نماز جمعہ کے دوران مسجد میں دھماکوں سے 2 افراد شہید ،ْپچاس سے زائد زخمی

جمعہ 9 فروری 2018 22:26

طرابلس (اُردو پوائنٹ اخبارتازہ ترین - این این آئی۔ 09 فروری2018ء) لیبیا کے مشرقی شہر بن غازی میں مسجد میں دھماکوں کے نتیجے میں کم از کم 2 افراد شہید اور 50 سے زائد زخمی ہو گئے۔غیر ملکی میڈیا کے مطابق بن غازی میں نماز جمعہ کے دوران مسجد سعد بن عبیدہ میں آئی ای ڈی کے ذریعے دو دھماکے کیے گئے۔

(جاری ہے)

طبی ذرائع کے مطابق دھماکوں میں کم از کم دو افراد کے شہید ہونے اور 55 کے زخمی ہونے کی اطلاعات ہیں جنہیں طبی امداد کیلئے ہسپتالوں میں منتقل کر دیا گیا ۔

لیبین حکام کے مطابق دھماکا خیز مواد دو بیگوں میں رکھا گیا تھا تاہم کسی بھی گروپ کی جانب سے حملے کی ذمہ داری قبول نہیں کی گئی ہے۔خیال رہے کہ تین ہفتے قبل بھی بن غازی میں ایک مسجد کے باہر کار بم دھماکوں میں 35 افراد جاں بحق اور درجنوں زخمی ہو گئے تھے