زکریا یونیورسٹی کو کرپشن کے کلچر سے پاک کردیا ، یونیورسٹی کو مثالی تعلیمی و تحقیقی درسگاہ بنائیں گے
وائس چانسلر پروفیسرڈاکٹر طاہر امین کا تقریب حلف برداری سے خطاب
جمعرات 28 جولائی 2016 22:08
ملتان( اُردو پوائنٹ اخبارتازہ ترین - آئی این پی۔28 جولائی ۔2016ء) وائس چانسلر زکریا یونیورسٹی پروفیسرڈاکٹر طاہر امین نے کہا ہے کہ زکریا یونیورسٹی کو کرپشن کے کلچر سے پاک کردیا ہے‘۔زکریا یونیورسٹی کو مثالی تعلیمی و تحقیقی درسگاہ بنائیں گے۔
(جاری ہے)
‘جامعہ زکریا کو دنیا کی اعلیٰ یونیورسٹیوں کے ہم پلہ بنانے کے لئے ہمیشہ کوشاں رہیں گے ‘ ان خیالات کا اظہار انہوں نے ویٹرن انجینئرز فورم کی مجلس عاملہ برائے 2016-17کی تقریب حلف برداری سے بطور مہمان خصوصی خطاب کرتے ہوئے کیا‘ وائس چانسلر پروفیسر ڈاکٹر طاہر امین نے ویٹرن انجینئر فورم کے نئے عہدیداران سے حلف لیا‘ اس موقع پر تقریب سے خطاب کرتے ہوئے وائس چانسلر پروفیسر ڈاکٹر طاہر امین نے کہا کہ زکریا یونیورسٹی ویٹرن انجینئرز فورم کے تعاون سے اپنے شعبہ انجینئرنگ میں تعلیم اور دیگر امور میں بھرپور استفادہ کرے گی ‘انہوں نے کہا کہ ویٹرن انجینئرز فورم کا قیام شعبہ انجینئرنگ میں ہمہ جہت بہتری کے لئے نہایت خوش آئند اقدام ہے کیونکہ اس فورم میں ہر شعبہ انجینئرنگ سے آئے ہوئے ماہر ترین انجینئرز موجود ہیں‘ان میں سے ہر رکن 35سے40سالہ تجربہ کا حامل ہے‘یہ انجینئرز اپنے تجربات کی روشنی میں کسی بھی محکمے کو بہترین تکنیکی معاونت فراہم کر سکتے ہیں ‘ان کے تجربات سے تمام محکموں کوفائدہ اٹھانا چاہئیے ‘انہوں نے انجینئر ممتاز احمد اور انجینئر عبدالمتین خان کی قیادت میں فورم کی کامیابی کی دعا کی‘نومنتخب صدرانجینئر ممتاز احمد خان نے خطاب میں کہا کہ ویٹرن انجینئرز فورم شعبہ انجینئرنگ کی ترقی کے لئے زکریا یونیورسٹی سے بھرپور تعاون کرے گا‘انہوں نے کہا کہ یونیورسٹی کے لئے ایک الگ پاور سسٹم ڈیزائننگ کے حوالے سے تکنیکی مشاورت فراہم کرنے کے لئے اہل انجینئرز کی ایک ٹیم تشکیل دی گئی ہے جو اگلے چند روز میں یونیورسٹی انتظامیہ سے رابطہ کرکے اپنی سفارشات مرتب کرے گی ‘تقریب میں جنرل سیکرٹری عبدالمتین خان‘ نائب صدر محمد شمیم چوہدری‘ سیکرٹری اطلاعات مرزا محمد شریف ‘فنانس سیکرٹری انجینئر چوہدری منظور حسین ‘ جوائنٹ سیکرٹری انجینئر خواجہ سہیل احمد ‘ انجینئرز عبداللطیف‘ رانا اختر حسین اورمحمد ارشد چوہدری نے بھی خطاب کیا‘تقریب کے آخر میں ویٹرن انجینئرز فورم کے سابقہ اور موجودہ عہدیداروں کو یادگاری شیلڈز دی گئیں۔
متعلقہ عنوان :
مزید تعلیم کی خبریں
-
یونیورسٹی آف ہیلتھ سائنسز میں چوتھی پرنسپلز نرسنگ اینڈ الائیڈ ہیلتھ پروفیشنل انسٹیٹیوٹس کانفرنس،صوبائی وزراء صحت کی بطور مہمان خصوصی شرکت
-
اوپن یونیورسٹی نے داخلوں کی تاریخ میں 15مئی تک توسیع کردی
-
سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
-
اوپن یونیورسٹی کے زیر اہتمام ملک بھر میں امتحانات کل سے شروع ہو نگے
-
ساہیوال بورڈ کے زیر اہتمام سالانہ انٹرمیڈیٹ امتحانات 2024 کا آغاز ہو گیا
-
میٹرک بورڈ، جماعت نہم و دہم کے سالانہ امتحانی فارم جمع کرانے کی آخری تاریخ 23اپریل ہے، چیئرمین بورڈ
-
لاہور سمیت پنجاب بھر میں انٹرمیڈیٹ کے سالانہ امتحانات کا کل سے آغاز ہوگا
-
لاہور : 21 اپریل کو ضمنی انتخابات کے باعث انٹرمیڈیٹ کے 2 پیپرز ملتوی
-
علامہ اقبال اوپن یونیورسٹی نے سمسٹر بہار بی ایس پروگرام میں داخلہ کی تاریخ میں توسیع کر دی
-
وفاقی نظامت تعلیمات نے پانچویں اور آٹھویں جماعتوں کے سنٹرلائزڈ امتحانات کے نتائج کا اعلان کردیا
-
اوپن یونیورسٹی نے داخلوں کی تاریخ میں 25اپریل تک توسیع کردی
-
انٹرمیڈیٹ حصہ دوم (فریش اینڈ فیلیئر)اور حصہ دوم و حصہ اول باہم کے سالانہ امتحانات برائے 2024 ء میں شرکت کے خواہشمند سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے سرکاری تعلیمی ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.