2021 میں آزاد کشمیر میں ایک بار پھر پیپلزپارٹی بھاری اکثریت سے حکومت بنائے گی‘ لیاقت علی اعوان

بدھ 18 اپریل 2018 18:18

مظفرآباد(اُردو پوائنٹ اخبارتازہ ترین - آئی این پی۔ 18 اپریل2018ء) پیپلزپارٹی جہلم ویلی کے رہنماء لیاقت علی اعوان نے کہا ہے کہ2021 میں آزاد کشمیر میں ایک بار پھر پیپلزپارٹی بھاری اکثریت سے حکومت بنائے گی۔ پیپلزپارٹی آزادکشمیر کی سب سے مضبوط ترین عوامی جماعت ہے،حلقہ چھ سے پیپلز پارٹی کے کارکنان سابق وزیر چوہدری محمد رشید کی قیادت میں متحدو منظم ہیں۔

ان خیالات کا اظہار نے گزشتہ روز اخباری نویسوں سے گفتگو کرتے ہوئے کیا۔

(جاری ہے)

حلقہ چھ میں ثابت ہو چکا ہے کہ مسلم لیگ ن کی حکومت حلقہ چھ سمیت آزاد کشمیر بھر میںبری طرح ناکام ہو چکی ہے اور عوام کو اب ن لیگ سے بہتری کی کوئی امید نہیں رہی۔انہوں نے کہا کہ پاکستان پیپلزپارٹی نے اپنے دور حکومت میں جو کام کیے وہ ہمیشہ یاد رکھے جائیں گے اور آزادکشمیر کے عوام آج پیپلزپارٹی کے دور حکومت کو یاد کر رہے ہیں، پیپلزپارٹی سے بیوفائی کرنے والوں کا سیاست سے نام مٹ جاتا ہے جس کا واضح ثبوت آج آزاد کشمیر میں نظر آرہا ہے، جن لوگوں نے پی پی سے بیوفائی کی تھی آج ان کا نام لینے والا کوئی نہیں، پیپلز پارٹی میں ایک بار پھر سب سے منظم قوت بن چکی ہے۔

انہوں نے مزید کہا کہ انشاء اللہ حلقہ چھ میں جلد تنظیم سازی کر کے پارٹی کیلئے فحال کردار ادا کریں گے۔