حکومت کسی کو بھی وفاقی دارالحکومت میں لاک ڈاون کی کسی صورت اجازت نہیں دے گی۔ عمران خان 10 لاکھ افراد لے آئیں احتجاج کے لیے جگہ فراہم کردیں گے، مگرکسی صورت اسلام آباد بند نہیں کرنے دیں گے۔حکومتی ترجمان
میاں محمد ندیم پیر 31 اکتوبر 2016 20:58
اسلام آباد (اردو پوائنٹ اخبارتازہ ترین-انٹرنیشنل پریس ایجنسی۔31اکتوبر۔2016ء) حکومتی جماعت پاکستان مسلم لیگ (ن) کے رہنماوں کا کہنا ہے کہ حکومت کسی کو بھی وفاقی دارالحکومت میں لاک ڈاون کی کسی صورت اجازت نہیں دے گی۔اسلام آباد میں پریس کانفرنس کے دوران مسلم لیگ (ن) کے رہنماوں دانیال عزیز، طلال چوہدری اور وزیر مملکت محمد زبیر کا کہنا تھا کہ حکومت اس بات کو یقینی بنائے گی کہ 2 نومبر کو اسلام آباد میں تعلیمی ادارے، تجارتی مراکز، دفاتر، ہسپتال اور سڑکیں کھلی رہیں۔
دانیال عزیز نے کہا کہ عمران خان کے پورے خاندان کا نام پاناما لیکس میں شامل ہے، جبکہ احتساب کا نعرہ وہ لگا رہے ہیں جن کا خود احتساب ہونا چاہیے۔محمد زبیر نے پیش کش کی کہ عمران خان 10 لاکھ افراد لے آئیں احتجاج کے لیے جگہ فراہم کردیں گے، ساتھ ہی انہوں نے خبردار کیا کہ کسی صورت اسلام آباد بند نہیں کرنے دیں گے۔(جاری ہے)
طلال چوہدری کا کہنا تھا کہ صوبائی حکومت پہلی بار اپنے وفاق پر چڑھائی کرنے چلی ہے۔
دوسری جانب لاہور میں میڈیا سے بات کرتے ہوئے وزیرقانون پنجاب رانا ثنا اللہ کا کہنا تھا کہ عمران خان کی کال پر صرف 400 سے ساڑھے 450 کارکن بنی گالا پہنچے ہیں، جس کے بعد میں ان سے سوال کرتا ہوں کہ یہ ہے آپ کی طاقت؟ اس طاقت پر آپ کہتے تھے کہ میں اسلام آباد بند کردوں گا۔انہوں نے کہا کہ آپ نے جہاں جلسہ کرنے کا کہا پنجاب حکومت نے آپ کو موقع دیا، ہم نے سسٹم اور جمہوریت کی خاطر آپ کو موقع دیا، جبکہ ہمیں اس بات کی فکر ہے کہ ملک سے جمہوریت ڈی ریل نہ ہو۔ان کا کہنا تھا کہ ہمیں رپورٹ تھی کہ آج آپ کا لاہور کو بھی بند کرنے کا پروگرام تھا، لیکن پورے پنجاب میں آج کوئی ہڑتال یا ریلی نہیں ہوئی اور آج پورے پنجاب میں ایک پتہ بھی نہیں ہلا اور نہ ہی ایک دکان بھی بند ہوئی۔صوبہ پنجاب میں گرفتاریوں کے حوالے سے انہوں نے کہا کہ پی ٹی آئی رہناو¿ں نعیم الحق اور شاہ محمود قریشی نے ہزاروں کارکنوں کی گرفتاری کی بات کی، لیکن پورے پنجاب سے 838 افراد کو گرفتار کیا گیا ہے۔ان کا کہنا تھا کہ ملتان سے 29 افراد کو حراست میں لیا گیا، لاہور ریجن میں 208 پی ٹی آئی کارکنوں کو گرفتار کیا گیا، جبکہ کسی سیاسی کارکن کے گھر پر چھاپہ نہیں مارا گیا اور نہ ہی کسی خاتون کارکن کو گرفتار کیا گیا۔ تحریک انصاف کے وائس چیئرمین شاہ محمود قریشی نے میڈیا سے گفتگو میں کہا کہ گزشتہ روز وفاقی وزیر داخلہ نے کہا تھا کہ ان کے حکم پر کنٹینرز ہٹا دیے گئے لیکن آج دوبارہ کس کے حکم پر کنٹینرز لگائے گئے؟شاہ محمود قریشی نے کہا کہ ہم اسلام آباد ہائی کورٹ کے فیصلے کے خلاف کل سپریم کورٹ میں اپیل دائر کریں گے جبکہ ان کے وکلاءپٹیشن تیار کررہے ہیں۔اس سے قبل 27 اکتوبر کو اسلام آباد ہائی کورٹ نے اپنے فیصلے میں ضلعی انتظامیہ کو 2 نومبر کو کنٹینرز لگاکر اور پاکستان تحریک انصاف کو دھرنوں سے شہر بند کرنے سے روک دیا تھا۔متعلقہ عنوان :
مزید اہم خبریں
-
آن لائن ٹیکسی سروس کمپنی” اوبر“ کی پاکستان میں اپنے آپریشن بند کرنے کی تصدیق
-
مزدوروں کا معیار زندگی بلند کرنے کے لیے پرعزم ہیں‘ مریم نوازشریف
-
پاکپتن،نو بیاہتا دلہے کو بے ہوش کر کے دلہن گھر کا صفایا کرگئی، مقدمہ درج
-
علاقائی خطرات سے نمٹنے کے لیے ہمارا اور پاکستان کا مفاد مشترکہ ہے، امریکا
-
سنکیانگ کے لوگوں کی زندگی شہد سے زیادہ میٹھی ہے،حنا پرویز
-
چین کا چھانگ ای 6 پاکستان کا پے لوڈ لیکرچاند پرجائے گا
-
وزیر خارجہ اسحاق ڈار 4 اور 5 مئی کوگیمبیا میں او آئی سی کے 15ویں سربراہی اجلاس میں پاکستانی وفد کی قیادت کرینگے
-
پنجاب حکومت اب تک گندم کا ایک دانہ بھی نہیں خرید سکی‘
-
پاکستان، امریکہ علاقائی سلامتی پر تعاون بڑھانے کے لیے پرعزم
-
مہنگائی میں مسلسل اضافے اور توانائی کے شعبے میں معاشی بوجھ سے عام شہریوں کے گھریلو بجٹ عدم توازان کا شکار
-
اپریل میں مہنگائی کی شرح 18اعشاریہ5 سے 19اعشاریہ5 فیصدرہی.وفاقی وزارت خزانہ
-
شہبازشریف کی سفارش پر رانا ثنا اللہ خان کی وزیراعظم کے مشیرمقرر‘عہدہ وفاقی وزیرکے برابرہوگا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.