ساہیوال،جعلی ڈاکٹروں کیخلاف کریک ڈائون، 4گرفتار

پیر اپریل 17:55

ساہیوال۔16 اپریل(اُردو پوائنٹ اخبارتازہ ترین۔ 16 اپریل2018ء)جعلی ہسپتال و جعلی کلینک چلانے والے جعلی ڈاکٹروں کیخلاف کریک ڈائون میں 4جعلی ڈاکٹر کوگرفتار کرکے ہسپتال وکلینک سیل اور خاتون سمیت 6کیخلاف مقدمات درج کرلئے گئے۔

(جاری ہے)

تفصیلات کے مطابق ڈپٹی ڈسٹرکٹ آفیسر ہیلتھ ڈاکٹر سعد بن سعید نے اعلیٰ حکام کی ہدایت پر جعلی ڈاکٹروں کو جعلی ہسپتالوں و کلینکوں پر پریکٹس کرتے ہوئے ان کیخلاف کارروائی کی اور شادمان ٹائون میں یعقوب ‘ 82/6Rمیں ایم ارشاد اور گول چکر کے قریب ارشاد وغیرہ کو گرفتارکرکے ان کی جعلی ہسپتال اور جعلی کلینکوں کو سیل کردیا جبکہ بھٹونگر میں شبیر احمد اور محلہ بلال گنج میں ثمینہ پروین کوجعلی کلینک اور جعلی ہسپتال بنا کر پریکٹس کرتے ہوئے پکڑ لیا ، پولیس نے مذکورہ آفیسر صحت کی رپورٹ پر ملزمان کیخلاف مقدمات درج کرلئے ہیں۔