پاکستان میں اقوام متحدہ کے زیر اہتمام پہلے انٹگریٹڈ ریسورس ریکوری سینٹر سے متعلق ورکشاپ کا انعقاد
بدھ 20 جنوری 2016 19:33
اسلام آباد ۔ 20 جنوری (اُردو پوائنٹ اخبارتازہ ترین - اے پی پی۔20 جنوری۔2016ء) پاکستان میں اقوام متحدہ کے زیر اہتمام پہلے انٹگریٹڈ ریسورس ریکوری سینٹر سے متعلق ورکشاپ بدھ کو اسلام آباد میں منعقد کی گئی۔ ورکشاپ کا اہتمام وزارت ماحولیاتی تبدیلی، اقوام متحدہ کے انسانی آباد کاری کے پروگرام یو این ہیبٹاٹ اور اقتصادی و سماجی کمیشن برائے ایشیاء و بحرالکاہل (یو این اسکیپ) کے اشتراک سے کیا گیا۔
اس موقع پر بتایا گیا کہ فضلے کو ری سائیکلنگ اور بائیو ڈائیجسشن کے ذریعے ریسورسز میں تبدیل کرنے کے لئے آئی آر آر سی قائم کیا گیا ہے۔ ان کوششوں میں سی ڈی اے، ڈاکٹر اختر حمید خان میموریل ٹرسٹ، جموں اینڈ کشمیر کوآپریٹو ہاؤسنگ سوسائٹی اور پیر مہر علی شاہ بارانی زرعی یونیورسٹی راولپنڈی کا براہ راست تعاون بھی شامل ہے۔(جاری ہے)
تقریب میں اکنامک افیئرز آفیسر یو این اسکیپ لورینزو سینٹوسی، کنٹری پروگرام منیجر یو این ہیبٹاٹ پاکستان بیلا ایویڈینٹ، اختر حمید خان میموریل ٹرسٹ کی عہدیدار سمیرہ گل، جموں اینڈ کشمیر کوآپریٹو ہاؤسنگ سوسائٹی کے عہدیدار لطیف قریشی، وزارت ماحولیاتی تبدیلی کے ڈپٹی ڈائریکٹر محمد عظیم، بارانی زرعی یونیورسٹی کے افسر شاکر، این ایس یو ایس یو سی (نارتھ سندھ اربن سروسز یونٹ) کے ایم ڈی محمود عباس شاہ اور سندھ سالڈ ویسٹ مینجمنٹ بورڈ کے ایگزیکٹو ڈائریکٹر ڈاکٹر اے ڈی سنجانی نے منصوبے کی افادیت کے بارے میں شرکاء کو بتایا۔
بیلا ایویڈینٹ نے کہا کہ آئی آئی آر سی کا G-15 میں پائلٹ پراجیکٹ حکومت پاکستان یو این اسکیپ، یو این ہیبٹاٹ، سول سوسائٹی اور تعلیمی اداروں کی مشترکہ کاوشوں کا عکاس ہے۔ اکنامک افیئرز آفیسر یو این اسکیپ لورینزو سینٹوسی نے کہا کہ ویسٹ مینجمنٹ میں بہتری پاکستان جیسے ممالک کے لئے فوری ضرورت کی حیثیت رکھتا ہے۔ پاکستان کا پہلا انٹگریٹڈ ریسورس ریکوری سینٹر پائلٹ پراجیکٹ کے طور پر G-15 میں قائم کیا گیا ہے جو فضلے کو ری سائیکلنگ اور بائیو ڈائجیسشن کے ذریعے دوبارہ قابل استعمال بنانے کی صلاحیت رکھتا ہے۔ یو این اسکیپ پورے ایشیاء اور بحرالکاہل کے خطے میں آئی آر سی ماڈل کو فروغ دے رہا ہے اور یہ ایک موثر اور موزوں حل ثابت ہوا ہے۔ آئی آر سی کو یومیہ 3 ٹن سالڈ ویسٹ وصول ہو رہا ہے۔ یہ منصوبہ دیگر شہروں میں بھی شروع کیا جائے گا۔ اقتصادی امور ڈویژن، وزارت منصوبہ بندی و اصلاحات، یونیسف، یونیڈو، یو این ڈی پی، زرعی بارانی یونیورسٹی، ڈبلیو ایس ایس پی، این ایس یو ایس سی، میونسپل کارپوریشن مظفر آباد، واسا، حیدر آباد، گوجرانوالہ، راولپنڈی چیمبرز اور دیگر متعلقہ شعبوں کے نمائندوں نے بھی ورکشاپ میں شرکت کی۔متعلقہ عنوان :
مزید اہم خبریں
-
لاہور میں پولیس اہلکار نے گولی مارکرخودکشی کرلی
-
ملکی معیشت کو صحیح سمت پر لیجانے کیلئے کڑوی گولیاں نگلنی پڑیں گی‘ احسن اقبال
-
آئین کی بالادستی سے ہی ملک آگے بڑھے گا، عوام کو اپنے نمائندے منتخب کرنے کا اختیار ہونا چاہیے، چیئرمین سینیٹ
-
وزیراعظم اور امیر کویت کے درمیان ملاقات
-
پاکستان میں غیر معیاری ادویات کا مسئلہ
-
ہمارے مسالے مضر صحت نہیں، بھارتی کمپنی ایم ڈی ایچ
-
کیا انتظامی عہدے کیلئے حکمران خاندان سے ہونا ہی واحد شرط ہے؟
-
غزہ میں جنگ بندی کی کوششوں میں تیزی
-
مولانا فضل الرحمان نے آئندہ لائحہ عمل کے اعلان کی تاریخ دیدی
-
وزیراعظم محمد شہبازشریف سے آئی ایم ایف کی منیجنگ ڈائریکٹر کرسٹالینا جارجیوا کی ملاقات ، گزشتہ سال اسٹینڈ بائے ارینجمینٹ کے حوالے سے وزیراعظم کے قائدانہ کردار کی تعریف
-
وزیراعظم کی سعودی حکام سے ملاقاتوں میں پاکستان میں مزید سرمایہ کاری پر اتفاق
-
دبئی ایئر پورٹ کا اگلے دس سال میں المکتوم ایئرپورٹ منتقلی کا منصوبہ تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.