علامہ اقبال اوپن یونیورسٹی اپنے نصاب میں انسداد بدعنوانی بارے باب شامل کرے گی، ڈاکٹر شاہد صدیقی
جمعہ 18 دسمبر 2015 14:55
پشاور ۔ 18 دسمبر (اُردو پوائنٹ اخبارتازہ ترین - اے پی پی۔18دسمبر۔2015ء) علامہ اقبال یونیورسٹی کے وائس چانسلر پروفیسر ڈاکٹر شاہد صدیقی نے کہا ہے کہ علامہ اقبال یونیورسٹی اپنے تمام نصابات میں انسداد بدعنوانی بارے باب شامل کرے گی اور قومی احتساب بیورو کے ہاتھ میں ہاتھ ڈال کر بدعنوانی کے خلاف ملک گیر مہم چلائے گی ۔ ان خیالات کا اظہار انہوں نے گزشتہ روز پشاور کیمپس میں علامہ اقبال یونیورسٹی اور نیب خیبر پختونخوا کے باہمی تعاوان سے ” کرپشن معاشرے کا ناسور ہے “ کے عنوان سے منعقدہ تقریری مقابلوں کے موقع پر خطاب کے دوران کیا ۔
انگریزی اور اردو زبان کے تقریری مقابلوں میں پشاور اور ملحقہ قبائلی علاقوں کے سکول کے بچوں نے حصہ لیا اور بدعنوانی کی مختلف شکلوں اور اس کے تدارک کے لئے تجاویز پیش کیں ۔(جاری ہے)
اس کے علاوہ پوسٹرز مقابلے بھی ہوئے جس میں بچوں نے بدعنوانی کے خلاف بنائے گئے پوسٹرز پیش کئے ۔ اس موقع پر ڈائریکٹر جنرل نیب خیبر پختونخوا شہزاد سلیم اور اے آئی او یو پشاور کیمپس کے ڈائریکٹر داؤد خٹک کے علاوہ سکولوں کے بچے اور زندگی کے مختلف شعبوں سے تعلق رکھنے والے افراد موجود تھے۔
ڈاکٹر شاہد صدیقی نے کہا کہ بدعنوانی کے برے اثرات کے حوالے سے نوجوانوں کا شعور اجاگر کرنے کے لئے یونیورسٹی کے مختلف شہروں میں قائم تمام دفاتر میں کانفرنسوں کا انعقاد کیا جائے گا ۔ انہوں نے کہا کہ یونیورسٹی 13 لاکھ افراد کو ان کے گھروں کی دہلیز پر اعلیٰ تعلیم کی سہولت فراہم کر رہی ہے اور ان 13 لاکھ طلباء کے ذریعے بدعنوانی کعے خلاف موثر مہم چلائی جا سکتی ہے ۔ انہوں نے کہا کہ اس وقت طلباء کی کردار سازی پر توجہ دینے کی ضرورت ہے اور نصاب میں اس کمی کو محسوس کرتے ہوئے فیصلہ کیا گیا ہے کہ یونیورسٹی کے تمام نصاب میں انسداد بدعنوانی اور کردار سازی کے خصوصی باب شامل کئے جائیں ۔ انہوں نے کہا کہ تعلیمی اداروں کو چار دیواری تک محدود نہیں رہنا چاہئے بلکہ ان کو معاشرے کے سلگتے ہوئے مسائل کا ادراک کرتے ہوئے ان کے حل کے لئے عملی میدان میں آگے آنا چاہئے۔ انہوں نے کہا کہ یونیورسٹی نے قیدیوں کو پڑھانے کا پروگرام بھی بنایا ہے جس کے تحت قیدیوں کو جیل میں کتابیں مہیا کرنے کے ستاھ ساتھ پڑ ھانے کے لئے اساتذہ کی خدمات بھی فراہم کی جائیں گی جس سے ان کو جیلوں میں مثبت سرگرمیوں کے مواقع ملیں گے مختلف کلاسیں پاس کرنے پر ان کی سزا میں تخفیف ہو گی اور باہر نکل کر وہ معاشرے میں مثبت کردار ادا کرنے کے اہل بن جائیں گے ۔ انہوں نے کہا کہ اس مقصد کے لئے انہوں نے ملک کی چار جیلوں کا دورہ کر کے قیدیوں سے ملاقات کی اور حالات کا جائزہ لیا انہوں نے بدعنوانی کے خلاف نیب کے کردار کی تعریف کرتے ہوئے کہا کہ نیب نے بدعنوانی کے خلاف عوام کا شعور اجاگر کرنے اور تدارک کے لئے سیمیناروں اور ورکشاپس کا جو سلسلہ شروع کر رکھا ہے اس کے انتہائی مثبت نتائج سامنے آ رہے ہیں کیونکہ صرف پکڑ دھکڑ سے بدعنوانی کی روک تھام ممکن نہیں ۔ انہوں نے اساتذہ کو ہدایت کی کہ چونکہ وہ طلباء کے لئے ایک نمونہ ہوتے ہیں لہذا وہ جو کچھ پڑھائیں پہلے وہ خود اس کا عملی نمونہ بن جائیں تبھی وہ سبق طلباء کے ذہنوں پر انمٹ نقوش چھوڑے گا ۔ انہوں نے طلباء کو ہدایت کی کہ وہ دیانتداری ، پابندی وقت ، محنت ، سچ اور رواداری کو اپنا شعار بنائیں ، بعد ازاں ڈاکٹر شاہد صدیقی اور ڈائریکٹر جنرل نیب خیبر پختونخوا نے تقریری اور پوسٹر ڈسپلے مقابلوں میں پہلی ، دوسری اور تیسری پوزیشن حاصل کرنے میں بالترتیب تین ، دو اور ایک ہزار روپے کے نقد انعامات اور شیلڈ تقسیم کیں۔ اردو ماقبلوں میں علی حیدر نے پہلی ، سلمان آفریدی نے دوسری اور محسن علی خان نے تیسری پوزیشن حاصل کی اور انگریزی میں شوکت خان نے پہلی ، انعام اللہ خان نے دوسری اور بیشن نے تیسری پوزیشن حاصل کی جبکہ پوسٹرز ڈسپلے مقابلے میں حارث اعظم پہلے ، سحر اعجاز دوسرے اور حسینہ رضیہ اور طیبہ تیسرے نمبر پر رہیںمتعلقہ عنوان :
مزید تعلیم کی خبریں
-
یونیورسٹی آف ہیلتھ سائنسز میں چوتھی پرنسپلز نرسنگ اینڈ الائیڈ ہیلتھ پروفیشنل انسٹیٹیوٹس کانفرنس،صوبائی وزراء صحت کی بطور مہمان خصوصی شرکت
-
اوپن یونیورسٹی نے داخلوں کی تاریخ میں 15مئی تک توسیع کردی
-
سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
-
اوپن یونیورسٹی کے زیر اہتمام ملک بھر میں امتحانات کل سے شروع ہو نگے
-
ساہیوال بورڈ کے زیر اہتمام سالانہ انٹرمیڈیٹ امتحانات 2024 کا آغاز ہو گیا
-
میٹرک بورڈ، جماعت نہم و دہم کے سالانہ امتحانی فارم جمع کرانے کی آخری تاریخ 23اپریل ہے، چیئرمین بورڈ
-
لاہور سمیت پنجاب بھر میں انٹرمیڈیٹ کے سالانہ امتحانات کا کل سے آغاز ہوگا
-
لاہور : 21 اپریل کو ضمنی انتخابات کے باعث انٹرمیڈیٹ کے 2 پیپرز ملتوی
-
علامہ اقبال اوپن یونیورسٹی نے سمسٹر بہار بی ایس پروگرام میں داخلہ کی تاریخ میں توسیع کر دی
-
وفاقی نظامت تعلیمات نے پانچویں اور آٹھویں جماعتوں کے سنٹرلائزڈ امتحانات کے نتائج کا اعلان کردیا
-
اوپن یونیورسٹی نے داخلوں کی تاریخ میں 25اپریل تک توسیع کردی
-
انٹرمیڈیٹ حصہ دوم (فریش اینڈ فیلیئر)اور حصہ دوم و حصہ اول باہم کے سالانہ امتحانات برائے 2024 ء میں شرکت کے خواہشمند سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے سرکاری تعلیمی ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.