پی ٹی آئی کی جنگ غربت ، جہالت اور بے روزگاری کے خاتمے کیلئے ہے ‘ملک میں جعلی ادویات کے استعمال سے لو گ مر رہے ہیں ‘لٹریسی ریٹ انتہائی کم ہے ‘آزادی ملنے کے بعد آج تک حکمران طبقہ کے خاندان برسر اقتدار رہے جنہوںنے ملک سے غربت و جہالت اور بے روز گاری کا خاتمہ کرنے کیلئے اپنے اثاثہ جات میں اضافہ کیا ہے
تحریک انصاف کے مرکزی راہنما چودھری سرور، نعیم الحق ترجمان پی ٹی آئی، اعجاز چودھری دیگر کا ورکرز کنونشن سے خطاب
منگل 11 اپریل 2017 23:36
(جاری ہے)
تحریک انصاف ملک کی سب سے بڑی سیاسی جماعت بن کر ابھری ہے تحریک انصاف آئندہ انتخابات میں کلین سویپ کرے گی اور بر سر اقتدار آکر ملک کی لوٹی ہوئی دولت واپس لا کر عوام کی خوشحالی و ترقی کے لیے استعمال کرے گی۔
چیئرمین تحریک انصاف عمران خان ملک کی بقاء اور عوام کی حقو ق کی جنگ لڑ رہے ہیں۔ باریاں لگانے والوں نے ملک کو قرضوں کے بوجھ تلے دبا دیا ہے۔ پاناما لیکس کا فیصلہ حکمرانوں کے تابوت میں آخری کیل ثابت ہوگا۔یہ کیس قومی تاریخ کا آئندہ رخ متعین کرے گا۔ قوم پانامہ کیس کے فیصلے کی منتظر ہے پوری قوم کی نظریں سپریم کورٹ پر لگی ہیں۔ پاکستان کی سیاست جمہوریت اور حکومت پر ایسے خاندان مسلط ہیں جن کا عوام سے کوئی تعلق نہیں۔ ملک سے لوڈ شیڈنگ کا خاتمہ کرنے کے دعویدار حکمرانوںچار سالوںمیں لوڈ شیڈنگ ختم نہ کر سکے حکومت کی ڈنگ ٹپائو پالیسیاں عوام کو سبز باغ دکھانے کے سوا کچھ نہیں۔ صوبائی دارالحکومت سمیت صوبے بھر میں امن و امان کی صورتحال ن لیگ کی کارکردگی کا واضح ثبوت ہے۔ حکومت کی ناقص پالیسیوں کے باعث ن لیگ عوام میں اپنا مقام کھو چکی ہے۔ ورکر کنونشن میںتحصیل صدر جڑانوالہ خان بہادر ڈوگر، سابق ایم این اے و رہنما پی ٹی آئی میاں غلام حیدر باری، راہنما و سٹی صدر میجر(ر) عبدالرحمن رانا ، ایم پی اے خرم شہزاد ، ڈاکٹر اسد معظم ، ندیم چودھری، اجمل چیمہ ، جاوید منج، چودھری اختر علی نے بھی خطاب کیا۔ قبل ازیں تحصیل صدر خان بہادر ڈوگر نے ہزاروں کارکنان کے ہمراہ مرکزی راہنمائوں کا جڑانوالہ آمد پر شاندار پر تپاک استقبال کیا اور مرکزی راہنمائوں نے شاندار ورکر کنونشن کروانے پر مبارکباد پیش کی اور کہا کہ جڑانوالہ کی عوام نے ثابت کر دیا ہے کہ عوام حکومت کی پالیسیوں سے عاجز آچکے ہیں۔مزید قومی خبریں
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.