ملکی بنیادوں کو کرپشن و ناانصافی نے کھوکھلا کرکے رکھاہے،دہشت گردی صرف بندوق کا نام نہیں ،معاشی و سیاسی استحصال بھی دہشت گردی کے نام ہیں، سراج الحق
کرپشن سے پاک اسلامی پاکستان کیلئے نوجوانوں کو جماعت اسلامی کے نظریاتی جدوجہد میں اٹھ کھڑا ہونا ہوگا،خواتین کو معاشرے میں اعلیٰ مقام اور معاشرے سے انکے حقوق دلائینگے ،امیر جماعت اسلامی
جمعرات 17 دسمبر 2015 21:00
دیر(اُردو پوائنٹ اخبارتازہ ترین - این این آئی۔17 دسمبر۔2015ء)امیر جماعت اسلامی سینیٹر سراج الحق نے کہا ہے کہ یہ ناممکن ہے کہ حکومت ابوجہل کا ہو اور نظام مصطفیٰ ﷺ کا ہو ،ملکی بنیادوں کو کرپشن و ناانصافی نے کھوکھلا کرکے رکھاہے،دہشت گردی صرف بندوق کا نام نہیں بلکہ معاشی و سیاسی استحصال بھی دہشت گردی کے نام ہیں۔کرپشن سے پاک اسلامی پاکستان کیلئے نوجوانوں کو جماعت اسلامی کے نظریاتی جدوجہد میں اٹھ کھڑا ہونا ہوگا،خواتین کو معاشرے میں اعلیٰ مقام اور معاشرے سے انکے حقوق دلائینگے ان خیالات کا اظہار انہوں نے دیر پائین منڈا میں ورکر کنونشن اور تحصیل منڈا کے اجتماع ارکان سے خطاب کرتے ہوئے کیا امیر جماعت اسلامی سینیٹر سراج الحق نے کہا کہ جماعت اسلامی کی جدوجہد نظریاتی ہے قائد اعظم نے 68سال قبل لاالٰہ الااﷲ کا نعرہ لگایا تھا اور اسلام کیلئے یہ ملک حاصل کیا تھا لیکن بدقسمتی کی بات ہے کہ آج68سال بعد ملک کا وزیر اعظم سیکولر ازم اور لبرل ازم کے نعرے لگارہے ہیں انہوں نے کہا کہ کرپٹ اور استحصالی نظام کی وجہ سے ہمارے بچے بھی امیر و غریب کے فرق میں تقسیم ہوچکے ہیں امیر کے بچے بم پروف بلڈنگزمیں تعلیم حاصل کررہے ہیں اور غریب کے بچے بنیادی سہولیات چاردیواریوں سے محروم ٹاٹ سکولوں میں تعلیم حاصل کرنے پر مجبور ہیں انہوں نے کہا کہ سولہ دسمبراے پی ایس کا واقعہ ملکی تاریخ کا سیاہ ترین واقعہ ہے،اسی طرح سولہ دسمبر سقوط ڈھاکہ اور پاکستان کا دولخت ہونا بھی ملکی تاریخ کا سیاہ ترین واقعہ تھا،انہوں نے کہا کہ اس ملک کی سالمیت کیلئے جماعت اسلامی کے دس ہزار شہداء نے 1971میں مکتی باہنی کے خلاف جنگ کرتے ہوئے جام شہادت نوش کی تھی اور آج بھی جماعت اسلامی کے قائدین پاکستان کی محبت کی پاداش میں پھانسیوں پر لتکائے جارہے ہیں اور افسوس کی بات ہے کہ ہماری حکومت خاموش تماشائی بنی ہوئی ہے انہوں نے کہا کہ حکومت پاکستان کو چاہئے کہ بنگلہ دیش میں اپوزیشن رہنماؤں کو ظالمانہ سزائیں دینے کے معاملے کو عالمی عدالت میں اٹھائے،سینیٹر سراج الحق نے کہا کہ گزشتہ چالیس سال سے اقتدار پر مسلط پیپلز پارٹی اور مسلم لیگ نے ایک بار پھر 90کی دہائی کی سیاست شروع کردی ہے اور عوام کو دھوکہ دینے کیلئے ایک دوسرے پر الزامات کے تابڑ توڑ حملے کئے جارہے ہیں مگر عوام جان چکے ہیں کہ یہ مصنوعی لڑائی اور عوام کو فریب دینے کا دونوں جماعتوں کا آزمودہ نسخہ ہے۔
(جاری ہے)
مزید قومی خبریں
-
ڈاکٹرطاہرالقادری کا درسِ بخاری ،زوم لنک پر 20ہزار علماء کی شرکت
-
وزیر اعلیٰ سندھ کی زیر صدارت سندھ سوشل پروٹیکشن بورڈ کا پہلا اجلاس ، فوڈ سیکیورٹی-بھوک مٹاؤ پروگرام اور بے نظیر ویمن ایگریکلچر ورکرز سپورٹ پروگرام کی فزیبلٹی اسٹڈیز کی منظوری دیدی
-
وزارتوں میں ٹیکنوکریٹس کی تعیناتی دو کشتیوں میں سوار ہونے کے مترادف ہے اور دو کشتیوں کا سوار ہمیشہ ڈوبتا ہے، خورشید شاہ
-
لگتا ہے 9 مئی محسن نقوی، آئی جی پنجاب کا کیا دھرا ہے، اسد قیصر کا تحقیقات کیلئے جو ڈیشل کمیشن کا مطالبہ
-
رؤف حسن ان معاملات پر بھی ترجمان بن جاتے ہیں جن کا ان سے کوئی لینا دینا نہیں،شیر افضل
-
اسحاق ڈار کو ڈپٹی وزیراعظم بنانا اسٹیبلشمنٹ کیلئے کوئی پیغام نہیں،طلال چوہدری
-
وزیر دفاع سے ترکیہ کے بری افواج کے کمانڈر کی ملاقات،عالمی جغرافیائی سیاسی صورتحال پر مشترکہ افہام و تفہیم پر اطمینان کا اظہار
-
اس بارتو اسمبلیاں بیچی ، خریدی گئی، ہارنے والے بھی پریشان، جیتنے والے بھی مطمئن نہیں،مولانا فضل الرحمان
-
موٹروے پولیس نے قانون کی حکمرانی اور ٹریفک ڈسپلن قائم کر کے دکھایا ہے ،وفاقی وزیر مواصلات عبدالعلیم خان
-
وزیراعلی سندھ کا سینئر صحافی ثمر عباس کے بھائی شفقت حسین کے انتقال پراظہار افسوس
-
چلڈرن ہسپتال لاہور میں کڈز ڈے کیئر سنٹر کا افتتاح ،بچوں کا بہت خیال رکھا جائے ، وزیر اعلیٰ پنجاب
-
وزیراعلی خیبر پختونخوا کاکوئلہ کان حادثے میں دو مزدوروں کے جاں بحق ہونے پر اظہارافسوس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.