انڈیا کا جنگی جنون پورے علاقے کے لیے خطرہ ہے، ’’را‘‘ کا افغانستان میںپھیلا یا ہوا فساد افواج پاکستان کی کاری ضرب ہی سے دم توڑے گا

چیئر مین تحریک لبیک یارسو لؐ اشریف آصف جلالی کا کانفرنس سے خطاب

ہفتہ 25 مارچ 2017 18:27

انڈیا کا جنگی جنون پورے علاقے کے لیے خطرہ ہے، ’’را‘‘ کا افغانستان ..

فیصل آباد(اُردو پوائنٹ اخبارتازہ ترین - آئی این پی۔ 25 مارچ2017ء) چیئر مین تحریک لبیک یارسو ل اللہ و بانی تحریک صراط مستقیم ڈاکٹر محمد اشرف آ صف جلالی نے کہا ہے کہ انڈیا کا جنگی جنون پورے علاقے کے لیے خطرہ ہے ’’را‘‘کا بذریعہ افغانستان پھیلا یا ہوا فساد افواج پاکستان کی ضرب کاری ہی سے دم توڑے گا۔ مودی اور ٹرمپ کی حکومتوں سے مسلمانوں کے لیے بہت خطرات پیدا ہو چکے ہیں انڈیا آبی جارحیت کے ذریعے پاکستان کو بنجر کرنا چاہتا ہے کشمیر میں انڈین آرمی کی روز مرہ کی قتل و غارت سے مقبوضہ وادی میں زندگی مفلوج ہو کر رہ گئی ہے۔

کشمیری اپنے لہو سے آزادی کی داستاں رقم کر رہے ہیں پاکستان کو کشمیر کی آزادی کے لیے عملی اقدامات کرنے ہونگے ۔ وہ گرین ویلیج کا لونی میں منعقدہ لبیک یا رسو ل اللہ ﷺ کا نفرنس سے خطاب کر ہے تھے۔

(جاری ہے)

انہو ں نے کہا کشمیر مذاکرات سے نہیںجہاد سے آزاد ہو گا۔حکمرانوںکی مودی سے دوستی سمجھ سے بالا تر ہے مسلم کش فسادات کا سر غنہ مودی کا باؤلا پن بارڈر کے اس پاراور اس پار اسلام کے لیے خطرہ ہے۔یکم اپریل کو اسلام زندہ باد کانفرنس میں عالمی ضمیر کو جھنجھوڑنے کے لیے، مظلوم کشمیریوں کے ساتھ اظہار یکجہتی کے لیے، لاکھوں پاکستان کشمیریوں کے حق میں آواز بلند کریں گے اور بھارتی مظالم کی پر زور مذمت کریں گے۔