کالجز میں بی ایس پروگرام شروع کردیاگیا ، منظور احمد

پشاور۔ (اُردو پوائنٹ اخبارتازہ ترین - اے پی پی۔ 30 مارچ2018ء) سپیشل سیکرٹری ہائرایجوکیشن ڈیپارٹمنٹ خیبر پختونخوا منظور احمد نے کہا ہے کہ صوبے میں اعلیٰ تعلیم کو فروغ دینے کیلئے سرکاری کالجز میں بی ایس پروگرام شروع کردیا گیا ہے، کالجوں اور یونیورسٹیوں میں ریسرچ کلچر پروان چڑھانے کیلئے خطیر رقم مختص کی گئی ہے جبکہ فیکلٹی کو پی ایچ ڈی کیلئے بھی فنڈز فراہم کئے جا رہے ہیں تاکہ صوبے میں اعلیٰ تعلیم کے معیار کو مزید بہتر بنایا جاسکے۔

(جاری ہے)

ان خیالات کا اظہار انہوں نے باچاخان گرلز ڈگری کالج پشاور کے میگزین کی تقریب رونمائی سے بطور مہمان خصوصی خطاب کرتے ہوئے کیا۔اس موقع پر کالج کی پرنسپل پروفیسر شا ہین عمر ، فیکلٹی اور طالبات سمیت پشاور کے مختلف سرکاری کالجز کے پرنسپلز اور مختلف شعبوں سے تعلق رکھنے والے افراد بھی موجود تھے۔ تقریب میں طالبات نے نغمے ، ٹیبلو اور خاکے پیش کئے۔شرکاء سے خطاب کرتے ہوئے کالج کی پرنسپل پروفیسر شاہین عمر نے کہا کہ دنیا بھر میں تعلیمی اداروں کی جانب سے شائع ہونے والے میگزینز طلبہ کی تخلیقی صلاحیتوں کو فروغ دینے کا ایک بڑا ذریعہ ہے۔