پاکستان کوئز سوسائٹی انٹرنیشنل کی جانب سے70 ویں جشن آزادیِ پاکستان کے موقع پر آزادی کوئز کا انعقاد

امین اکبر منگل 15 اگست 2017 23:49

پاکستان کوئز سوسائٹی انٹرنیشنل کی جانب سے70 ویں جشن آزادیِ پاکستان کے موقع پر 12 اگست کو رعنا لیاقت علی خان گورنمنٹ کالج آف ہوم اکنامکس کراچی میں آزادی کوئز مقابلے کا انعقاد کیا گیا جس میں کراچی کے مختلف کالجز اور یونیورسٹیز کی ٹیموں نے حصہ لیا۔ اس تقریب کی صدارت کالج کی پرنسپل پروفیسر ڈاکٹر روبینہ حکیم نے کی جبکہ مہمانِ خصوصی کسٹم آفیسرز ایسوسی ایشن کے جنرل سیکریٹری جناب راجہ وسیم احمد تھے۔

مہمان خصوصی نے اپنی تقریر میں یوم آزادی کی اہمیت، مسلمانانِ برصغیر کی آزادی کے لئے جدوجہد اور قربانیاں پر روشنی ڈالی اور نوجوانوں، طلباء و طالبات میں معلومات عامہ کے فروغ کے لیے پاکستان کوئز سوسائٹی انٹرنیشنل کی خدمات پر خراجِ تحسین پیش کیا۔ اس کوئز مقابلے میں اول انعام جناح یونیورسٹی فار وومن کی صائمہ اخلاق اور علینہ اسد، دوم انعام پنجوانی انسٹیٹیوٹ آف بزنس اینڈ ٹیکنالوجی کے ارشاد حسین اور سوم انعام اپوا گورنمنٹ گرلز کالج کی سعدیہ سمیع اور کوثر سمیع نے حاصل کیا۔

(جاری ہے)

اس موقع پر پاکستان کوئز سوسائٹی انٹرنیشنل کے سرپرستِ اعلیٰ سید جاوید رضا ، سنیئر کوئزرز اور عہدے داران پروفیسر منور قریشی،سعید احمد سعید، واجد رضا اصفہانی، عبد الرزاق شوکت، نفیس احمد خان، ارم فضل، سیدہ تحسین فاطمہ اور محمد عارف سومرو بھی موجودتھے۔ا ٓخر میں مہمانِ خصوصی نے پہلی، دوسری اور تیسری پوزیشن پرا ٓنے والی ٹیموں کو انعامات دینے کے ساتھ پاکستان کوئز سوسائٹی انٹرنیشنل کے نائب صدر سعید احمد سعید کو ـ خصوصی ایوارڈ سے بھی نوازا گیا۔

Facebook Twitter Google + Share on Whatsapp

پاکستان کوئز سوسائٹی انٹرنیشنل کی جانب سے70 ویں جشن آزادیِ پاکستان کے موقع پر آزادی کوئز کا انعقاد

متعلقہ عنوان :

مزید تعلیم کی خبریں