ڈی جی سروسز کے احتجاجی مظاہرین کی وزیر اعظم نواز شریف کی صحت یابی کے لیے خصوصی دعا
سی ڈی اے ملازمین کا مستقبل سوالیہ نشان بن چکا ہے ،کوئی شنوائی نہیں،چوہدری محمد یٰسین 6جون کو آبپارہ چوک میں اپنے حقوق و بقاء کی خاطر بھرپور طاقت کا مظاہرہ کریں گے،اورنگزیب خان
منگل 31 مئی 2016 20:39
اسلام آباد(اُردو پوائنٹ اخبارتازہ ترین - آئی این پی۔31 مئی۔2016ء ) سی ڈی اے کی تقسیم اور ملازمین کا مستقبل تاریک ہونے کے پیش نظر ملازمین کی علامتی ہڑتال دوسرے روز بھی جاری رہی ،ڈی جی سروسز میں واٹر سپلائی ،روڈ مینٹی نینس ،آڈٹ اکاؤنٹس ،سینی ٹیشن ،سپورٹس اینڈ کلچر و دیگر شعبوں کے ہزاروں ملازمین نے جمع ہو کر اپنے حقوق وبقاء کی تحفظ کی خاطر احتجاجی مظاہرہ کیا ،سی ڈی اے مزدور یونین کے جنرل سیکرٹری چوہدری محمد یٰسین،صدر اورنگزیب خان ،چیئرمین راجہ شاکر زمان کیانی ،سپریم ہیڈ صوفی محمود علی ،حاجی مشتاق احمد شاہد ،احمد علی شیرازی ،وارث بھٹی ،عزت خان ،لالہ فرمان ،سردار نسیم ،سردار خان نیازی ،چوہدری خالد گجر ،نعمان کیانی ،راجہ جاوید اقبا ل انجم ،چوہدری قیصر محمود گجر ، سید امیر شاہ کاظمی و دیگر مقررین نے خطاب کیا ،اس موقع پر کیپیٹل ہسپتال کے عہدیداران شبیر تنولی اور عبدالستار بروہی نے اظہار یکجہتی کے لیے احتجاج میں شرکت کی ،چوہدری محمد یٰسین نے اس موقع پر اعلان کیا کہ چونکہ ہمارے محنت کشوں کے مستقبل کو سوالیہ نشان بنا کر رکھ دیا گیا ہے جبکہ ہم گزشتہ ایک سال سے حکمران جماعت سمیت تمام سیاسی جماعتوں کے قائدین خصوصاً وزیر داخلہ چوہدری نثار علی خان ،وزیر مملکت برائے کیڈ ڈاکٹرطارق فضل چوہدری کو اپنے تحفظات و خدشات سے آگاہ کرتے چلے آئے لیکن عملی طور پر ہماری کوئی شنوائی نہیں ہوئی لہذا میں نے اپنے دوستوں کی مشاورت سے یہ فیصلہ کیا ہے کہ چھ جون بروز سوموار کو راولپنڈی /اسلام آباد کی دیگر ٹریڈ یونینز کے قائدین کے ہمراہ سی ڈی اے کے ہزاروں محنت کش اپنے حقوق اور ادارے کی بقاء کی خاطر پر امن احتجاجی مظاہرہ کریں گے ،ہم سڑکوں پر نہیں آنا چاہتے تھے کیونکہ ہم ووٹ کی طاقت سے منتخب ہو ئے ہیں اور ہر اس شخص کا احترام کرتے ہیں جو عوام کے ووٹوں سے آیا ہے یہی وجہ ہے کہ ہم نے مسلسل یہ موقف اختیار کیا کہ سی ڈی اے کے قومی ادارے کو توڑنے اور ملازمین کو تقسیم کرنے کی بجائے سی ڈی اے کے بااختیار بورڈ میں نہ صرف منتخب نمائندوں کو کنٹونمنٹ بورڈ کی طرز پر نمائندگی دی جائے بلکہ اگر ضرورت محسوس ہو تو میئر کو چیئرمین سی ڈی اے کے اختیارات بھی منتقل کر دیے جائیں لیکن ہماری تجویز کو کسی سطح پر بھی پزیرائی نہ مل سکی ،ہم حکمرانوں کو بتانا چاہتے ہیں کہ ہم اب بھی مذاکرات پر یقین رکھتے ہیں لیکن ایسانہ ہو کہ وقت ہمارے ہاتھ سے نکل جائے اور اسلام آباد جیسے پر امن شہر کا امن خطرے سے دوچار ہو ،ہم نے انسانی ہمدردی کی بنیاد پر کیپیٹل ہسپتال میں ہڑتال کو مزید جاری اس لیے نہ رکھا کہ ہم مخلوق خدا کی خدمت کو عبادت کا درجہ دیتے ہیں اور کسی کو تکلیف نہیں دینا چاہتے لیکن اگر کل سی ڈی اے کے محنت کش نے اپنے حقوق کی خاطر پورے سی ڈی اے میں کام روک دیا تو دارلحکومت کا نظام درہم برہم ہو جائے گا ،ہم صرف اپنے حقوق و مراعات کا تحفظ اور ادارے کی بقاء چاہتے ہیں ہماری کسی سے کوئی نہ سیاسی مخالفت ہے اور نہ ہم کسی سیاسی جماعت کا دم چھلہ ہیں ،ہم تمام سیاسی جماعتوں کا احترام کرتے ہیں اس موقع پر تقریب کے شرکاء نے وزیر اعظم پاکستان میاں محمد نواز شریف کی صحت یابی کے لیے دعا بھی گئی اور پر امن طور پر منتشر ہو گئے ۔
متعلقہ عنوان :
مزید اہم خبریں
-
بھارت اور پاکستان ایک دن آزاد ہوئے آج وہ سپرپاور بننے کے خواب دیکھ رہا ہے اور ہم دیوالیہ پن کا شکار ہیں
-
گرمیوں میں سردی والا موسم، کئی سیاحتی مقامات پر برفباری سے سردی لوٹ آئی
-
خیبرپختونخواہ میں بلدیاتی ضمنی الیکشن، تحریک انصاف کلین سوئپ کرنے میں کامیاب
-
مرغی کے گوشت کی قیمت 1200 روپے کی ہوشربا سطح تک پہنچ گئی
-
نوازشریف کے پارٹی صدر بننے کا مطلب مزاحمتی بیانیہ نہیں ہے
-
موبائل ایپ پاک حج سے تمام انتظامات پیپر لیس کر دیے ، رہنمائی اور شکایات مکمل آٹومیٹ ہونگی
-
آرمی چیف سے ترک کمانڈر جنرل کی ملاقات، دفاعی تعلقات مضبوط بنانے کا عزم
-
آرمی چیف جنرل سید عاصم منیر سے ترک بری افواج کے کمانڈر جنرل سیلکوک بیریکتر اوغلو کی ملاقا ت، باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال
-
آرامکو نے گو پٹرولیم کے 40 فیصد حصص کا حصول کر لیا
-
صدر آصف علی زرداری نی ترک بری افواج کے کمانڈر ،جنرل سیلکوک بایراکتار اوغلو کو نشان پاکستان (ملٹری) سے نوازا
-
غزہ میں مستقل امن قائم کیے بغیر دنیا میں امن قائم نہیں ہو سکتا ، شہبازشریف
-
آئی ایم ایف نے پاکستان کیلئے 1.1 ارب ڈالر قسط کی منظوری دے دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.