تحریک انصاف نے پانامہ پیپرز کے معاملے پر بہت شور مچایا مگر اب سپریم کورٹ کے سامنے شواہد پیش کرنے میں ناکام ہوگئے‘ تحریک انصاف کو وہی بات کرنی چاہیے جسے وہ ثابت کر سکے اور ایسی بات سے پرہیز کرنا چاہیے جس پر بعد میں اس کی جگ ہنسائی ہو‘ تحریک انصاف پانامہ پیپرز پر ثبوت کے بغیر محض سیاست کر رہی ہے‘ یہ پہلا موقع نہیں کہ تحریک انصاف پارلیمنٹ کا بائیکاٹ کر رہی ہے‘ گزشتہ تین سالوں میں کئی اہم مواقع پر پارلیمنٹ کے اجلاس کا بائیکاٹ کرنا تحریک انصاف کی تاریخ رہی ہے
وزیر مملکت اطلاعات و نشریات مریم اورنگزیب کی نجی ٹی وی چینل سے گفتگو
بدھ 16 نومبر 2016 23:23
(جاری ہے)
شریف خاندان کے بیانات میں کوئی تضاد نہیں۔ وزیر مملکت نے کہا کہ اس سے قبل وزیراعظم محمد نواز شریف نے تجویز پیش کی تھی کہ پانامہ پیپرز کے معاملے پر ایک پارلیمانی کمیٹی تشکیل دی جائے جو دستاویزات اور شواہد کی روشنی میں معاملے کی تحقیقات کریں مگر پی ٹی آئی نے اس سے انکار کردیا تھا کیونکہ انہیں علم تھا کہ کیس میں کوئی جان نہیں اور وہ سیاست کرنے کا موقع کھو بیٹھے ہیں۔
وزیر مملکت مریم اورنگزیب نے کہا کہ اپوزیشن قطر کے شہزادے کے خط کو متنازع بنانے کی کوشش کر رہی ہے۔ یہ خط سپریم کورٹ کی کارروائی کا حصہ بن چکا ہے۔ اگر کسی کو اس خط کے بارے میں کوئی شک ہے تو وہ معزز عدالت کے سامنے اس کی قانونی حیثیت کو چیلنج کر سکتا ہے۔ ایک سوال کے جواب میں وزیر مملکت برائے اطلاعات و نشریات مریم اورنگزیب نے کہا کہ یہ کسی بھی کلائنٹ کا قانونی حق ہے کہ وہ عدالت کے سامنے موزوں وقت پر دستاویزات جمع کرائے۔ انہوں نے کہا کہ پاکستان تحریک انصاف کو وہی بات کرنی چاہیے جسے وہ ثابت کر سکے اور ایسی بات نہیں کرنی چاہیے جس پر اس کی جگ ہنسائی ہو۔ وزیر مملکت نے ایک سوال کے جواب میں کہا کہ وزیر اعظم محمد نواز شریف اور ان کے بچوں کے بیانات میں کوئی تضاد نہیں ہے۔ اگر کسی کو کوئی اعتراض ہے تو اسے عدالت کا رخ کرنا چاہیے۔ ایک اور سوال کے جواب میں مریم اورنگزیب نے وضاحت کی کہ شریف فیملی نے ایک قطری فیملی کے ساتھ سرمایہ کاری کی تھی اور بعد ازاں اسی سرمایہ کاری سے لندن میں فلیٹس خریدے گئے۔ وزیر مملکت مریم اورنگزیب نے کہا کہ یہ پہلا موقع نہیں کہ پاکستان تحریک انصاف پارلیمنٹ کا بائیکاٹ کر رہی ہے۔ گزشتہ تین سالوں میں کئی اہم مواقع پر پارلیمنٹ کے اجلاس کا بائیکاٹ کرنا تحریک انصاف کی تاریخ رہی ہے۔ انہوں نے کہا کہ پاکستان کے ترکی اور چین کے ساتھ بہترین تعلقات ہیں۔ جنہوں نے ملک میں بڑے پیمانے پر سرمایہ کاری کی ہے۔ وزیر مملکت نے کہا کہ تحریک انصاف نے چینی صدر کے دورہ پاکستان پر اس وقت بھی رکاوٹیں ڈالی تھیں جب وہ پاک چائنہ اکنامک کوریڈور (سی پیک) پر کام شروع کرنے کے لئے پاکستان کا دورہ کرنا چاہتے تھے۔مزید اہم خبریں
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
-
پرویز الٰہی کی درخواست ضمانت منتقلی کیلئے فائل چیف جسٹس کو ارسال
-
چیف منسٹر پنک گیمز2024 کے انعامات ڈبل، انعام 50لاکھ سے بڑھا کرایک کروڑ روپے کرنے کا اعلان
-
حکومت کا ملک کو برآمدی مرکز میں تبدیل کرنے کا وسیع تر وژن ہے، وزیر مملکت برائے آئی ٹی شزہ فاطمہ سے گوگل فار ایجوکیشن ٹیم کی مقامی پارٹنر ٹیک ویلی پاکستان کے ہمراہ ملاقات
-
نیلم جہلم ہائیڈرو پاور پلانٹ سے بجلی کی پیداوار مکمل طور پر بند کر دی گئی
-
سپیکر قومی اسمبلی سردار ایاز صادق کا شیخ طہنون محمد بن النہیان کے انتقال پر اظہار تعزیت
-
صوبائی حکومتیں پٹرولیم مصنوعات کی قیمتوں میں کمی اور اشیائے خورد و نوش کے سرکاری نرخوں پر عملدرآمد یقینی بنانے کے لئے اقدامات کریں، وزیراعظم شہبازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.