فاشزم یورپ کی سڑکوں پر دوڑ رہا ہے، طیب اردوان

جمعرات 16 مارچ 2017 19:02

ترکی۔ (اُردو پوائنٹ اخبارتازہ ترین - اے پی پی۔ 16 مارچ2017ء) ترک صدر طیب اردوان نے ہالینڈ اور یورپی ممالک پر تنقید کرتے ہوئے کہا ہے کہ فاشزم یورپ کی سڑکوں پر دوڑ رہا ہے، ان کا تہذیب اور ماڈرن دنیا سے کوئی تعلق نہیں، ان لوگوں نے بوسنیا میں مسلمانوں کا قتل عام کیا۔

(جاری ہے)

انقرہ میں خطاب کرتے ہوئے ترک صدر کا کہنا تھا کہ یورپ میں فاشزم اب بھی موجود ہے، یورپ میں یہودیوں کے ساتھ ماضی کی طرح کا سلوک ہورہا ہے، یورپ اپنے خوف کے ہاتھوں خود ہی پستی میں گر رہا ہے۔

یورپ میں ترکوفوبیا،اسلاموفوبیا بڑھ رہا ہے یہاں تک کہ یورپ میں پناہ حاصل کرنے والے تارکین وطن سے بھی یورپ والے خوفزدہ ہیں، یہ لوگ ہر اس چیز سے خوفزدہ ہوتے ہیں جوان سے تعلق نہ رکھے۔ ہالینڈ کی جانب سے ترک وزرا کو ہالینڈ میں ترک ریلی سے خطاب سے روکنے پر ترکی اور ہالینڈ میں کشیدگی چل رہی ہے۔

Facebook Twitter Google + Share on Whatsapp

فاشزم یورپ کی سڑکوں پر دوڑ رہا ہے، طیب اردوان

متعلقہ عنوان :

مزید بین الاقوامی خبریں