کوٹلی‘سی آئی اے سٹاف کا سماج دشمن عناصر کے خلاف کریک ڈائون‘ آزاد کشمیر میں ہیروئن سپلائی کرنے والا ڈیلر گرفتار

آدھا کلو ہیروئن برآمد کر کے ملزم کے خلا ف منشیات ایکٹ کی دفعہ9Bکے تحت مقد مہ درج کر کے ملزم سے تفتیش شروع کر دی گئی

جمعہ 15 ستمبر 2017 12:55

کوٹلی(اُردو پوائنٹ اخبارتازہ ترین - این این آئی۔ 15 ستمبر2017ء) سی آئی اے سٹاف کا سماج دشمن عناصر کے خلاف کریک ڈائون‘ آزاد کشمیر میں ہیروئن سپلائی کرنے والا ڈیلر گرفتار لاکھوں کی ہیروئن برآمد کر کے ملزم کے خلاف مقد مہ درج کر کے تفتیش شروع تفصیلات کے مطابق ایس ایس پی کوٹلی کی ہدایت پر انچارج سی آئی اے سٹاف راجہ صداقت علی نے ہمراہ مہتاب اسلم، سردار کاشف ،سردار فہیم ،راجہ خضر،معہ نفری تھانہ ناڑ کی حدود جرائی کے مقام پر دوران ناکہ بندی مسافر گاڑی میں سوار آزاد کشمیر کو ہیروئن سپلائی کرنے والا عادل ولد محمد الیاس کو مشکوک جان کر تلاشی لی توملزم کے قبضہ سے آدھا کلو ہیروئن جس کی مالیت لاکھوں میں بتائی جاتی ہے برآمد کر کے ملزم کے خلا ف منشیات ایکٹ کی دفعہ9Bکے تحت مقد مہ درج کر کے ملزم سے تفتیش شروع کر دی واضع رہے سی آئی اے کی پے در پے منشیات فروشوں کے خلاف کاروائیوں سے اکثر منشیات فروش زیر زمین چلے گئے -