سپریم کورٹ فیصلے کے باوجود نفاذ اردومیں لیت ولعل سے کام لیاجارہا ہے‘حکومت اردوکوسرکاری زبان اور ذریعہ تعلیم بناکر قوم سے کیاوعدہ پوراکرے‘تمام سرکاری ویب سائٹس،فارمزاور عدالتی فیصلے اردو میں ہونے چاہئیں
امیر جماعت اسلامی پنجاب میاں مقصود احمد کا بیان
بدھ 27 جنوری 2016 17:41
لاہور(اُردو پوائنٹ اخبارتازہ ترین - آئی این پی۔27 جنوری۔2016ء) امیر جماعت اسلامی پنجاب میاں مقصود احمد نے سپریم کورٹ کے احکامات کے باوجود حکومت کی جانب سے اردو کے نفاذ میں لیت ولعل سے کام لینے پر تشویش کا اظہارکرتے ہوئے کہاہے کہ حکومت عملاًسپریم کورٹ کے واضح حکم کی مسلسل خلاف ورزی کررہی ہے۔اردو ہماری سرکاری زبان ہے اور اس کے نفاذ کو یقینی بنانے کے لئے حکومت نے خود تین ماہ کی مہلت لی تھی جوکہ8دسمبر2015کومکمل ہوگئی ہے مگرآج تک وزیر اعظم نے اس حوالے سے سنجیدگی کامظاہرہ نہیں کیا۔
تاریخ گواہ ہے کہ عدالتی فیصلوں اور ان پر عمل درآمد کے سلسلے میں تمام ماضی کی اور موجودہ حکومت نے لیت ولعل سے کام لیا اور لیتے آرہے ہیں۔انہوں نے کہاکہ جو قومیں اپنی زبان چھوڑ کر غیروں کی اندھی تقلید میں ان کے رہن سہن اور زبان کواختیار کرتی ہیں وہ دنیا میں اپنا مقام حاصل نہیں کرسکتیں۔(جاری ہے)
1947میں ظاہری طور پرانگریزچلے گئے مگر آج بھی وہ ہمارے مٹھی بھر برسراقتدار اشرافیہ کے ذہنوں پر راج کررہے ہیں۔
الحمدﷲ اردو ایک ذرخیز زبان ہے جو وسعت کے ساتھ ساتھ دوسری زبانوں کواپنے اندرجذب کرنے کی صلاحیت بھی رکھتی ہے۔اگر ہمیں دنیا میں ترقی وخوشحالی کی منازل طے کرنی ہیں تو اس کیلئے ضروری ہے کہ ملک میں نفاذاردوکویقینی بنایاجائے۔انہوں نے کہاکہ عدالتی حکم کے باوجود صدر اور وزیراعظم اور دیگر وزراء اردوزبان کی بجائے انگریزی میں تقاریرکررہے ہیں۔تاحال تمام انتظامی اور دفتری معاملات انگریزی میں سرانجام دیے جارہے ہیں۔اگر عدالتی فیصلوں کا احترام حکمران خود نہیں کریں گے تو معاشرے میں اچھی روایت کیسے قائم ہوگی۔آئین وقانون کوموم کی ناک بناکر رکھ دیا گیاہے۔میاں مقصود احمد نے اس حوالے سے مزید کہاکہ تمام انتخابات بشمول سی ایس ایس اردو زبان میں ہونے چاہئیں۔جاپان،ترکی،چین،جرمنی ودیگرکئی ممالک نے اپنی زبان کواپناکر ترقی کی ہے۔ہمیں بھی ان کے کامیاب تجربات سے استفادہ کرنا ہوگا۔انگریزی کوبطور زبان پڑھانے کی کوئی بھی مخالفت نہیں کرتا مگر اردو زبان کو نظرانداز کرکے سرکاری امور چلانے اورانگریزی کوذریعہ تعلیم بنانے کی اجازت نہیں دی جاسکتی۔پوری قوم اس کی بھرپورمذمت کرتی ہے اور حکومت سے مطالبہ کرتی ہے کہ وہ سپریم کورٹ کے احکامات پر من وعن عملدرآمد کرتے ہوئے اردو کے نفاذ کے حوالے سے قوم سے کیاگیا وعدہ پوراکرے۔تمام سرکاری ویب سائٹس کو اردو میں منتقل کیاجائے۔سرکاری فارمز اردو زبان میں ہوں اور عدالتی فیصلے بھی اردوزبان میں لکھے جائیں۔متعلقہ عنوان :
مزید اہم خبریں
-
ججز خط کیس؛ عدلیہ میں مبینہ مداخلت پر حکومت اور ایجنسیوں سے تفصیلی جواب طلب
-
امریکہ نے سعودی عرب کے ساتھ دفاعی معاہدے کو اسرائیل کے ساتھ تعلقات سے مشروط کردیا
-
وزیراعظم شہبازشریف عالمی اقتصادی فورم کے خصوصی اجلاس میں شرکت کے بعد وطن واپس روانہ
-
ہمیں ایک ہائی سکیورٹی رسک ملک و قوم کا منفی تاثر زائل کرنا ہوگا، احسن اقبال
-
پاکستان تحریک انصاف کے انٹرا پارٹی الیکشن پر اعتراض ‘الیکشن کمیشن نے اعتراضات پر جواب جمع کروانے کی ہدایت کردی
-
ویوو Y100 کی برانڈ ایمبیسیڈر کے طور پر دُرفشاں سلیم کو متعارف کردیا گیا
-
امریکہ: فائرنگ میں تین پولیس افسران ہلاک، پانچ زخمی
-
غزہ: فائر بندی اور یرغمالیوں کی رہائی کے لیے مذاکرات
-
خیبرپختونخوا میں ’پاکستان ڈیجیٹل سٹی‘ کے قیام کے معاہدے پر دستخط
-
اگر میرے کام میں مداخلت ہو اور میں روک نہ سکوں تو مجھے گھر چلے جانا چاہیے.جسٹس قاضی فیض عیسی‘سب کو معلوم ہے کہ سچ کیا ہے لیکن بولنے کی ہمت کوئی نہیں کررہا.جسٹس اطہر من اللہ
-
خصوصی اقتصادی زونز میں سستی بجلی کی فراہمی کو یقینی بنانے کے لئے اقدامات کی ضرور ت ہے،وفاقی وزیراحسن اقبال
-
عمران خان کی عدت نکاح کیس میں سزا کیخلاف اپیل: خاور مانیکا کی عدم اعتماد کی درخواست پر فیصلہ محفوظ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.