پہلی پاکستان ٹیبل ٹینس سپر لیگ اسلام آباد میں شروع ہوگئی

پیر 16 اپریل 2018 14:16

اسلام آباد ۔ (اُردو پوائنٹ اخبارتازہ ترین - اے پی پی۔ 16 اپریل2018ء) پاکستان ٹیبل ٹینس فیڈریشن کے زیراہتمام پہلی پاکستان ٹیبل ٹینس سپر لیگ لیاقت جمنازیم اسلام آباد میں شروع ہوگئی، لیگ کی رنگارنگ افتتاحی تقریب جناح سٹیڈیم میں میں منعقد ہوئی جس کے مہمان خصوصی وفاقی سیکرٹری، وزارت بین الصوبائی رابطہ سید ابو احمد عاکف تھے جہنوں نے باقاعدہ کا افتتاح کیا، اس موقع پر پاکستان سپورٹس بورڈ کے ڈپٹی ڈائریکٹر جنرل منصور احمد، پاکستان ٹیبل ٹینس فیڈریشن کے خواجہ حسن ودود، سیکرٹری جنرل کفایت اللہ خان، آرگنائزنگ سیکرٹری شاہد بلوچ اورسلیکشن کمیٹی کے چیئرمین ندیم منصورکے علاوہ شائقین کی کثیر تعداد بھی موجود تھی، لیگ کی رنگارنگ افتتاحی تقریب میں مارچ پاسٹ کے علاوہ ملک بھر سے سے آئے ہوئے گلوکاروں اور فنکاروں نے اپنے فن کا مظاہرہ بھی کیا۔

(جاری ہے)

لیگ میں ملک بھر سے سو سے زائد پروفیشنل کھلاڑیوں آٹھ مختلف ٹیموں کے مرد اور خواتین حصہ لے رہے ہیں ان ٹیموں میں کراچی کرارے، لاہور استاد، اسلام آباد کمانڈر، فیصل آباد، شیردل، راول جگنی، ملتان صوفیان، پشاور دلاور اور کوئٹہ ڈیفنڈر شامل ہیں۔