سپریم کورٹ میں عمران خان کے خلاف مبینہ طور پر اثاثے چھپانے کے حوالے سے زیر سماعت کیس میں جے آئی ٹی بنانے کیلئے درخواست دائر

منگل 18 جولائی 2017 22:56

اسلام آباد ۔ (اُردو پوائنٹ اخبارتازہ ترین - اے پی پی۔ 18 جولائی2017ء) سپریم کورٹ میں تحریک انصاف کے سربراہ عمران خان کے خلاف مبینہ طور پر اپنے اثاثے چھپانے کے حوالے سے زیر سماعت کیس میں جے آئی ٹی بنانے کیلئے درخواست دائر کر دی گئی ہے جس میں 39 مختلف اداروں اور شخصیات کو فریق بنایا گیا ہے۔

(جاری ہے)

منگل کو احمد نوازچوہدری کی جانب سے مولوی اقبال حیدر نے درخواست دائرکرتے ہوئے استدعاکی کہ عمران خان کیخلاف زیرسماعت کیس میں جے آئی ٹی بناکر عمران خان اور سابق جج ملک قیوم کو بھی تحقیقات کا حصہ بنایا جائے اور انہیں جے آئی ٹی میں طلب کرکے ان سے تحقیقات کی جائیں۔