ساہیوال،عطائی ڈاکٹروں کیخلاف آپریشن کے دوران آٹھ عطائی ڈاکٹرگرفتار ،ْ نجی ہسپتال اور کلینک سیل کر دئیے گئے

منگل 17 اپریل 2018 15:56

ساہیوال(اُردو پوائنٹ اخبارتازہ ترین - این این آئی۔ 17 اپریل2018ء) محکمہ صحت کے ڈائریکٹر چیف ایگزیکٹو اور پولیس نے سپیشل برانچ کی نشاندہی پر ضلع ساہیوال میں عطائی ڈاکٹروں کے خلاف آپریشن کے دوران آٹھ عطائی ڈاکٹروں کو گرفتار کر لیا اور نجی ہسپتال اور کلینک سیل کر دئیے گئے۔محکمہ صحت اور انتظامیہ کی تیم نے موکل کالونی ساہیوال میں منور حسین شاہ کے 18بستروں کے ہسپتال کو سیل کر دیا اور جعلی ڈاکٹر منور حسین کو گرفتار کر لیا آپریشن تھیٹر بھی سیل۔

مشن چوک ساہیوال میں جعلی داکٹر جا وید اقبال کی لیبارٹری پکڑی اور ملزم کو گرفتار کر لیا اور لیبارٹری سیل کر دی ۔اڈہ گیمبر النور سر جیکل اینڈ میٹرنٹی ہوم کی جعلی ڈاکٹر شمیم اختر کو گرفتار کر لیا اور ہسپتال سیل کر دیا ۔

(جاری ہے)

اڈا گیمبر دار الشفاء چلڈرن ہسپتال جعلی ڈاکٹر رخسانہ کو گرفتار کر لیا اور ہسپتال سیل کر دیا ۔آمنہ ہسپتال اڈا گیمبر جعلی داکٹر ارشاد بی بی کو گرفتار کر لیا آپریشن تھیٹر اور ہسپتال کو سیل کر دیا۔

اڈہ گیمبر اختر میٹرنٹی ہسپتال پر چھاپہ مار کر جعلی ڈاکٹر نر ما کرن کو گرفتار کر لیا ہسپتال اور آپریشن تھیٹر سیل کر دیا ۔حسیب ٹائون میں چھا پے مار کر جعلی ڈاکٹر محمد افضل اور ود ہسپتال حاجی صدیق اینڈ میٹرنٹی ہسپتال اور کوثر کئیر میٹرنٹی ہوم کو سیل کر دیا اور ملزموں کو گرفتار کر لیا ۔پولیس نے آٹھ مقدمات درج کر کے ملزموں کو جوڈیشل ریمانڈ پر جیل بھیج دیا ۔