بھارت کا مقبوضہ کشمیر میں تحریک آزادی کو دبانے کیلئے نئی حکمت عملی پر غور
پیر 19 ستمبر 2016 19:54
دنئی دہلی(اُردو پوائنٹ اخبارتازہ ترین - این این آئی۔19ستمبر ۔2016ء) گزشتہ روز 17 فوجیوں کی ہلاکت کے بعد مودی سرکار نے مقبوضہ کشمیر میں تحریک آزادی کو دبانے کیلئے نئی حکمت عملی پر غور ضرور شروع کردیا ہے۔بھارتی میڈیا کے مطابق نئی دہلی میں وزیر اعظم نریندر مودی کی رہائش گاہ پر اہم اجلاس ہوا ، جس میں وزیر داخلہ راج ناتھ سنگھ، وزیر دفاع منوہر پاریکر، وزیر خزانہ ارون جیٹلی، بھارتی فوج کے سربراہ جنرل دلبیر سنگھ اور مودی کے مشیر برائے قومی سلامتی اجیت دوول نے شرکت کی۔
اجلاس کے دوران اڑی میں فوجی ہیڈ کوارٹر پر حملے اور اس سے پیدا ہونے والی صورت حال پر غور کیا گیا۔ اس موقع پر اجیت دوول نے اجلاس کے شرکا کو مقبوضہ کشمیر کی صورت حال اور لائن آف کنٹرول کے حالات سے متعلق تفصیلی بریفنگ دی۔(جاری ہے)
اجلاس کے دوران بھارت کی اعلیٰ ترین سیاسی و عسکری قیادت نے مقبوضہ کشمیر میں بھارتی فوج کے بریگیڈ ہیڈ کوارٹر پر حملے کے بعد پیدا ہونے والی صورت حال سے نمٹنے اور آئندہ اس قسم کے حملوں کو روکنے کیلئے اقدامات پر غور کیا۔دوسری جانب بھارتی وزیر داخلہ راج ناتھ سنگھ نے ایک اجلاس کی سربراہی کی جس میں انٹیلی جنس اداروں کے سربراہان نے بھی شرکت کی، اس اجلاس میں بھارت کے اعلیٰ حکام نے مقبوضہ کشمیر میں تحریک آّزادی کو دبانے کیلئے حکمت عملی پر غور کیا۔
متعلقہ عنوان :
مزید بین الاقوامی خبریں
-
متحدہ عرب امارات میں بارشوں کے ایک اور سلسلے کے آغاز کی پیشن گوئی
-
واٹس ایپ نے بھارت میں اپنے آپریشن بند کرنے کے دھمکی دے دی
-
امریکہ کی جانب سے نام نہاد ’’حد سے زیادہ پیداوار ‘‘ایک جھوٹا بیانیہ ہے ، چین
-
حرمین انتظامیہ کی زائرین کو ماسک پہننے کی ہدایت
-
اہلیہ پر کرپشن کے الزامات، ہسپانوی وزیراعظم کا استعفی نہ دینے کا فیصلہ
-
امریکا کے بعد فرانس کی یونیورسٹیوں میں بھی غزہ کے حق میں احتجاج
-
بھارت ، مقابلے کے امتحان کے تیاری کرنے والے طلبہ خود کشیاں کرنے لگے
-
بھارت ، اطراف تیندوے کی موجودگی سے شہریوں میں خوف
-
امریکی سرزمین پرقتل کی بھارتی سازش پروائٹ ہائوس کا بیان آ گیا
-
بھارت، شرپسندوں نے مسجد میں گھس کر امام کو شہید کردیا
-
امریکا میں ملزم کی پولیس پر فائرنگ، 4 افسران ہلاک
-
امریکی صدرکے قطری امیر، مصری ہم منصب کو فون
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.