وہاڑی میں تین روزہ انسداد پولیو مہم کا آغاز ہوگیا، چار لاکھ 99 ہزار 722 بچوں کو پولیو کے قطرے پلائے جائینگے
ہفتہ 9 جنوری 2016 18:15
وہاڑی(اُردو پوائنٹ اخبارتازہ ترین - این این آئی۔09 جنوری۔2016ء) ضلع وہاڑی میں 4لاکھ99ہزار722پانچ سال تک کی عمرکے بچوں کو انسداد پولیو ویکسین کے قطرے پلانے کے لیے تین روزہ مہم کا آغاز کر دیا گیاٹی ایم اے وہاڑی میں ڈی سی او ناصر جمال ہوتیانہ نے بچوں کو پولیو ویکسین کے قطرے پلا کر مہم کا افتتاح کیا اس موقع پر ای ڈی او ہیلتھ ڈاکٹر افضل بشیر ، ڈی ڈی او ہیلتھ ڈاکٹر خالد جاوید، سپرنٹنڈنٹ ویکسینیشن اظہر بٹ ، ٹی ایم او میاں اظہر جاوید ، ٹی او آر راؤ نعیم خالد بھی موجود تھے ڈی سی او وہاڑی ناصر جمال ہوتیانہ نے اس موقع پر گفتگو کرتے ہوئے کہا کہ والدین اپنے بچوں کو پولیو جیسے مہلک مرض سے محفوظ رکھنے کے لیے انسداد پولیو ویکسین کے قطرے بچوں کو لازمی پلائیں انہوں نے کہا کہ ایک صحت مند معاشرہ ہم سب کی ضرورت ہے اس لیے بچوں کو بیماریوں سے محفوظ رکھنے کے لیے انہیں انسدادی ٹیکے لگوانا یا ویکسین پلوانا بھی ہماری ذمہ داری ہے انہوں نے کہا کہ حکومت کا کام سہولیات فراہم کرنا ہے لیکن ان سہولیات سے استفادہ کرناعوام کی ذمہ داری ہے حکومت مہنگی انسداد پولیو ویکسین عوام کو مفت فراہم کررہی ہے لیکن بعض لوگوں کے منفی پروپیگنڈا سے متاثر ہو کر بعض افراد اپنے بچوں کو پولیو کے قطرے نہیں پلواتے جس کی وجہ سے ان کے بچوں میں پائے جانے والے پولیو کا وائرس نہ صرف ان بچوں کی معذوری کا سبب بنتا ہے بلکہ ان بچوں سے یہ وائرس دیگر صحت مند بچوں میں منتقل ہونے سے دیگر بچے بھی اس موذی مرض کا شکار ہو جاتے ہیں انہوں نے کہا کہ خدا تعالی کے فضل و کرم سے ہمارا ضلع پولیو کے مرض سے محفوظ ہے لیکن اس کا یہ مطلب ہر گز نہیں کہ ہم اپنے بچوں کو حفاظتی ویکسین نہ پلائیں ہمیں اس مرض کے مکمل خاتمہ تک اپنے بچوں کی حفاظت کے لیے یہ قطرے پلانا ہیں یہ مہم 13جنوری تک جاری رہیگی اس مہم کے دوران کل1282ٹیمیں بچوں کو پولیو کے قطرے پلانے کا فریضہ انجام دیں گی اس موقع پر ٹی ایم اے سے ایک آگہی واک کی گئی جو گول چوک سے ہوتی ہوئی ٹی ایم اے پر اختتام پذیر ہوئی واک کے شرکاء نے بینر اور کتبے اٹھا رکھے تھے واک میں محکمہ صحت کے عملہ ، سول سوسائٹی کے لوگوں نے شرکت کی ۔
متعلقہ عنوان :
مزید قومی خبریں
-
وزیراعلی سندھ کی زیرصدارت سیلاب میں تباہ اسکولوں کی بحالی پر اجلاس
-
پنجاب بھرمیں 1372ٹریفک حادثات میں 09افراد جاں بحق1488زخمی ہوئے، ریسکیو1122
-
اسپیکر قومی اسمبلی کا ایوان میں فوج اور عدلیہ کیخلاف تقاریر روکنے کا فیصلہ
-
وفاقی وزیرنجکاری عبدالعلیم خان کا شمالی و جنوبی وزیرستان میں فتنہ الخوارج کے خلاف آپریشنز میں بہادر سپوتوں کی شہادت پر خراج عقیدت
-
وفاقی وزیر مواصلات عبدالعلیم خان کی ہدایات پر عملدرآمد کے نتیجے میں ایم ٹیگ صارفین کی تعداد 92 فیصد سے زائد ہو گئی
-
ستھرا پنجاب پروگرام کے تحت خصوصی ایپ بنانے پرغور
-
سوشل میڈیا ایکٹوسٹ صنم جاوید کے والد جاوید اقبال کی بازیابی کیلئے درخواست دائر
-
گورنر سندھ دو روزہ دورہ پر ترکیہ روانہ، صوبہ میں شعبہ آئی ٹی میں سرمایہ کاری کی دعوت دیں گے
-
دنیا کے نایاب ترین ممالیہ انڈس ڈولفن کی تعداد میں اضافہ انتہائی خوش آئند ہے، شیری رحمان
-
عارف والا ،دکان کی چھت پر سولر پلیٹ کی صفائی کرتے کرنٹ لگنے سے 26 سالہ الیکٹریشن جاں بحق ہوگیا
-
کراچی : صدر موبائل مارکیٹ میں 12 لاکھ کی ڈکیتی کرنے والے 2 ملزمان گرفتار
-
کراچی سے چھ افراد لاپتا، شہریوں کی آزادی پر کوئی سمجھوتہ نہیں ہوسکتا، سندھ ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.