وزیراعلیٰ خیبرپختونخواکا مختلف اضلاع کے ڈپٹی کمشنروں کودہشت گردی کی کاروائیوں میں ہلاک ہونیوالے افراد کے اعداد و شمار پیش کرنے کا حکم
حکومت کی وضع کردہ پالیسی کے مطابق معاوضہ دینے کا بندوبست کیا جا ئیگا، دہشت گردی کیخلاف جنگ میں سیکورٹی فورسز کو سب سے زیادہ ٹارگٹ کیا جار ہا ہے، پرویز خٹک
جمعرات 5 مئی 2016 21:10
پشاور(اُردو پوائنٹ اخبارتازہ ترین - این این آئی۔05 مئی۔2016ء) وزیراعلیٰ خیبرپختونخوا پرویز خٹک نے مختلف اضلاع کے ڈپٹی کمشنروں کودہشت گردی کی کاروائیوں میں ہلاک ہونے والے افراد کے اعداد و شمار پیش کرنے کا حکم دیا تاکہ ان کو حکومت کی وضع کردہ پالیسی کے مطابق معاوضہ دینے کا بندوبست کیا جا سکے ۔ ان خیالا ت کا اظہار انہوں نے جمعرات کے روز وزیراعلیٰ ہاؤس پشاور میں تحریک نفاذ فقہ جعفریہ کے نمائندہ وفد سے گفتگو کرتے ہوئے کیا وفد کی قیادت تنظیم کے صدر سید ابوالحسن کر رہے تھے۔
اس موقع پر صوبے کے مختلف علاقوں سے تنظیم کے عہدیداروں کے علاوہ سینئر صوبائی وزیر عنایت اﷲ خان، وزیراعلیٰ کے معاون خصوصی برائے اطلاعات مشتاق احمد غنی،وزیراعلیٰ کے معاون خصوصی برائے ماحولیات اشتیاق ارمڑ، سیکرٹری داخلہ کیپٹن ریٹائرڈ منیر اعظم، انسپکٹر جنرل پولیس ناصر خان درانی بھی موجود تھے۔(جاری ہے)
وزیراعلیٰ نے اس موقع پر دہشت گردی کے خاتمے اور دیر پا امن کے قیام کیلئے صوبائی حکومت کی کاوشوں کا ذکر کرتے ہوئے کہا کہ گزشتہ دو سالوں کی جدوجہد کے نتیجے میں امن عامہ کی صورتحال میں کافی بہتری آئی ہے انہوں نے کہاکہ روزانہ کی بنیاد پر قانون نافذ کرنے والے اداروں کے درمیان اطلاعات کا تبادلہ ہو تاہے اور اس سلسلے میں تمام اداروں میں مکمل ہم آہنگی ہے۔
انہوں نے کہاکہ دہشت گردی کے خلاف اس جنگ میں ہماری سیکورٹی فورسسز کو سب سے زیادہ ٹارگٹ کیا جار ہا ہے۔ وزیراعلیٰ نے کہاکہ حکومت کو عوام کے تحفظ کی شدت سے فکر ہے۔ انہوں نے صوبے میں تحریک نفاذ فقہ جعفریہ کو درپیش مسائل حل کرنے اور انکے تحفظات کو قانون کے مطابق حل کرنے کی ہدایت کرتے ہوئے متعلقہ حکام اور تحریک نفاذ فقہ جعفریہ کے نمائندے کو کہ طور پر لائحہ عمل طے کرنے کا حکم دیا۔ وزیراعلیٰ نے دہشت گردی کے واقعات میں شہید ہونے والے فقہ جعفریہ کے افراد کے لواحقین کو معاوضہ دینے کیلئے شہداء کی فہرست طلب کی ۔ انہوں نے کہاکہ صوبائی حکومت نے ا س سلسلے میں ایک پالیسی وضع کردی ہے جس کے مطابق معاوضہ دے دیا جا تا ہے ۔ وفد نے دہشت گردی کے خلاف صوبائی حکومت کے اقدامات کو سراہتے ہوئے تنظیم کی طرف سے بھر پور تعاون کا یقین دلایا۔ وفد نے دہشت گردی کی بھر پور مذمت کرتے ہوئے کہاکہ دہشت گرد کا کسی مذہب یا مسلک سے کوئی تعلق نہیں وفد نے اس موقع پرصوبے میں دہشت گردوں کے خلاف ٹارگٹڈ آپریشن کا مطالبہ کیا۔ انسپکٹر جنرل پولیس نے وفد کو دہشت گردی کی روک تھام کیلئے انسداد دہشت گردی کے محکمے کی کارکردگی سے آگاہ کیا۔مزید اہم خبریں
-
یورپی یونین میں مزید چارجنگ اسٹیشن لگائے جائیں، کار ساز ادارے
-
پی ٹی آئی کے یوم تاسیس پر ریلی: گوہر خان، عمر ایوب و دیگر کی عبوری ضمانتیں منظور
-
وزیراعظم کی سعودی ولی عہد محمد بن سلمان کے گالا ڈنر میں شرکت، اہم امور پر تبادلہ خیال
-
وزیراعظم کی بل گیٹس سے ملاقات، گیٹس فائونڈیشن کیساتھ مضبوط شراکت داری کو یقینی بنانے کے لیے مل کر کام جاری رکھنے کے عزم کا اعادہ
-
نائب وزیراعظم اور وزیر خارجہ محمد اسحاق ڈار کی ملائیشیا کے وزیر خارجہ سے ملاقات،تجارت اور اقتصادی امور کے فروغ پر اتفاق
-
تحریک انصاف یوم تاسیس ریلی کیس: عمرایوب ‘گوہر خان، عامر ڈوگر کی عبوری ضمانتیں منظور
-
کراچی کے بجلی صارفین پر یکمشت اربوں روپے کا بوجھ ڈالنے کی تیاری
-
آئی ایم ایف کے ایگزیکٹو بورڈ کا اجلاس ‘آج پاکستان کو ایک ارب 10 کروڑ ڈالر کی آخری قسط جاری کرنے کی منظوری دیئے جانے کا امکان
-
اسحاق ڈار کی بطور نائب وزیراعظم تقرری غیرآئینی ہے؟آئین میں نائب وزیراعظم کا کوئی عہدہ نہیں.آئینی ماہرین
-
سیاسی جماعتوں سے بات چیت ہونی چاہیے‘ مذاکرات کا مطلب پاور شئیرنگ نہیں، بیرسٹر گوہر
-
وفاقی وزیر داخلہ کا پاسپورٹ آفس گارڈن ٹائون کا دورہ ، غیر تسلی بخش جوابات پر ڈائریکٹر اور اسسٹنٹ ڈائریکٹر کوعہدوں سے ہٹانے کے احکامات
-
سعودی عرب کی پاکستان کو مزید سرمایہ کاری کی یقین دہانی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.