نئے آئی جی سندھ کی تقرری صوبائی حکومت کی مشاورت سے کی گئیہے،غلام حیدر جمالی نے اچھا کام کیا، ان پر سپریم کورٹ میں کرپشن کے کیسز زیر سماعت تھے،اس لیے پہلے ہی تبدیل کردیا،وزیر اعلیٰ سندھ سید قائم علی شاہ کا تقریب سے خطاب اور میڈیا سے گفتگو
ہفتہ 12 مارچ 2016 23:02
سکھر(اُردو پوائنٹ اخبارتازہ ترین - آئی این پی۔12 مارچ۔2016ء) وزیر اعلیٰ سندھ سید قائم علی شاہ نے کہا ہے کہ نئے آئی جی سندھ کی تقرری صوبائی حکومت کی مشاورت سے کی گئی ہے،غلام حیدر جمالی نے اچھا کام کیا ان پر سپریم کورٹ میں کرپشن کے کیسز زیر سماعت تھے کوئی بھی تضاد نہیں چاہتے اس لیے پہلے ہی تبدیل کردیا۔ان خیالات کا اظہار انہوں نے سکھر پریس کلب کیلئے امدادی چیک دینے کی تقریب سے خطاب اور میڈیا سے بات چیت کرتے ہوئے سید قائم علی شاہ کا کہنا تھا کہ اے ڈی خواجہ کا نام وفاقی حکومت کو بھیجا تھا جنہوں نے جلد منظور کرکے تعینات کیا اچھی بات ہے سابق آئی جی سندھ اچھا کام کر رہے تھے ان پر سپریم کورٹ میں کرپشن کے کیسز زیر سماعت ہیں جس کے باعث ہم نے اور پارٹی نے مل کر انہیں ہٹانے کا فیصلہ کیا ہم کسی بھی قسم کا تضاد نہیں بلکہ قانون کے مطابق خدمت کرنا چاہتے ہیں اور دوسروں کو بھی یہ کہتے ہیں کہ قانون کے مطابق کام کریں انہوں نے مزید کہا کہ ڈاکٹر عاصم اور نثار مورائی کے خلاف اگر ثبوت ہیں تو چالان کیا جائے جسے بھی پکڑا گیا ہے اس سے انکوائری جاری ہے ہمیں کوئی بھی اعتراض نہیں ہے نہ ہی آج تک کسی کو چھوڑنے یا پکڑنے کیلئے نہیں کہا سید قائم علی شاہ نے مزید کہا کہ یہ تاثر دیا جارہا ہے کہ کرپشن اور بد امنی صرف صوبہ سندھ میں ہے ہم نے دہشتگردوں کے خلاف سندھ میں بھرپور آپریشن کرکے کامیابی حاصل کی رینجرز کے ساتھ پولیس نے بھی کارکردگی دکھائی سانحہ شکارپور اور جیکب آباد کے ملزمان کو دو ہفتوں کے اندر گرفتار کرکے چالان پیش کیاانہوں نے کہا کہ کراچی میں ڈیڑھ سال سے دہشتگردی کا ایک بھی واقعہ پیش نہیں آیا جبکہ دیگر صوبے دہشتگردی کا شکار رہے ان کا کہنا تھا کہ نیب کے قانون میں ہے کہ جس کے خلاف تحقیقات ہو اسے بتا کر انکوائری کی جائے اس کے باوجود ہمارے بیس گریڈ کے سیکریٹری کو گرفتار کرلیا گیا اس کا مطلب پورے سندھ حکومت پر وار کیا گیا جو چور دروازے سے نہیں آئی ہے۔
(جاری ہے)
متعلقہ عنوان :
مزید اہم خبریں
-
پاور ڈویژن نے سولر پاور پر فی کلو واٹ 2ہزار روپے فکسڈ ٹیکس عائد کرنے کی خبروں کی تردید کردی
-
بھکاری مافیا اورمنشیات گینگز کیخلاف کارروائی کا حکم
-
اسلام آباد میں غیرملکی شہریوں کی سیکیورٹی کیلئے اسپیشل پروٹیکشن فورس بنانے کا فیصلہ
-
چیف جسٹس کی سربراہی میں 3 رکنی بینچ نے 5 دن میں 46 کیسز نمٹا دیے
-
وزیراعظم شہباز شریف عالمی اقتصادی فورم کے خصوصی اجلاس میں شرکت کیلئے آج سعودی عرب پہنچیں گے
-
سب میرین کیبل کٹنے سے پی ٹی سی ایل کی ٹریفک متاثر نہیں ہوئی.ترجمان پی ٹی سی ایل
-
ایف بی آر کے 12 افسران کو عہدوں سے ہٹانے کے بعد مزید 36 افسران کا تبادلہ
-
توڑ پھوڑ، احتجاج کا کیس،علی امین گنڈا پور کی عبوری ضمانت میں توسیع
-
سولر سسٹم استعمال کرنے والوں کیلئے بجلی 3 روپے فی یونٹ مہنگی کرنے کی تیاری
-
وزیراعظم شہباز شریف عالمی اقتصادی فورم کے خصوصی اجلاس میں شرکت کے لیے آج سعودی عرب پہنچیں گے
-
پاور ڈویژن نے سولر پاور پر فکسڈ ٹیکس لگانے کی خبروں کی تردید کر دی
-
امریکی یونیورسٹیوں میں فلسطینیوں کے حق میں مظاہرے جاری‘احتجاج کرنے والے طلبہ کے ساتھ مذکرات ناکام
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.