نیشنل یونیورسٹی آف میڈیکل سائنسز کے قیام سے طبی تعلیم اور تحقیق کے مزید مواقع میسر آئیں گے٬ صدر مملکت ممنون حسین کی وائس چانسلر نیشنل یونیورسٹی آف میڈیکل سائنسز لیفٹیننٹ جنرل سید محمد عمران مجید سے گفتگو

بدھ 19 اکتوبر 2016 16:59

اسلام آباد ۔ (اُردو پوائنٹ اخبارتازہ ترین - اے پی پی۔ 19 اکتوبر2016ء) صدر مملکت ممنون حسین نے کہا ہے کہ نیشنل یونیورسٹی آف میڈیکل سائنسز کے قیام سے طبی تعلیم اور تحقیق کے مزید مواقع میسر آئیں گے۔ یہ بات انہوں نے بدھ کو وائس چانسلر نیشنل یونیورسٹی آف میڈیکل سائنسز لیفٹیننٹ جنرل سید محمد عمران مجید کی سربراہی میں وفد سے بات چیت کرتے ہوئے کہی۔

(جاری ہے)

اس موقع پر وائس چانسلر نے صدر مملکت کو یونیورسٹی کے تعلیم کے شعبے میں مستقبل میں کئے جانے والے اقدامات سے آگاہ کیا۔ صدر مملکت نے کہا کہ صحت کے شعبے کے معیار کو مزید بہتر بنانے کی ضرورت ہے۔ انہوں نے کہا کہ دور دراز اور دیہی علاقوں میں خدمات انجام دینے والے ڈاکٹروں کو زیادہ مراعات فراہم کی جائیں تاکہ عوام کو طبی سہولیات تک رسائی با آسانی میسر ہو۔ صدر ممنون حسین نے کہا کہ معیار تعلیم بہتر کرنے اور ملک بھر میں اس کی رسائی کو آسان بنانے کے لئے اقدامات کئے جائیں۔ صدر مملکت نے یونیورسٹی کے قیام میں پیش آنے والی مشکلات کے ازالے کے لئے اپنے بھرپور تعاون کی یقین دہانی کرائی۔

Facebook Twitter Google + Share on Whatsapp

متعلقہ عنوان :

مزید تعلیم کی خبریں