کورٹ نے ڈاکٹر عاصم کے ریمانڈ میں پانچ دن کی توسیع کردی‘ ڈاکٹر عاصم عدالت میں پھٹ پڑے اور اپنے اوپر لگائے گئے تمام الزامات کو مسترد کرتے ہوئے کہا کہ جھگڑا کسی اور سے ہے پکڑا مجھے گیا‘ میرے ساتھ زیادتی ہورہی ہے‘ مجھے ہتھکڑی لگا کر میرے ہی ہسپتال لے جایا گیا‘ مجھے قتل کرنا ہے تو مار دیں ‘ اس طرح ذلیل مت کریں۔
پیر کو ڈاکٹر عاصم کو انسداد دہشت گردی عدالت میں پیش کیا گیا جس میں ڈاکٹر عاصم نے صحت جرم سے انکار کردیا ۔ تفتیشی افسر کی جانب سے استدعا کی گئی کہ ہسپتال کے انچارج سے تفصیل حاصل کرلی گئی ہے ڈاکٹر عاصم کا پانچ دن کا ریمانڈ دیا جائے۔ ہسپتال میں دہشت گردوں کا علاج کیا جاتا تھا گواہ کا بیان بھی ریکارڈ کرلیا گیا ہے۔(جاری ہے)
ڈاکٹر عاصم کے وکیل نے عدالت میں دلائل دیئے کہ ایک روز قبل ڈاکٹر عاصم کی بیٹی نے ان سے تھانے میں ملاقات کی عدالتی حکم کی خلاف ورزی کرتے ہوئے گواہ کا بیان ریکارڈ کرایا گیا۔
جج نے ڈاکٹر عاصم سے سوال کیا کہ کیا آپ کو مارا پیٹا گیا جس پر ڈاکٹر عاصم کے وکیل نے کہا کہ کمرہ عدالت میں غیر متعلقہ افراد بھی موجود ہیں چیمبر میں ڈاکٹر عاصم سے سوال کیا جائے۔ ڈاکٹر عاصم نے اپنی بیٹی کو تفصیلات سے آگاہ کیا ہے۔ ڈاکٹر عاصم نے عدالت میں اپنے بیان میں کہا کہ جو کچھ حراست میں ہوا وہ الگ کہانی ہے مجھ پر لگائے گئے تمام الزامات جھوٹے ہیں صرف الله پر یقین ہے نوے دن میں چار بار قرآن ختم کیا۔ جھگڑا کسی اور سے ہے میرے ساتھ زیادتی ہورہی ہے مجھ پر تشدد نہیں ہوا مجھے ہتھکڑی لگا کر میرے ہی ہسپتال لے جایا گیا میں آپ کو تفصیلات چیمبر میں بتا سکتا ہوں جس پر عدالت کے جج نے ریمارکس دیئے کہ چیمبر میں اجازت نہیں دے سکتے۔ آپ صرف یہ بتائیں کہ تشدد ہوا کہ نہیں جس پر ڈاکٹر عاصم نے جواب دیا کہ مجھے مقدمے میں زبردستی فٹ کرنا چاہتے ہیں میرے اوپر لگائے گئے الزامات جھوٹے ہیں مجھے قتل کرنا ہے تو مار دیں یا مقابلے میں مار دیں میں مر گیا تو الزام اسی نظام پر ہوگا میری جان کو شدید خطرہ ہے نیب نے تفتیش کرلی ہے مجھ سے میری جان چاہئے میں اپنی جان ان کو دیتا ہوں بیوی کو کینسر ہے اور وہ عدالتوں اور تھانوں کے چکر کاٹ رہی ہے میری بوڑھی والدہ نوے برس کی عمر میں میری رہائی کے لئے تڑپ رہی ہے عدالت نے سماعت کے بعد ڈاکٹر عاصم کے ریمانڈ میں پانچ دن کی توسیع کردی جس کے بعد انہیں بکتر بند گاڑی میں گلبرگ تھانے منتقل کردیا گیا۔متعلقہ عنوان :
مزید اہم خبریں
-
اسلامی ترقیاتی بینک نے پاکستان میں جاری منصوبوں کو جلد مکمل کرنے کی یقین دہانی کرادی
-
پاکستانی نوجوانوں میں غیر روایتی پیشے اپنانے کا بڑھتا ہوا رجحان
-
غیرملکی سرمایہ کاروں کے خدشات دور کرنے اور ون ونڈو آپریشنز کیلئے خصوصی سرمایہ کاری سہولت کونسل پوری طرح فعال ہے، وزیراعظم
-
موبائل فونز کی درآمدات میں 180 فیصد اضافہ
-
وزیرداخلہ کانادرا سنٹر شملہ پہاڑی کا دورہ ،شہریوں نے شکایات کے انبار لگا دئیے
-
لاہور میں مسلح افراد نے فائرنگ کرکے پولیس سب انسپکٹر کو قتل کردیا
-
تحریک انصاف مذاکرات نہیں ڈیل کی درخواستیں دے رہی ہے، وزیراطلاعات سندھ
-
عوام کیلئے مہنگائی کا ایک اور "تحفہ"، بجلی مہنگی کر دی گئی
-
انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ
-
حکومت کا کام دعویٰ کرنا نہیں، کام کر کے دکھانا ہے، شاہد خاقان عباسی
-
علی امین گنڈاپور پختونوں کے نام پر دھبہ اور غیرت پر سوالیہ نشان ہے
-
وفاقی وزیرداخلہ کی چینی قونصل جنرل سے ملاقات، دوطرفہ تعاون وچینی شہریوں کی سکیورٹی پر تبادلہ خیال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.