پاکستان کے عوام جان گئے کہ ہمارا بیانیہ اور اصولی موقف درست ہے، اب سکھا شاہی برداشت کرنے کو تیار نہیں۔نواز شریف
میاں محمد ندیم پیر 5 مارچ 2018 11:52
(جاری ہے)
سابق وزیراعظم نے کہا کہ انتخابی نشان چھیننے سے کیا ہمارا نشان مٹادیں گے،تم جتنا ظلم کرو گے،عوام اتنا ہی ن لیگ کا ساتھ دیں گے،یہ ادھر سے نااہل قرار دیتے ہیں، عوام مجھے ووٹ دیتے ہیں،ووٹ کو عزت دو، عوام کا بھی یہی مطالبہ ہے،پاکستانی عوام اب سکھا شاہی برداشت کرنے کو تیار نہیں۔
نواز شریف نے مزید کہا کہ جیسے 70 سال گزرے، اگلے 70 سال ایسے نہیں گزرنے چاہئیں،وزیراعظم نے کسی کا خون نہیں کیا، ڈاکا نہیں ڈالا، اسے اٹھاکر باہر پھینکا ،یہ کسی فرد واحد کا ملک نہیں،فیصلے میں جان ہوتی تو تسلیم کرتے۔انہوں نے کہا کہ عدالتی فیصلے میں جان ہوتی تو تسلیم کرتے۔ وزیراعظم کو اس طرح سے نکال کر باہر پھینکنا پاکستان کے عوام یہ نہیں برداشت کریں گے، ظلم کے آگے کھڑا ہونا ضروری ہے، آئی اوپنر ہونا چاہیے۔انہوں نے کہا کہ پاکستان کی عوام بھیڑ بکریاں نہیں، وہ ووٹ سے وزیراعظم کو بنائیں اور چند لوگ اسے اٹھا کر باہر کردیں، بغیر کسی وجہ کے وزیراعظم کو باہر نکال کر پھینک دیاگیا،وزیر اعظم نے کسی کا خون نہیں کیا، ڈاکا نہیں ڈالاکہ اسے اٹھا کر باہر پھینک دیا ۔ انہوں نے کہا کہ وزیراعظم چور ڈاکو ، اسمگلر ، سسیلین مافیا اور گاڈ فادر نہیں ،یہ کسی فرد واحد کا ملک نہیں ہے، پچھلے 70سال جیسے گزرے اگلے 70سال ایسے نہیں گزریں گے، عوام محسوس کررہے ہیں کہ (ن) لیگ کا موقف درست ہے۔قبل ازیں سابق وزیراعظم نواز شریف ، ان کی صاحبزادی مریم نواز اور داماد کیپٹن (ر) صفدر نیب ریفرنسز کی سماعت کیلئے احتساب عدالت میں پیش ہوئے۔ اسلام آباد کی احتساب عدالت کے جج محمد بشیر شریف خاندان کے خلاف نیب ریفرنسز کی سماعت کررہے ہیں،اس موقع پر نواز شریف احتساب عدالت میں پیش ہوگئے، ان کے ساتھ مریم نواز بھی پہنچیں جبکہ کیپٹن (ر) صفدر بھی عدالت میں موجود ہیں۔فلیگ شپ ریفرنس میں استغاثہ کے 3گواہوں کو بیان قلمبند کرانے جبکہ ایک کو جرح کیلئے طلب کیا گیا ہے۔لندن میں پاکستانی ہائی کمیشن کے ویزا سیکشن کے آفیسر پر وکیل صفائی کی طرف سے جرح بھی ہوگی۔ گزشتہ سماعت پر نواز شریف کی موجودگی میں 3 گواہان پر جرح کا عمل مکمل ہوا تھا۔ ایک گواہ جو لندن میں پاکستانی ہائی کمیشن کے ویزا سیکشن میں ملازمت کر رہے ہیں پر جرح کا عمل اب بھی جاری ہے،لندن سے گواہ نواز شریف کی آف شور کمپنیوں سے متعلق اپنی ہی تصدیق شدہ دستاویزات پیش کریں گے۔گزشتہ پیشی پر لندن سے آئے ہوئے گواہ نے نوازشریف کی آف شور کمپنیوں سے متعلق اپنی تصدیق شدہ دستاویزات بھی جمع کرائی تھیں۔واضح رہے کہ اس ریفرنس میں عدم پیشی کی بنیاد پرحسین اور حسن نواز کو اشتہاری قرار دے کر ان کا کیس الگ کردیا تھا۔متعلقہ عنوان :
مزید اہم خبریں
-
پاکستان کے ساتھ کوئی کشیدگی نہیں ہے، امریکہ
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
-
پاکستان خطے میں ہمارااہم شراکت دار ہے ،تعاون مزید مضبوط کرینگے ،امریکہ
-
بھارت: بی جے پی کے اکلوتے مسلم اُمیدوار کون ہیں؟
-
قانون نافذ کرنے والے اداروں کی یونیفارم پہننا خلافِ قانون ہے،بیرسٹر سیف
-
مریم نواز کا پولیس یونیفارم پہننا معاملہ،اندراج مقدمہ کی درخواست پر پولیس سے جواب طلب
-
گھیراوٴ جلاوٴ اور مار دھاڑ کی گندی سیاست نہیں چل سکتی ہے، سعدرفیق
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.