ثانیہ مرزا ریکٹ کی رانی ہیں ٗشاہ رخ خان نے خطاب نواز دیا
جب کبھی بھی ثانیہ مرزا پر فلم بنی تو کافی متاثر کن ہو گی ٗ پروڈیوس کرنا پسند کریں گے ٗشاہ رخ خان
جمعرات 14 جولائی 2016 21:45
ممبئی (اُردو پوائنٹ اخبارتازہ ترین - این این آئی۔14 جولائی ۔2016ء) بالی وڈ اسٹار شاہ رخ خان نے ویمنز ڈبلز کی عالمی نمبر ایک ٹینس اسٹار ثانیہ مرزا کو ریکٹ کی رانی کے خطاب سے نواز دیا ہے۔ثانیہ مرزا کی کتاب ایس اگینسٹ آڈز کی تقریب رونمائی کے موقع پر شاہ رخ خان نے صحافیوں سے گفتگو کرتے ہوئے کہا کہ میں محسوس کرتا ہوں کہ ہم عورتوں کو جتنی عزت اور احترام دیں گے وہ اتنا ہی زیادہ بڑے کارنامے انجام دیں گی جو ثانیہ مرزا جیسے عالمی معیار کے ہوں گے۔
بالی وڈ میں بادشاہ تصور کیے جانے والے اسٹار نے کہا کہ ثانیہ ریکٹ کی رانی ہیں، ثانیہ نے ہر کسی سے زیادہ اس ملک کا سر فخر سے بلند کیا، ہم میری کوم، پی ٹی اوشا اور ثانیہ مرزا جیسے لوگوں کو یاد رکھیں گے۔شاہ رخ خان نے اس موقع پر ثانیہ مرزا پر فلم بنانے کا بھی عندیہ دیا۔(جاری ہے)
انہوں نے کہا کہ جب کبھی بھی ثانیہ مرزا پر فلم بنی تو وہ کافی متاثر کن ہو گی اور وہ اس کو پروڈیوس کرنا پسند کریں گے۔
اس موقع پر ثانیہ نے تقریب رونمائی میں شرکت پر شاہ رخ خان کا شکریہ ادا کرتے ہوئے کہا کہ کتاب کی رونمائی کیلئے میں اس سے بہتر شخص کے بارے میں نہیں سوچ سکتی ٗمیں نے صرف ان سے درخواست کی تھی کہ وہ اس خاص موقع پر تشریف لائیں اور کتاب کی رونمائی کریں۔اس کتاب میں ثانیہ مرزا نے ویمنز ڈبلز میں عالمی نمبر ایک بننے کے سفر کا ذکر کیا کہ انہیں اس سفر میں کن مشکلات اور چیلنجز کا سامنا کرنا پڑا۔تقریب کے دوران ایک سوال کے جواب میں ثانیہ نے کہا کہ بحیثیت ایتھلیٹ ان کیلئے سب سے مشکل وقت 2010 کا سال تھا جب ان کی تیسری سرجری ہوئی اور انہیں لگنے لگا کہ شاید انہیں اب ٹینس کے کھیل سے دور ہونا پڑے یہ میری زندگی کا سب سے سخت لمحہ تھا اور اسی وجہ سے میں دو ماہ تک شدید ذہنی دباؤ کا شکار رہی۔متعلقہ عنوان :
مزید فن و فنکار کی خبریں
-
اداکاری کیلئے کارپوریٹ جاب چھوڑی، ڈائریکٹر نے کسی اور کو کاسٹ کرلیا، سوہا علی خان
-
پاکستان لٹریچر فیسٹول میں ماہرہ خان پرحملہ، ویڈیو وائرل
-
فلم ’چندوچیمپئن‘ میں کارتک آریان کی پہلی جھلک نے دھوم مچا دی
-
جاپانی گلوکار نے’ ’دل دل پاکستان‘‘ گا کر لوگوں کے دل موہ لیے
-
دلجیت دوسانج اور شازیہ منظور کے درمیان احترام بھرے الفاظ کا تبادلہ
-
سنجے لیلا بھنسالی نے سیریز کیلئے 60 سے 70 کروڑ بھارتی روپے معاوضہ وصول کیا
-
میکال ذوالفقار اور فیروز خان پرکرش ہے، عنایہ خان
-
لڑکوں کو لڑکا ہی رہنے دیں انہیں کارٹون نہ بنائیں: مشی خان ڈیزائنر سے خفا
-
جیکی بھگنانی کو پروپوز کرنے پر مجبور کیا، رکول پریت سنگھ
-
معروف پاکستانی گلوکارعلی ظفرکی 44 ویں سالگرہ(کل) 18 مئی کو منائی جائے گی
-
معروف پاکستانی گلوکارعلی ظفرکی 44 ویں سالگرہ 18 مئی کو منائی جائے گی
-
بتیاں بجھائی رکھ دی، دلجیت نے مداحوں ہی نہیں شازیہ منظورکا دل بھی جیت لیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.