طاہر شاہ کے مداح ٹوئنکل کھنہ سے ناراض

بدھ 13 اپریل 2016 12:19

کراچی /ممبئی (اُردو پوائنٹ اخبارتازہ ترین - این این آئی۔13 اپریل۔2016ء) آئی ٹو آئی کے خالق طاہر شاہ کے نئے گانے ”اینجل“ کے منظر عام پر آنے کے بعد سے پاکستان اور ہندوستان کے معروف فنکاروں سمیت سیاست دان بھی گانے پر تبصرے دینے کے لیے میدان میں اتر آئے۔ایک رپورٹ کے مطابق ہندوستانی اداکار اکشے کمار کی اہلیہ ٹوئنکل کھنہ نے اپنے انسٹا گرام اکاوٴنٹ پر طاہر شاہ کی تصویر کے ساتھ تحریر کیا ہے کہ پاکستان کو جوہری ہتھیاروں کی ضرورت نہیں ہے وہ اب ہم پر صرف اپنا جامنی بم گراسکتے ہیں۔

(جاری ہے)

خیال رہے کہ انھیں اندازہ تھا کہ پاکستان اور ہندوستان کے تعلقات میں جوہری ہتھیاروں کی نشاندہی کرنا ان کے مداحوں کو پسند نہیں آئے گا یا ان کے مداح یہ مذاق پسند نہیں کریں گے۔تاہم ساتھ ہی انھوں نے یہ بھی کہا کہ نوٹ کیا جائے کہ میرے دونوں جانب دوست اور عزیز موجود ہیں یہ ایک مذاق تھا جس پر قہقہ لگائیں یا ان فولو کردیں، لیکن حس مزاح سے عاری افراد کو ٹوئنکلنگ ڈور سے گزرنے کی اجازت نہیں۔ٹوئنکل کھنہ کے اس تحریر کے جواب میں ان کے ایک مداح کا کہنا تھا کہ آپ بہت غیر مہذب ہیں۔

Facebook Twitter Google + Share on Whatsapp

طاہر شاہ کے مداح ٹوئنکل کھنہ سے ناراض

متعلقہ عنوان :

مزید فن و فنکار کی خبریں