ایم کیو ایم قائد نے اسکاٹ لینڈ یارڈ کے سامنے ”را“ سے تعلقات کا اعتراف کیا، مصطفی کمال
ریاست پاکستان کو اپنا موقف دینا پڑے گا، فاروق ستار ”را“ ایجنٹ کے ایجنٹ ہیں،رہنما پاک سرزمین پارٹی
جمعرات 14 اپریل 2016 22:15
کراچی(اُردو پوائنٹ اخبارتازہ ترین - آن لائن۔14 اپریل۔2016ء) پاک سرزمین پارٹی کے رہنما مصطفی کمال نے کہا ہے کہ متحدہ قومی موومنٹ کے قائد نے اسکاٹ لینڈ یارڈ کے سامنے بھارتی ایجنسی ”را“ سے تعلقات کا اعتراف کیا، اب وقت آگیا ہے کہ ریاست پاکستان کو اپنا موقف دینا پڑے گا، فاروق ستار ”را“ ایجنٹ کے ایجنٹ ہیں۔کراچی کے علاقے ڈیفنس میں واقع اپنی رہائش گاہ کے باہر میڈیا سے بات کرتے ہوئے مصطفی کمال کا کہنا تھا کہ سابق برطانوی سفیر نے متحدہ کے “را” سے تعلقات کی تصدیق کی ہے جب کہ متحدہ قائد اسکاٹ لینڈ یارڈ کے سامنے ”را“ سے تعلقات کا اعتراف کرچکے ہیں، اب وقت آگیا ہے کہ ریاست پاکستان اور اداروں کو کوئی رخ اختیار کرنا پڑے گا۔
انہوں نے کہا کہ ایم کیو ایم اور “را” کے تعلقات کے بارے میں ایسے ہی الزامات اور باتیں حکومتی لوگ بھی کر رہے ہیں، اگر یہ باتیں 5 فیصد بھی درست ہیں تو جو تنظیم دشمن ملک کی ایجنسی سے رابطے میں ہے اسے آزادی کے ساتھ ملک میں کام کرنے کیوں دیا جارہا ہے، ایسی تنظیم پر فوری پابندی لگادینی چاہیئے۔(جاری ہے)
مصطفی کمال کا کہنا تھا کہ برطانوی ہائی کمیشن کے سفارت کار نے ایم کیوایم قائد کے “را” کے ایجنٹ ہونے کا بتایا جب کہ سابق وزیرداخلہ رحمان ملک کو برطانوی حکومت نے اس حوالے سے بریفنگ بھی دی تھی جس کے بعد رحمان ملک نے ایم کیو ایم رہنماوٴں کو اس حوالے سے آگاہ کیا جس میں میں بھی موجود تھا اور اس میٹنگ سے متعلق ہم نے اپنی پریس کانفرنس میں دبئی میں ہونے والی میٹنگ کا حوالہ دیا تھا۔
ان کا کہنا تھا کہ ایم کیوایم اور “را” کے تعلقات اب کسی سے ڈھکے چھپے نہیں جب کہ اس حوالے سے گزشتہ تین چار روز سے سابق برطانوی سفارت کاروں کے انٹرویو بھی چل رہے ہیں۔مصطفی کمال نے کہا کہ سب بیٹھ کر متحدہ قائد کے مرنے کا انتظار کر رہے ہیں تاکہ ان کے مرنے کے بعد جاگیریں انہیں ملیں، فاروق ستار ہماری زبان نہ کھلوائیں اور وہ بھارتی ایجنٹ کے ایجنٹ ہیں، ہر چیز کی انتہا ہوتی ہے وہ ہرچیزسے واقف ہیں۔ ان کا کہنا تھا کہ اپنے لوگوں کو اپنی ٹیموں سے مروانے میں متحدہ قائد اور ندیم نصرت ماہر ہیں، اس لئے نوجوان لڑکوں کو کہتا ہوں کہ ہوش کے ناخن لو، ایم کیو ایم کے ہزاروں نوجوان دنیا بھر میں دربدر پھر رہے ہیں، لاپتہ افراد کو حراست میں رکھنے سے متحدہ قائد کو ہی فائدہ ہورہا ہے، خدارا لاپتہ ہونے والے ایم کیو ایم کارکنان کو چھوڑیں وہ توبہ کرنے کو تیار ہیں۔متعلقہ عنوان :
مزید اہم خبریں
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
-
پرویز الٰہی کی درخواست ضمانت منتقلی کیلئے فائل چیف جسٹس کو ارسال
-
چیف منسٹر پنک گیمز2024 کے انعامات ڈبل، انعام 50لاکھ سے بڑھا کرایک کروڑ روپے کرنے کا اعلان
-
حکومت کا ملک کو برآمدی مرکز میں تبدیل کرنے کا وسیع تر وژن ہے، وزیر مملکت برائے آئی ٹی شزہ فاطمہ سے گوگل فار ایجوکیشن ٹیم کی مقامی پارٹنر ٹیک ویلی پاکستان کے ہمراہ ملاقات
-
نیلم جہلم ہائیڈرو پاور پلانٹ سے بجلی کی پیداوار مکمل طور پر بند کر دی گئی
-
سپیکر قومی اسمبلی سردار ایاز صادق کا شیخ طہنون محمد بن النہیان کے انتقال پر اظہار تعزیت
-
صوبائی حکومتیں پٹرولیم مصنوعات کی قیمتوں میں کمی اور اشیائے خورد و نوش کے سرکاری نرخوں پر عملدرآمد یقینی بنانے کے لئے اقدامات کریں، وزیراعظم شہبازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.