الطاف حسین اور فاروق ستار ایک ہی ہیں ،دونوں قوم کو بے وقوف بنارہے ہیں ،سید مصطفی کمال
متحدہ قائد کی وجہ سے مہاجر قوم کی بیٹیاں عدالتوں میں خوار ہو رہی ہیں، مہاجروں کے خود ساختہ بابائے قوم نے اپنے کارکنوں کو کہاں سے کہاں پہنچا دیا متحدہ کے دفاتر گرتے دیکھ کر خوشی نہیں ہو رہی، نام سے منسوب چیزیں لوگ خود گرائینگے،وفاقی حکومت قائد متحدہ کے خلاف کارروائی کرے،پریس کانفرنس سے خطاب
ہفتہ 27 اگست 2016 18:54
کراچی (اُردو پوائنٹ اخبارتازہ ترین - این این آئی۔27 اگست ۔2016ء) پاک سرزمین پارٹی کے سربراہ مصطفی کمال نے کہا ہے کہ الطاف حسین اور فاروق ستار ایک ہی ہیں مہاجر قوم کو پہلے ایم کیوایم کے قائد نے بے وقوف بنایا اب فاروق ستار بنارہے ہیں۔ ایم کیو ایم کے قائد کی وجہ سے مہاجر قوم کی بیٹیاں عدالتوں میں خوار ہو رہی ہیں۔ مہاجروں کے خود ساختہ بابا قوم نے اپنے کارکنوں کو کہاں سے کہاں پہنچا دیا ہے۔
متحدہ کے دفاتر گرتے ہوئے دیکھ کر خوشی نہیں ہو رہی۔ ان کے نام سے منسوب چیزیں لوگ خود گرائیں گے ۔فاروق ستار قوم کوسچ بتائیں کیا آپ کو متحدہ قائد کو را کی فنڈنگ کا پتہ نہیں ہے؟آپ کو سب کچھ پتہ ہے خدارا سچ نہیں بول سکتے تو جھوٹ بول کرزخمی جسم کو مزید زخمی نہ کریں۔وہ ہفتہ کو دبئی سے کراچی پہنچنے کے بعد پریس کانفرنس سے خطاب کررہے تھے ۔(جاری ہے)
سید مصطفی کمال نے کہا کہ قائد متحدہ مہاجروں کے خود ساختہ قائد بنے ہیں اوراس قوم کو لہولہان کررکھ دیا ہے۔
عالم یہ آ گیا ہے کہ جس قوم کی بیٹیاں اپنی تہذیب او رتمدن کی وجہ سے جانی جاتی تھیں جوسبزی لینے کیلئے بھی نہیں نکلتی تھیں وہ انسداد دہشتگردی کی عدالتوں میں دھکے کھا رہی ہیں،اور یہ ان سے کرایا گیا ہے۔قوم کی بیٹیوں کی یہ ہزیمت خودساختہ بابائے قوم کا قوم کو تحفہ ہے جس نے قوم کا بیڑہ غرق کر دیا ہے اب مہاجر قوم متحدہ قائد کواپنا رہنما نہیں مانتی اس لیے قائد متحدہ سے وابستہ ہرچیز کا نام ونشان عوام خود مٹائیں گے۔انہوں نے کہا کہ متحدہ قائد کی تقریر کے بعد دفاتر کو گرایا جا رہا ہے،شرپسندوں کو پکڑا جا رہا ہے میں وفاق،صوبے کی حکومتوں اور اسٹیبلشمنٹ سے سوال کرتا ہوں کہ کیا پاکستان مخالف مغلظات ان دیواروں نے بکیں تھیں ؟سوال یہ ہے کہ کیا قائد متحدہ کے خلاف آپ نے کچھ کیا ہے؟اگر کیا ہے تو کیا کیاہے؟۔برطانیہ الطاف حسین کے خلاف کبھی کارروائی نہیں کرے گا کیونکہ حکومت برطانیہ کے رحم و کرم پر ہے۔آپ دنیا بھر کو ثبوت دیتے رہیں کچھ نہیں ہوگا کیونکہ پاکستان کے لیے نقصان دہ دوسروں کے لیے فائدہ مند ہے۔انہوں نے کہا اس شخص نے دونسلوں کو تباہ کردیا،تیسری نسل کی خواتین کوعدالتوں میں بھیجا جا رہا ہے۔ مصطفی کمال نے کہا کہ ایم کیوایم کے لوگ آج بھی الطاف حسین کوخوش کررہے ہیں، ایم کیو ایم ابھی سے نہیں ابتدا سے ہی پاکستان کی ہی تنظیم ہے، ایم کیوایم پاکستان کہہ کرلوگوں کے دماغوں کو منتشر نہ کیا جائے، ایم کیوایم قائدکوپارٹی سے الگ کرنیکی باتیں کی جارہی ہیں لیکن ایم کیوایم کے قائد ایم کیو ایم پاکستان سے الگ نہیں ہیں، کیا ایم کیو ایم قائد کو بانی بنانے سے مسئلہ حل ہوجائے گا۔انہوں نے فاروق ستار کو مخاطب کرتے ہوئے کہا کہ فاروق بھائی مہاجر قوم کو سچ بتائیں، فاروق ستار اﷲ کو حاضر ناظر جان کر بتائیں کہ کیا وہ را سے متعلق دستاویزات سے متعلق نہیں جانتے،فاروق ستار لہولہان مہاجر قوم کو مزید زخمی کرنا چاہتے ہیں، 30سال تک پہلے قائد ایم کیوایم نے اس قوم کو بیوقوف بنایا اور اب وہ بنارہے ہیں۔ اس کے ساتھ وہ اپنی زندگی خطرے میں ڈال رہے ہیں۔آپ ہمارے پاس نہ آئیں لیکن آپ کو سب کچھ پتا ہے اور آپ کو سچ بولنا چاہیے۔فاروق ستار بھائی قوم پر رحم کریں،آپ کو سب کچھ معلوم ہے کب تک حقائق سے فرار اختیار کریں گے۔ مصطفی کمال نے کہا متحدہ قائد نے محرومیاں دکھا کرہم جیسے لوگوں کو پیچھے لگایا اور محرومیوں کی وجہ سے ہم دھوکہ کھا گئے۔ محرومیاں موجود ہیں کیا آج کراچی میں دودھ کی نہریں بہہ رہی ہیں؟ ۔ کیا متحدہ قائد کو سربراہ بنا کر سب مسائل حل ہو گئے؟۔ انہوں نے کہا کہ صرف آفس نہیں گرائے جائیں۔دفاتر مسمار کرنے سے بانی متحدہ کیلئے ہمدردیاں پیدا ہوں گی۔ مہاجروں کے زخموں پرمرہم رکھنا ہو گا۔ خدا کیلئے مہاجر قوم کی محرومیوں کو دور کرنے کی بات کریں۔ مہاجر قوم کے بے روزگاروں کو باعزت روزگار دیں اور وزیر اعظم ، وزیر اعلی سندھ محرومیوں کا شکار قوم کیلئے اسپیشل پیکیج کا اعلان کریں۔ متحدہ کی خواتین کو گرفتار کرنے سے مسئلہ حل نہیں ہو گا۔اردو بولنے والوں کی محرومیوں کو دور کرنے کے لیے مسائل حل کئے جائیں، گزشتہ 30 برسوں میں سندھ کے شہری علاقوں میں ایک بھی سرکاری یونیورسٹی نہیں بنی، آج بھی شہرمیں روزگار،پانی،سیوریج کے مسائل جوں کیتوں ہیں، یہاں گرمیوں میں بجلی اور سردیوں میں گیس نہیں ہوتی ، مہاجر قوم کے لیے تعلیمی ادارے بنائے جائیں اور انہیں طاقت دیں،انہوں نے نوجوانوں کی اتنی ذہنی تربیت کردی ہے کہ وہ خود ایم کیو ایم سے منسوب چیزیں گرائیں گے۔ مصطفی کمال نے کہا وزیر اعلی سندھ کے اعلانات کے باوجود کراچی کچرا کنڈی ہے۔ صرف کہنے سے کچرا نہیں اٹھایا جائے گا۔ ہمارے پاس مینڈیٹ نہیں لیکن یہ سب کچھ خاموشی سے نہیں دیکھ سکتے۔متعلقہ عنوان :
مزید اہم خبریں
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
-
پرویز الٰہی کی درخواست ضمانت منتقلی کیلئے فائل چیف جسٹس کو ارسال
-
چیف منسٹر پنک گیمز2024 کے انعامات ڈبل، انعام 50لاکھ سے بڑھا کرایک کروڑ روپے کرنے کا اعلان
-
حکومت کا ملک کو برآمدی مرکز میں تبدیل کرنے کا وسیع تر وژن ہے، وزیر مملکت برائے آئی ٹی شزہ فاطمہ سے گوگل فار ایجوکیشن ٹیم کی مقامی پارٹنر ٹیک ویلی پاکستان کے ہمراہ ملاقات
-
نیلم جہلم ہائیڈرو پاور پلانٹ سے بجلی کی پیداوار مکمل طور پر بند کر دی گئی
-
سپیکر قومی اسمبلی سردار ایاز صادق کا شیخ طہنون محمد بن النہیان کے انتقال پر اظہار تعزیت
-
صوبائی حکومتیں پٹرولیم مصنوعات کی قیمتوں میں کمی اور اشیائے خورد و نوش کے سرکاری نرخوں پر عملدرآمد یقینی بنانے کے لئے اقدامات کریں، وزیراعظم شہبازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.