ابھیشیک بچن کا والدین کے ساتھ رہنے پر ٹویٹر صارف کے مذاق کا خوبصورت جواب

بدھ اپریل 14:53

ممبئی ۔ (اُردو پوائنٹ اخبارتازہ ترین۔ 18 اپریل2018ء) بالی وڈ اداکارابھیشیک بچن نے والدین کے ساتھ رہنے کے حوالے سے ٹویٹر کے ایک صارف کے مذاق کے جواب میں کہا کہ ان کے ساتھ رہنا میرے لئے باعث فخر ہے۔

(جاری ہے)

بھارتی ذرائع ابلاغ کے مطابق ٹویٹر صارف نے اداکارابھیشیک بچن کے بیوی ایشوریہ رائے بچن اور ارادھیا بچن کے ہمراہ والدین کے ساتھ رہنے پر ان کو مذاق کا نشانہ بنایا جس کے جواب میں اداکار ابھیشیک بچن نے کہا کہ ان کے ساتھ رہنا میرے لئے باعث فخر ہے، وہ میرے لئے ہیں اور میں ان کے لئے ہوں، آپ بھی کبھی کوشش کریں جس سے آپ اپنے بارے میں بہتر محسوس کریں گے۔ اداکار ابھیشیک بچن فلم ’’من مرضیاں ‘‘ میں دکھائی دیں گے۔