شہباز شریف نے سی پیک کی مخالفت پر بھارتی وزیر اعظم مودی کو آڑے ہاتھوں لے لیا
بیرون ملک جانے والے طلباء و طالبات کو پاکستان کے عظیم سفیر،یوبورن کے اطمینان پر خوشی ’’گھر والے یاد آتے ہیں ‘‘’’ واٹس ایپ یا دیگر ذرائع سے رابطہ رکھیں اور محنت سے چینی زبان سیکھیں‘‘
جمعہ 9 ستمبر 2016 22:28
لاہور(اُردو پوائنٹ اخبارتازہ ترین - آئی این پی۔9 ستمبر ۔2016ء) وزیر اعلی پنجاب محمد شہباز شریف نے چیف منسٹرز چائینیز لینگویج سکالرشپ پروگرام ، شہباز شریف میرٹ سکالرشپ پروگرام اور نویں جماعت کے امتحان میں 505 میں سے 500نمبر حاصل کرنے والے طلباء و طالبات کے اعزاز میں منعقدہ تقریب سے خطاب کے دوران سی پیک کے عظیم الشان منصوبے کی مخالفت پر بھارت کے وزیر اعظم مودی کو آڑے ہاتھوں لیا اور کہا کہ اس کی مخالفت میں بعض ممالک کا گٹھ جوڑ ہو رہا ہے لیکن یہ منصوبہ اپنی پوری طاقت سے آگے بڑھے گا اور قیامت تک چلے گاجس میں اربوں ڈالر مزید آئیں گے - وزیر اعلی نے چینی زبان سیکھنے کے لئے بیجنگ جانے والے طلباء و طالبات اور پی ایچ ڈی کیلئے بیرون ملک جانے والے طلباء و طالبات کو پاکستان کے عظیم سفیر قرار دیتے ہوئے کہا کہ قوم کے یہ بیٹے اور بیٹیاں پاکستان کا روشن مستقبل ہیں اور سی پیک کے منصوبوں کیلئے ایک پل کا کردار ادا کریں گے - قوم کو ان سے بہت توقعات ہیں اوران پر پنجاب حکومت اخراجات نہیں بلکہ سرمایہ کاری کر رہی ہے - وزیر اعلی نے تقریب کے دوران چین کے قونصل جنرل یوبورن کا ذکر کرتے ہوئے کہا کہ میں آج بار بار ان کا چہرہ دیکھتا رہا کہ شاید یہ اورنج لائن میٹروٹرین کے منصوبے کے باعث پریشان ہوں کیونکہ چین اس منصوبے کے لئے اربوں روپے دے چکا ہے لیکن مجھے خوشی ہے کہ میرے بہترین دوست یوبورن نے اس بارے ایک لفظ نہیں کہا - جس سے ثابت ہوتا ہے کہ چین کو اس منصوبے کی شفافیت پر پورا اعتماد ہے - وزیر اعلی نے بتایا کہ میں اپنے حالیہ دورہ چین کے دوران بیجنگ میں چینی زبان سیکھنے والے پاکستانی طلباء و طالبات سے ملا ہوں اور میں نے ان سے کچھ سوالات بھی کئے- یہ بچے انتہائی محنت سے چینی زبان سیکھ رہے ہیں اور جب پاکستان آئیں گے تو دوستی کی منزلیں مزید قریب تر ہوں گی- کچھ بچوں نے مجھے بتایا کہ ہمیں گھر اور امی ابو یاد آتے ہیں ، جس پر میں نے کہا کہ آپ محنت سے چینی زبان سیکھیں اور گھروالوں سے رابطے کیلئے واٹس ایپ یا دیگر جدیدٹیکنالوجی سے رابطہ رکھیں -وزیر اعلی نے لیپ ٹاپ دیتے ہوئے طلباء و طالبات کو ان کی کامیابی پر مبارکباد دی اور کہا کہ یہ بچے اور بچیاں دنیا کی بہترین یونیورسٹیوں میں پی ایچ ڈی کرنے جا رہے ہیں اور ان یونیورسٹیوں میں آکسفورڈ، کیمرج، امپیریل یونیورسٹی، نیشنل یونیورسٹی سنگا پوراور دیگر صف اول کی یونیورسٹیاں شامل ہیں -
متعلقہ عنوان :
مزید اہم خبریں
-
یوکرین اور روس کے ایک دوسرے کے انرجی انفراسٹرکچرز پر حملے
-
خیبرپختونخوا: زیادہ تر خواتین امراض نسواں کے مسائل سے لاعلم
-
وزیر اعظم شہباز شریف عالمی اقتصاری فورم کے خصوصی اجلاس میں شرکت کے لیے سعودی عرب روانہ ہو گئے
-
چیف جسٹس قاضی فائز عیسیٰ کی مزار قائد پر حاضری ،اہلیہ بھی ہمراہ تھیں
-
چیف جسٹس کی سربراہی میں 3رکنی بینچ نے 5دن میں 46کیسز نمٹا دیئے، کیسز میں سے بیشتر 15 سال سے زیر التوا تھے
-
وزیراعظم محمد شہبازشریف کا کسانوں کے لئے بڑا قدم،وفاقی حکومت کی طرف سے کسانوں سے گندم کی فوری خریداری کا حکم
-
گلا کٹ جائے آواز پھر بھی بانی پی ٹی آئی کی آئے گی، عمرایوب
-
حکومت پنجاب کا سکولوں میں فری انٹرنیٹ فراہم کرنے کا فیصلہ
-
گندم بحران:وفاقی حکومت نے گندم خریداری کا ہدف 14 لاکھ میٹرک ٹن سے بڑھا کر 18 ملین میٹرک ٹن کردیا
-
ججز کے خط کا معاملہ؛ اسلام آباد ہائیکورٹ نے متفقہ تجاویز سپریم کورٹ کو ارسال کر دیں
-
امریکی محکمہ خارجہ کی عربی ترجمان ہالہ غریط غزہ پر واشنگٹن کی پالیسی سے اختلاف کرتے ہوئے اپنے عہدے سے مستعفی ہوگئیں
-
نسلی تعصب کے خاتمے کے 30 برس بعد جنوبی افریقہ کہاں کھڑا ہے؟
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.