یوفون نے افغانستان میں کالنگ کے لئے سب سے کم قیمت متعارف کرادی

منگل 9 جنوری 2018 18:52

کراچی (اُردو پوائنٹ اخبارتازہ ترین - این این آئی۔ 09 جنوری2018ء) یوفون اپنے وعدے 'تم ہی تو ہو' پر قائم رہتے ہوئے اپنے صارفین کے رابطوں کی ضروریات کی تکمیل کے لئے انتہائی باسہولت خدمات کی فراہمی کے ذریعے مناسب قیمت کے ساتھ بدستور منسلک رکھنے پر عمل پیرا ہے۔ یوفون کی غیرمعمولی آفر کی اس بات سے توثیق ہوتی ہے کہ یوفون کے صارفین اب اتصالات افغانستان کے تمام نمبروں پر صرف 0.11 روپے بشمول ٹیکس فی سیکنڈ کے حساب سے کال کرسکتے ہیں۔

(جاری ہے)

یہ پاکستان میں کسی بھی ٹیلی کام آپریٹر کی جانب سے سب سے کم ریٹ ہیں جس کے تحت افغانستان میں انٹرنیشنل ڈائریکٹ کالز کی جاسکتی ہیں۔ یہ سہولت صرف یوفون کے افغانستان میں منسلکہ ذیلی نیٹ ورک پر قابل عمل ہے۔ یہ سہولت یوفون کے تمام صارفین کے لئے ہمہ وقت دستیاب ہے جس کے لئے نہ کسی سبسکرپشن کی ضرورت ہے اور نہ ہی کوئی ڈیلی چارجز ہیں۔ یہ ایک محدود مدت کی آفر ہے جو 9 جنوری 2018 سے کارآمد ہے۔ یوفون پاکستان کا واحد نیٹ ورک ہے جو افغانستان کے لئے انٹرنیشنل ڈائلنگ پر فی سیکنڈ کے حساب سے کال کرنے کی سہولت فراہم کر رہا ہے۔ یہ خصوصی آفر آسانی اور کم قیمت کا خوبصورت امتزاج ہے جس میں یوفون کے صارفین کو افغانستان میں اپنے پیاروں سے رابطوں کے لئے سہولت حاصل ہے۔

Facebook Twitter Google + Share on Whatsapp

یوفون نے افغانستان میں کالنگ کے لئے سب سے کم قیمت متعارف کرادی

متعلقہ عنوان :

مزید تجارتی خبریں