ٹینس کے فروغ و ترقی کے لئے کوشاں ہیں، سلیم سیف الله
خیبرپختونخوا ٹینس کھلاڑیوں میں ریکٹس اور شوز کی تقسیم کے موقع پر میڈیا سے گفتگو
بدھ 24 فروری 2016 19:58
پشاور (اُردو پوائنٹ اخبارتازہ ترین - آن لائن۔24 فروری۔2016ء) خیبرپختونخوا کے بہترین ٹینس کھلاڑیوں میں ٹینس ریکٹس اور شوز تقسیم کئے گئے صوبائی ٹینس ایسوسی ایشن کے زیر اہتمام تقریب گزشتہ روز پشاور کے قیوم سپورٹس کمپلیکس کے ٹینس کورٹس پر منعقد ہوئی پاکستان ٹینس فیڈریشن کے صدر سلیم سیف اللہ خان مہمان خصوصی تھے ان کے ہمراہ امریکن سابق ٹینس کھلاڑی و کلب کے مالک ایرک سمپسن ‘صدر ٹینس ایسوسی ایشن پروفیسر ڈاکٹر محمد طاہر‘سینئر نائب صدر سراج انور ‘صوبائی ٹینس ایسوسی ایشن کے سیکرٹری عمرایاز خلیل ‘ڈائریکٹر سپورٹس طارق محمود ‘پاکستان اولمپک ایسوسی ایشن کے ایسوسی ایٹ سیکرٹری ذوالفقار بٹ ‘واپڈا فاٹا کے چیف ذکاء اللہ گنڈاپور ‘کوچ رومان گل اور دیگر شخصیات موجود تھیں ‘پاکستان ٹینس فیڈریشن کے صدر سلیم سیف اللہ خان نے ایرک سمپسن کی طرف سے امریکہ سے لائے ہوئے ٹینس ریکٹ اور شوز رینکنگ میں ٹاپ ٹینس کھلاڑیوں میں تقسیم کئے ان میں انڈر10 میں حمزہ رومان‘حامد اسرار ‘انڈر12 میں کاشان عمر اور عبید اللہ ‘انڈر14 میں شعیب اور ثاقب عمر‘انڈر16 میں فرحان اور اظہار جبکہ انڈر18 میں ثاقب عمر اور یوسف خان شامل ہیں یہ کھلاڑی رینکنگ میں ہر کیٹیگری میں پہلے اور دوسرے نمبر پر ہیں ‘صدر ٹینس فیڈریشن سلیم سیف اللہ خان نے اپنے خطاب میں کہا کہ ٹینس کے فروغ و ترقی کے لئے کوشاں ہیں جلد ہی وہ اس سلسلے میں وزیراعظم سے بھی ملاقات کریں گے ‘پشاور سمیت دیگر شہروں میں ٹینس کورٹس کی تعداد میں اضافے کے لئے کوشاں ہیں اس کے ساتھ کھلاڑیوں کو مختلف محکموں کے ذریعے ماہانہ وظائف بھی دلوائے گئے ہیں حکومت کی سپورٹ انتہائی ضروری ہے ہم نے یہاں سے سات ورلڈ سکواش چیمپئن پیدا کئے اور نواں کلی ہی سے ٹینس کے کھلاڑی بھی آگے جا رہے ہیں جو قابل ستائش ہے فیڈریشن سالانہ تیس لاکھ پر چل رہی ہے جو آٹے میں نمک کے برابر بھی نہیں ہے انہوں نے ایروک سمپسن کو خراج تحسین پیش کیا جنہوں نے امریکہ سے ٹینس ریکٹس اور شوز لائے اور ہمارے غریب کھلاڑیوں میں تقسیم کرائے اور انہوں نے آئندہ بھی مزید سامان کی فراہمی کا وعدہ کیا ہے ۔
متعلقہ عنوان :
مزید کھیلوں کی خبریں
-
پاک بھارت ٹیمیں ٹی ٹونٹی ورلڈکپ کے سیمی فائنل تک نہیں پہنچیں گی، مائیکل وان کی پیشن گوئی
-
دورۂ آئرلینڈ و انگلینڈ کیلئے قومی سکواڈ کا اعلان کل ہوگا
-
آئی سی سی آفیشل چیمپئنز ٹرافی 2025ء کے وینیوز کا معائنہ کرنے پاکستان پہنچ گئے
-
پی سی بی ٹی ٹونٹی ورلڈ کپ کا اینتھم بنائے گا
-
افغانستان نے ٹی ٹونٹی ورلڈ کپ 2024ء کیلئے سکواڈ کا اعلان کر دیا
-
اپنے قریبی دوست کی ناگہانی موت کے باعث کرکٹ سے ریٹائرمنٹ کا اعلان کیا، عمر گل کا انکشاف
-
آسٹریلیا نے ٹی ٹونٹی ورلڈ کپ 2024ء کے لیے سکواڈ کا اعلان کر دیا
-
چیمپئنز ٹرافی پاکستان میں ہی ہوگی، چیئر مین پی سی بی کا دو ٹوک بیان
-
ٹی ٹوئنٹی ورلڈ کپ کیلئے بھارت نے اسکواڈ کا اعلان کردیا، روہت شرما قیادت کرینگے
-
ہاکی کی بہتری کیلئے میرٹ پر فیصلے کیے گئے ،عالمی سطح پر ملک کی نمائندگی کرنا یقینا ایک قا بل فخر بات ہے ،رانا مشہود
-
پاکستان میں امریکی سفیر ڈونلڈ بلوم کا امریکہ میں ٹی ٹوئنٹی ورلڈ کپ سے قبل پاکستانی کرکٹ ٹیم کے اعزاز میں استقبالیہ
-
پاکستان فٹ بال فیڈریشن کے زیر اہتمام نیشنل چیلنج کپ 2023 فائنل راؤنڈ کا آغاز یکم مئی سے ہوگا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.