کراچی کے پرائیوٹ اسکولوں کی فیسوں میں غیرمعمولی اضافہ غیرقانونی قرار

فیسوں میں سالانہ پانچ فی صد سے زیادہ اضافہ کو غیر قانونی ہے، سندھ ہائی کورٹ

جمعہ 7 اکتوبر 2016 15:11

کراچی(اُردو پوائنٹ اخبارتازہ ترین - این این آئی۔۔07 اکتوبر۔2016ء) سندھ ہائی کورٹ نے نجی اسکولوں کی فیسوں میں غیر معمولی اضافے کو غیرقانونی قرار دیتے ہوئے محکمہ تعلیم کو قواعد پر سختی سے عمل کرانے کا حکم دیا ہے۔

(جاری ہے)

جمعہ کو کراچی میں پرائیوٹ اسکولوں کی فیسوں میں اضافے سے متعلق درخواست کی سماعت سندھ ہائی کورٹ میں ہوئی ۔ سماعت کے دوران عدالت نے اسکولوں کی فیسوں میں اضافے سے متعلق کیس کا فیصلہ جاری کیا، عدالت نے اپنے فیصلے میں فیسوں میں سالانہ 5 فی صد سے زیادہ اضافے کو غیر قانونی قرار دیا ہے۔عدالت عالیہ نے محکمہ تعلیم کو نجی اسکولوں کے لیے نافذ کیے گئے قواعد پر سختی سے عمل درآمد کرانے کا بھی حکم دیا ہے۔